Author: Editor

မကွေးတိုင်းအတွင် ကန္တာရကျိုင်းကောင်များ ရောက်ရှိနေသည်မှာ မဟုတ်ကြောင်း၊ နှစ်စဉ်ကျရောက်နေသည့် ပိုးကောင်များသာဖြစ်သည်ဟု မကွေးမြို့နယ် စိုက်ပျိုးရေးဦးစီးဌာ ဦးစီးမှူးက ပြော

ဒီလှိုင်း၊ မကွေး၊ ဇူလိုင် ၉ ရက်။

မကွေးတိုင်းဒေသကြီး မကွေးမြို့နယ် ကြူချောင်းကျေးရွာနှင့် အခြားကျေးရွာ တချို့တွင် ကန္တာရ ကျိုင်းကောင်များ ရောက်ရှိနေသည်မှာ မဟုတ်ကြောင်း၊ ရာသီဥတုကြောင့် နှစ်စဉ်ကျရောက်နေသည့် ကျိုင်းကောင် ( ဒေသအခေါ် – ဓားခုတ်ကောင်) သာဖြစ်ကြောင်း၊ စိုးရိမ်ရသည့် အနေအထားမဟုတ်ကြောင်း မကွေးမြို့နယ် စိုက်ပျိုးရေးဦးစီးဌာန ဦးစီးမှူး ဦးခိုင်မင်းက ပြောကြားထားပါတယ်။[embedyt] https://www.youtube.com/watch?v=6MgsV-Bt06U[/embedyt]

Red News Agency

ကိုကိုလွင် ပုလဲ၊ ဇူလိုင် ၈ ရက်။

”ပြည်သူ့ရဲ ပြည်သူရဲနဲ့ ဒါလား ပြည်သူ့ရဲ။ ပြည်သူတွေကို နှိပ်စက်နေတာ ဒါ ပြည်သူ့ရဲ လားဟ ” ဟု ဒေသခံပြည်သူတွေနဲ့ ရုန်းရင်းဆန်ခတ် ဖြစ်နေချိန်မှာ မေးခွန်းထုတ်ခဲ့ပါတယ်။

စစ်ကိုင်းတိုင်းဒေသကြီး၊ ပုလဲမြို့နယ်၊ မြကုန်းကျေးရွာတွင် ဇူလိုင်လ ၇ ရက်နေ့ နံနက်ပိုင်းက စစ်ဆေးရေးဂိတ်‌မြေနေရာသတ်မှတ်ရာမှ ရော်ဘာကျည်ဖြင့် ပစ်ခတ်ခဲ့ရာ ဒေသခံ ၃ ဦးထိမှန်ခဲ့ပြီး၊ ၅ ဦးကို ဖမ်းဆီးခဲ့ပြီးမှ ပြန်လွှတ်ပေးခဲ့ကြောင်း ၊ ဒေသခံတဦး ရိုက်ကူးထားသည့် ရုပ်သံများကို Red News Agency က ရရှိခဲ့သည်။

၁၉၈၂ ခုနှစ် ဧပြီလ ၄ ရက်နေ့က မြကုန်းရွာဟောင်း မီးလောင်သဖြင့် ယခုရွာသစ်နေရာ ၃၂ ဧကကို တစ်ဧကလျှင် ၃၀၀၀ ကျပ်နှုန်းဖြင့် ဝယ်ယူပြီး အဆိုပါ ကတ္တရာလမ်းဘေးရှိ မြေကွက်လပ် အရှည်ပေ ၁၅၀၀ ခန့် အနံပေ ၈၀ ခန့်‌နေရာတွင် ကျွန်း၊ မယ်ဇလီ၊ ထနောင်း၊ ဘောစကိုင်းပင်များကို တစ်အိမ်လျှင် ၁၅ ပင်နှုန်းဖြင့် စိုက်ပျိုးကာ ခြံစီးရိုးခတ် ကာရံခဲ့ကြောင်း၊ ယင်း မြေကွက်လပ်ကို ဒေသခံများ သဘောတူညီမှုမပါပဲ အုပ်ချုပ်ရေးပိုင်းက လုပ်နေသည့်အတွက် အငြင်းပွားမှုများ ဖြစ်ခဲ့ကြောင်း ဒေသခံများက ပြောသည်။[embedyt] https://www.youtube.com/watch?v=vYfOvtro4bY[/embedyt]

Red News Agency

ဖားကန့်မြေပြိုမှု လူ ၁၇၄ ဦးသေဆုံးမှု( ၂ဦးပျောက်နေ) စုံစမ်းစစ်ဆေးနေ၊ သေဆုံးသူ မိသားစုများကို ထောက်ပံ့ငွေပေး

ကိုတာ
ဖားကန့်၊ ဇူလိုင် ၅ ရက်။

ဖားကန့်မြို့နယ်၊ ဝှေခါကျေးရွာအနီး မြေပြိုမှုတွင် ဆယ်သူရရှိထားသည့်အလောင်းမှာ ၁၄၇ ဦးဖြစ်ပြီး ၊ စာရင်းများအရ ၂ လောင်းပျောက်နေကြောင်း၊ မြေပြို လူသေသည့် ကိစ္စနှင့် ပတ်သက်ပြီး သမ္မတဖွဲ့စည်းပေးထားသည့်အဖွဲ့က ဇူလိုင် ၄ ရက်နေ့ကစတင်ပြီး စစ်ဆေးနေပြီဖြစ်ပါတယ်။

သေဆုံးသူ ၁၇၄ ဦးအတွက် မိသားစုများကို ထောက်ပံ့ငွေ ၅ သိန်း၊ ဒဏ်ရာရရှိသူ ၅၄ ဦးကို ၂ သိန်းယနေ့ ထောက်ပံ့ခဲ့ကြောင်း၊ ယင်းကိစ္စများနှင့်ပတ်သက်ပြီး ဖားကန့်မှ သက်ဆိုင်ရာ အစိုးရအဖွဲ့အစည်းများ၊ ဒဏ်ရာရရှိသူများ၊ ဒေသခံစသည်တို့ကို စုံစမ်းစစ်ဆေးရေးအဖွဲ့က တွေ့ဆုံ မေးမြန်းခဲ့ကြပါတယ်။

ဇူလိုင်လ ၃ ရက်နေ့က သမ္မတဖွဲ့စည်းပေးထားသည့် စုံစမ်းစစ်ဆေးရေးအဖွဲ့တွင် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းက ဥက္ကဌအဖြစ်တာဝန်ယူထားပြီး၊ ပြည်ထဲရေးဝန်ကြီးဌာနမှ ဒုတိယဗိုလ်ချုပ်ကြီးစိုးထွဋ်၊ ပြည်ထောင်စုဝန်ကြီး ဒေါက်တာဝင်းမြတ်အေး၊ ကချင်ပြည်နယ်ဝန်ကြီးချုပ် ဒေါက်တာခက်အောင်စသည်တို့ ဖြစ်ပါတယ်။

ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ ဝှေခါကျေးရွာ ရပ်ကွက် (၆) ၊ လခူချောင်ရှိ ကျောက်မျက်ရွှေပြည်ကုမ္ဗဏီ (ဒေသအခေါ် တစ်သုံးလုံး ကုမ္ဗဏီ) အတွင်း ဇူလိုင် ၂ ရက်နေ့ နံနက် ၆ နာရီခွဲဝန်းကျင်က ပေ ၁၀၀၀ ဝန်းကျင် အမြင့်မှ မြေပြိုကျမှု ဖြစ်ပွားစဉ် ကျောက်ရှာနေသူများ သေဆုံးမှု အများအပြားဖြစ်ပွားခဲ့ခြင်းဖြစ်သည်။[embedyt] https://www.youtube.com/watch?v=83yCnFVk6p8[/embedyt]

Red News Agency

ဒီလိုင်း၊ မကွေး၊ ဇူလိုင် ၄ ရက်။

” ကိုယ့်ဝိုင်းကိုယ့်စည်းနဲ့နေချင်လို့မလို့ ရှိတဲ့ငွေနဲ့‌ခြိုးခြံချွေတာပြီးတော့ ဝယ်ပြီးနေတာပါ၊ အဲဒါကို သူတို့က ကျူးဆိုပြီးသတ်မှတ်ပြီးတော့ ဖယ်ရှားခိုင်းတာပါ။ ကျူးဆိုပြီးတော့ဖယ်ရှားခိုင်းတာ ၁၃၅အိမ်ရှိပါတယ်” ဟု ယင်းနေရာတွင် နေထိုသည့် ဒေါ်ယုဇနလွင်က ပြောထားပါတယ်။

မကွေးတိုင်းဒေသကြီး၊မကွေးခရိုင်၊မကွေးမြို့နယ်၊မယ်လှတောင်ကျေးရွာအုပ်စု (ကွင်းအမှတ်-၁၆၅၄-မြင်းကင်းကွင်း) တွင် အခကြေးငွေပေးဝယ်ပြီး အိမ်ဆောက်နေထိုင်သူများကို တရားမဝင် (ကျူးကျော်) ဟုဆိုကာ မကွေးမြို့နယ် အုပ်ချုပ်ရေး ဦးစီးဌာနက ဇူလိုင်လ ၂၁ ရက်နေ့ နောက်ဆုံးထားရွေ့ပြောင်းရမည်ဟု အမိန့်စာထုတ်ထားကြောင်း ဒေသခံများက ပြောကြားထားသည်။

” ကျူးကျော်ဆိုပြီးသတ်မှတ်ပြီးရောက်လာပါတယ်၊ ကျွန်မတို့က ကိုယ့်ချွေးနည်းစာနဲ့ဒီရပ်ကွက်မှာရှိတဲ့ပိုင်ရှင်တွေဆီကနေပြီး တတ်နိုင်သလောက်ပေး ဝယ်ထားတာဖြစ်တဲ့အတွက်ကျူးမဟုတ်လို့၊ ကျူးကျော်နေထိုင်တာလို့ မသတ်မှတ်နိုင်ပါဘူး၊ ဒီတစ်ရပ်ကွက်လုံးမှာကျူးကျော်တစ်အိမ်မှမပါဘာဘူး” ဟု ယင်းရပ်ကွက်နေထိုင်သူ တဦးက ပြောထားပါတယ်။[embedyt] https://www.youtube.com/watch?v=CVTpDldPztY[/embedyt]

Red News Agency

ရေမဆေးကျောက်ရှာဖွေဖို့သွားသော်လည်း သေဘေးမှ လွတ်မြောက်လာသူ

တာလင်းမောင် ၊ ဖားကန့်၊ ဇွန် ၃ ရက်။

ဇွန်လ ၂ ရက်နေ့ ရေမဆေးကျောက်ရှာဖွေရန်သွားခဲ့သူ၊ သေဘေးမှ လွတ်မြောက်ခဲ့သူ တစ်ဦးဖြစ်သူက ဖြစ်စဉ်တချို့ကို ပြောပြထားပါတယ်။ ဖားကန့်မြိုကနယ် ဝှေခါကျေးရွာ ရပ်ကွက် (၆)၊ လခူးချောင်ရှိ ကျောက်မျက်ရွှေပြည်ကုမ္ဗဏီ ( ဒေသအခေါ် တစ်သုံးလုံး ကုမ္ဗဏီ) အတွင်း ကျင်းကမ်းပါး ပြိုကျမှုကြောင့် ယနေ့ နေလည်ပိုင်းအထိ သေဆုံးသူ ရုပ်အလောင်း ၁၆၈ ဦးကို ဆယ်ယူပြီးကြောင်း သိရသည်။[embedyt] https://www.youtube.com/watch?v=BfVsVfOPcq4[/embedyt]

Red News Agency

တာလင်းမောင် ၊ ဖားကန့်၊ ဇူလိုင် ၄ ရက်။

”တာဝန်အရှိဆုံးက အဲဒီကျင်းကို တူးတဲ့လူတွေ တာဝန်အရှိဆုံးဘဲ။ သူတို့ဘာသာ သူတို့တူးတဲ့ ကိစ္စ။ ကျန်တဲ့သူ ဘယ်သူ့မှာတာဝန်ရှိတယ် ဘယ်အဖွဲ့အစည်းမှာ ဘယ်လို ပြောစရာမလိုဘူး ဒီတူးတဲ့လူတွေ တာဝန်အရှိဆုံးဘဲ” ဟု ဖားကန့်မြို့နယ် ပြည်သူ့လွှတ်တော်ကိုယ်စားလှယ် ဦးတင့်စိုးက ပြောကြားထားပါတယ်။

ဖားကန့်မြို့နယ်၊ ဝှေခါရပ်ကွက် လခူးချောင်ရှိ ကျောက်မျက်ရွှေပြည်ကုမ္ဗဏီ လုပ်ကွက်အတွင်း ဇူလိုင်လ ၂ ရက်နေ့က ကမ်းပါးပြိုကျခဲ့ရာတွင် ဇူလိုင်လ ၃ ရက်နေ့ထိ သေဆုံးသူ ရုပ်အလောင်း ၁၆၉ လောင်း ဆယ်ယူနိုင်ခဲ့ပြီး၊ ဒဏ်ရာရရှိသူ ၄၃ ဦးရှိခဲ့သည်။[embedyt] https://www.youtube.com/watch?v=1GBYhMBbhNs[/embedyt]

Red News Agency

ဇင်လင်းနိုင်၊ နေပြည်တော်၊ ဇွန် ၁၉ ရက်။

နေပြည်တော်တွင် ပြည်ထောင်စုအဆင့်ဝန်ကြီးတွေကို မြေကွက်ချထားပေးသည့်ကိစ္စမှန်သည်ဟု ဆိုသော်လည်း ဆိုရှယ်မီဒီယာတွင် ဖော်ပြထားသည့် မြေကွက် ဧရိယာမှာ မှားယွင်းနေကြောင်း ဇွန်လ ၁၉ ရက်နေ့ သမ္မတအိမ်တော် သတင်းစာရှင်းလင်းပွဲတွင် သမ္မတရုံးပြောရေးဆိုခွင့်ရှိသူ ဦးဇော်ဌေးက ပြောသည်။

ဥတ္တရသီရိမြို့နယ်အတွင်းမှာ နေပြည်တော်စည်ပင်က မြေ ၂ ဧကရှိသည့် မြေကွက် ၁၀ ကွက်၊ မြေ ၁ ဧက ရှိသည့် မြေကွက် ၆ ကွက်ကို ပြည်ထောင်စုအဆင့်တာဝန်ထမ်းဆောင်နေသည့် ပြည်ထောင်စု ဝန်ကြီးနှင့်အထက် နိုင်ငံရေးရာထူးရှိ ပုဂ္ဂိုလ်တွေ လျှောက်ထားလာသူတွေကို သတ်မှတ်ဈေးနှုန်းနှင့် ချပေးတာဖြစ်ကြောင်း ယနေ့ သတင်းစာရှင်းလင်းပွဲတွင် ဦးဇော်ဌေးက သတင်းသမားများကို ပြောကြားခဲ့သည်။[embedyt] https://www.youtube.com/watch?v=mxTfPCvHGsE[/embedyt]