RNA_ဖေဖော်ဝါရီ ၁ ရက်၊ ၂၀၂၂ ခုနှစ်။
စစ်ကိုင်းတိုင်း၊ ဆားလင်းကြီးမြို့နယ်တွင် မုံရွာတက္ကသိုလ် ကျောင်းသားများသမဂ္ဂနှင့် လက်ပံတောင်းတောင်ပင်မသပိတ်စစ်ကြောင်းတို့ ပူးပေါင်း၍ ယနေ့ နံနက်စောစော အာရုဏ်ဦးသပိတ်စစ်ကြောင်းဖြင့် စစ်အာဏာရှင်ဆန့်ကျင်ရေး ဆန္ဒပြခဲ့ကြရာ ဆားလင်းကြီး PDFများမှ ဝန်းရံအားဖြည့်ပေးခဲ့ကြောင်း သိရသည်။
Red News Agency
RNA_ဇန်နဝါရီ ၃၁ ရက်၊ ၂၀၂၂ ခုနှစ်။
စစ်ကိုင်းတိုင်းအတွင်းက စစ်အာဏာရှင်ကို ခုခံတွန်းလှန် တိုက်ပွဲဝင်နေသည့် ပြည်သူ့ကာကွယ်ရေးတပ်ဖွဲ့တခုဖြစ်သည့် ယင်းမာပင်မြို့နယ် အခြေစိုက် Hero Tiger Force က ဦးစီးပြုလုပ်သည့် အထူးပြောက်ကျား ကွန်မန်ဒို သင်တန်းဆင်းပွဲကို ယနေ့ နံနက်ပိုင်းက ပြုလုပ်ခဲ့ကြောင်း သိရသည်။
အထူးပြောက်ကျား ကွန်မန်ဒို သင်တန်းဆင်းပွဲတွင် PDF အလံတော်အား အလေးပြု၍ သွေးသစ္စာသီချင်းဖြင့် ချီတက်အလေးပြုခဲ့ကြပြီး၊ မြောက်ယမား ပြည်သူ့ကာကွယ်ရေးတပ်မှ တာဝန်ရှိသူတဦးက မိန့်ခွန်းပြောကြားခဲ့ကြောင်း၊ ဒေသခံပြည်သူများကလည်း အောင်သပြေပန်းများဖြင့် ကြိုဆိုခဲ့ကြောင်း သိရသည်။
Red News Agency
RNA_ဇန်နဝါရီ ၂၉ ရက်၊ ၂၀၂၂ ခုနှစ်။
မကွေးတိုင်း၊ မြိုင်မြို့နယ်၊ လင်းကတောနယ်မြေရဲစခန်းအား မြိုင် PDF၊ ရေစကြို PDF၊ ဆားလင်းကြီး PDF၊ ရွှေဓားဗိုလ်တပ်ဖွဲ့တို့ ယနေ့ တိုက်ခိုက်သိမ်းပိုက်ခဲ့ကြောင်း သိရသည်။
ယနေ့ ညနေ့ ( ၂) နာရီ ဝန်းကျင်ခန့်က မြိုင်မြို့နယ် လင်းကတော ရဲစခန်းအား ရေစကြိုမြို့နယ်ပြည်သူကာကွယ်ရေးတပ်ဖွဲ့ ၊ မြိုင်မြို့နယ်ပြည်သူကာကွယ်ရေးတပ်ဖွဲ့ ၊ဆားလင်းကြီးမြို့နယ်ပြည်သူကာကွယ်ရေးတပ်ဖွဲ့ မဟာမိတ် ( ၃) မြို့နယ် ပူးပေါင်း၍( ၁) နာရီကြာ တိုက်ပွဲဆင်နွှဲခဲ့ပြီီး G-3 ( ၅ ) လက် နှင့် ကျည် (၄၀၀) ၊ အူစီ (၃ ) လက်နှင့် ကျည် ( ၂၀၀)၊ ခြောက်လုံးပျူး ( ၁) လက်၊ ဗုံးသီး ( ၇) လုံး၊ လက်တော့ ( ၂ )လုံးပရင့်တာ ( ၁ )လုံး၊ ဆိုင်ကယ် ( ၄ )စီး နှင့် တခြားစစ်ဘက်အသုံးဆောင်များ သိမ်းဆည်းရခဲ့မိသည်ဟု ရေစကြို PDF ကထုတ်ပြန်ထားသည်။
RNA_ဇန်နဝါရီ ၂၉ ရက်၊ ၂၀၂၂ ခုနှစ်။
ဖယ်ခုံမြို့နယ်၊ ကုန်းဆုံကျေးရွာအနီး ထိုင်တော်မူဘုရား အနီး စစ်ကောင်စီတပ် ကင်းစခန်းကို ဖယ်ခုံပြည်သူ့ကာကွယ်ရေးတပ် ( PK-PDF)က ယနေ့ နံနက် ၆ နာရီမှ ၉ နာရီဝန်းကျင်အထိ ဝင်ရောက်တိုက်ခိုက်ရာ စစ်ကောင်စီတပ် ခမရ (၄၂၁) တပ်ရင်းမှ DSA အပတ်စဉ် (၄၉) မှ ဗိုလ်ကြီးစိုးနိုင် အပါအဝင် (၁၀) ဦးထက်မနည်း သေဆုံးသည်ဟု ဖယ်ခုံ PDF က ထုတ်ပြန်ထားသည်။
Red News Agency
အသံတိတ်သပိတ်နေ့မှာ ဆိုင်ပိတ်ပါက အရေးယူမည်ဟု ကြေညာနေသူ သေနတ်ပစ်ခံရပြီး သေဆုံး
RNA_ဇန်နဝါရီ ၂၈ ရက်၊ ၂၀၂၂ ခုနှစ်။
ပဲခူးတိုင်း၊ အနောက်ဘက်ခြမ်း၊ နတ်တလင်းမြို့နယ်၊ တံခွန်တိုင်ရွာမှာ စစ်တပ်အာဏာသိမ်းသည့် ဖေဖော်ဝါရီ လ ၁ ရက်နေ့တွင် အသံတိတ်သပိတ်တွင်ပါဝင်ပြီး ဆိုင်ပိတ်ပါက အရေးယူမည်ဟု ယနေ့ နံနက်က လိုက်လံကြေညာနေသည့် ဒလန်ဟုသတ်မှတ်ခံထားရသူ ကျော်မင်းသူ သေနတ် သုံးချက်ပစ်ခံရပြီး သေဆုံးသွားကြောင်း သိရသည်။
စစ်ကောင်စီသတင်းပေး၊ စစ်ကောင်စီတပ်သား၏ ဖခင်ဖြစ်သူ ကျော်မင်းသူကို နတ်တလင်း အခြေစိုက် ပြည်သူ့ကာကွယ်ရေး တပ်ဖွဲ့ဖြစ်သည့် နတ်စစ်သည် အဖွဲ့က ပစ်ခတ်ခဲ့ခြင်းဖြစ်ကြောင်း ကြေညာထားသည်။
Red News Agency
RNA_ဇန်နဝါရီ ၂၈ ရက်၊ ၂၀၂၂ ခုနှစ်။
ကချင်ပြည်နယ်၊ မိုးညှင်းမှ မိုးကောင်းဘက် တက်လာသည့် တင့်ကားပါ စစ်ကောင်စီတပ်ယာဉ်တန်းကို ယနေ့ ဟိုပင်ပြည်သူ့ကာကွယ်ရေးတပ်ဖွဲ့ ( Kachin Region People Defense Force- KPDF_Hopin) က ငါးမိုင်နှင့် ကြာကြီးကွင်းတွင် မိုင်းဆွဲတိုက်ခိုက်ခဲ့ပြီး၊ ဟိုပင် တိုးဂိတ်အနီးတွင်လည်း ပစ်ခတ်တိုက်ခိုက်ခဲ့သည့်အတွက် စစ်ကောင်စီတပ်က (၁၀) ဦးထက်မနည်း သေဆုံးပြီး ဒဏ်ရာရရှိသူများလည်း ရှိကြောင်း KPDF – Hopin ကထုတ်ပြန်ထားသည်။
Red News Agency
RNA_ဇန်နဝါရီ ၂၇ ရက်၊ ၂၀၂၂ ခုနှစ်။
မကွေးတိုင်း၊ ကျောက်ထုမြို့နယ်အတွင်း စစ်ကောင်စီတပ်ကို ဇန်နဝါရီလ ၂၂ ရက်မှ ၂၅ ရက်နေ့ထိ ၄ ကြာတိုက်ပွဲအတွင်း ကျောက်ထု PDF မှ သူရဲကောင်း ရဲဘော်ဗိုလ်စော၊ ရဲဘော်ဗိုလ်ရဲခေါင် နှင့် ရဲဘော်ဗိုလ်ပေတိုးတို့ ကျဆုံးခဲ့ရကြောင်း ကျောက်ထု PDF က ယနေ့ထုတ်ပြန်ထားသည်။
Red News Agency
RNA_ဇန်နဝါရီ ၂၇ ရက်၊ ၂၀၂၂ ခုနှစ်။
စစ်ကိုင်းတိုင်စ၊ ကနီမြို့နယ်၊ ချင်းတွင်းမြစ်အတွင်း ဆန်တက်လာသည့် စစ်ကောင်စီရေယာဉ်အုပ်ကို တိုက်ခိုက်ပြန်လာသည့် ဒေသခံ ပြည်သူ့ကာကွယ်ရေး တပ်ဖွဲ့မှ ရဲဘော်များကို ဒေသခံပြည်သူများက ယနေ့ ညပိုင်းတွင်း ကြိုဆိုခဲ့ကြကြောင်း သိရသည်။
တိုက်ပွဲပြန်ရဲဘော်များကို ပန်းများနှင့် အရေးတော်ပုံ အောင်ရမည်ဟု ကြွေးကြော်သံများဖြင့် ကြိုဆိုပြီး၊ စစ်အာဏာရှင်ဆန့်ကျင်ရေး ညသပိတ်ပါ ပြုလုပ်ခဲ့ကြကြောင်း ဒေသခံများထံက သိရသည်။
ကနီမြို့နယ် ဘုမ္မဇင်းအရှေ့ရွာနှင့် ထောက်ကြံ့ကုန်းရွာအနီးမှ ချင်းတွင်းမြစ်ကြောင်းအတိုင်း ဆန်တတ်လာသည့် စစ်ရေယာဥ်အုပ်စုကို ကနီမြို့နယ် PDF တပ်ရင်း (၁)၊ မဟူရာနဂါးတပ်ရင်း၊မဟူရာကျားရိုင်းတပ်ဖွဲ့ ၊ M&K The Boys ၊ KLG Kani PDF၊ ရွှေတွိဂံတပ်ရင်း ၊KPDF (1) ၊ B 21 Kani PDF ၊KGF ပျောက်ကြားတပ်ဖွဲ့ ၊ ChinDwin Dragon ၊ DRPA CDDF ၊ မြွေပိုင်းတောင် PDFအဖွဲ့များ ၊ မဟာမိတ်ညီနောင် တော်လှန်ရေးတပ်များနှင့် ကနီမြို့နယ် ဒေသခံ ပ.က.ဖ အဖွဲ့များ စုပေါင်းပြီး ချင်းတွင်းမြစ်ကမ်းဘေး သုံးနေရာက တိုက်ခိုက်ရာ စစ်ကောင်စီတပ်က (၁၅) ယောက်ခန့် သေဆုံးနိုင်ကြောင်း ကနီ PDF က ထုတ်ပြန်ထားသည်။
Red News Agency
RNA_ဇန်နဝါရီ ၂၅ ရက်၊ ၂၀၂၂ ခုနှစ်။
ရခိုင်ရိုးမအစပ် ရခိုင်ပြည်နှင့်မကွေးတိုင်း ထိစပ်ထားဟည့် စေတုတ္တရာမြို့နယ်နှင့် ငဖဲမြို့နယ်အတွင်းက ပြည်သူများအနေဖြင့် အထူးဂရုစိုက် သွားလာနေထိုင်ကြရန် လူထုတော်လှန်ရေး မဟာမိတ် ( People’s Revolution Alliance – PRA- Magway ) အဖွဲ့က မေတ္တာရပ်ခံထားသည်။
စေတုတ္တရာမြို့နယ်အတွင်း ဇန်နဝါရီလ ၂၄ ရက်နေ့က PRA- Magway၊ ကျောင်းသားလက်ရုံးတပ်တော် နှင့် နယ်မြေရှင်းလင်းရေး လုပ်နေသည့် စစ်ကောင်စီတပ်တို့ တိုက်ပွဲဖြစ်ပွားခဲ့ရာ စစ်ကောင်စီတပ်က သေဆုံး ဒဏ်ရာရရှိခဲ့သူများရှိကြောင်း၊ စစ်ကောင်စီတပ်စစ်ကြောင်းများ ထပ်မံတိုးလာနိုင်ကြောင်း သိရသည်။
Red News Agency
RNA_ဇန်နဝါရီ ၂၅ ရက်၊ ၂၀၂၂ ခုနှစ်။
မကွေးတိုင်းနှင့် ရခိုင်ပြည်နယ်အစပ် စေတုတ္တရာ၊ ငဖဲ နယ်ဘက်တွင် တိုက်ပွဲများပြင်းထန်လာနိုင်ပြီး ဇန်နဝါရီလ ၂၄ ရက်နေ့က စေတုတ္တရာနယ်အတွင်း တိုက်ပွဲဖြစ်ပွားခဲ့ကြောင်း သိရသည်။
မကွေးတိုင်းနှင့် စစ်ကိုင်းတိုင်း၊ချင်းပြည်နယ်အစပ်၊ ဂန့်ဂေါ၊ ယော၊ ဆော၊ ပခုက္ကူ၊ ပေါက်၊မြိုင်၊ ရေစကြိုနယ်ဘက်တွင် စစ်ကောင်စီတပ်အထိနာနေပြီး၊ ယခုအခါ ရခိုင်ပြည်နှင့် ထိစပ်နေသည့် ငဖဲ၊ ပဒါန်း၊စေတုတ္တရာနယ်ဘက်တွင် တိုက်ပွဲများ ပြင်းထန်လာနိုင်သည်ဟု ဒေသခံ ပြည်သူ့ကာကွယ်ရေးတပ်ဖွဲ့တွေထံက သိရသည်။ (more…)