ယနေ့ မိုးဗြဲတိုက်ပွဲမှာ စစ်ကောင်စီတပ်က (၄၀) ဦးထက်မနည်း သေဆုံးဟု ထုတ်ပြန်
RNA_ဖေဖော်ဝါရီ ၁၉၊၂၀၂၂ ခုနှစ်။
ရှမ်း-ကယားနယ်စပ် မိုးဗြဲမြို့အနီး ဝါှရီဆူးပလိုင်၊ လေဝိုး၊ ဝီသဲကူး(မြောက်ရွာ)တို့တွင် ယနေ့ တိုက်ပွဲပြင်းထန်ခဲ့ပြီး စစ်ကောင်စီတပ်က အရာရှိ တပ်သားပါအဝင် (၄၀) ဦးထက်မနည်း သေဆုံစခဲ့သည်ဟု မြေပြင်သတင်းအရ DMO-PDF ကထုတ်ပြန်ထားသည်။
” အကြမ်းဖက်စစ်ကောင်စီဘက်မှ စစ်ကား(၃)စီးပျက်ဆီးခဲ့ပြီး အရာရှိအရာခံအပါအဝင် (၄၀)ဦးထက်မနည်းသေဆုံးခဲ့ဟု မြေပြင်သတင်းအရသိရသည်။ အထိနာခဲ့သောအကြမ်းဖက်စစ်ကောင်စီတပ်ဖွဲ့သည် ခမရ ၄၂၂ တပ်၊ ခမရ ၅၄တပ်မှ လက်နက်ကြီး ပစ်ကူခဲ့သလို ညနေ(၄)နာရီဝန်ကျင်ခန့်တွင် တိုက်လေယာဉ် ၂ စီး၊ ညနေ (၅)နာရီအချိန်တွင် တိုက်လေယာဥ် (၂)စီး စုစုပေါင်း (၄)စီးဖြင့် (၉)ကြိမ်တိုင်တိုင် ဗုံးကြဲတိုက်ခိုက်ခဲ့သည်” ဟု ထုတ်ပြန်ချက်တွင် ပါရှိသည်။
ယနေ့ တိုက်ပွဲ ဖြစ်ပွားခဲ့သည့် (၃)နေရာတွင် အင်အားအလုံးအရင်းဖြင့် ထိုးစစ်ဆင်လာသောအကြမ်းဖက်စစ်ကောင်စီတပ်ကို ပြည်သူ့ကာကွယ်ရေးတပ်-ဒီးမော့ဆို(DMO-Local PDF)၊ မိုးဗြဲ PDF၊ လွိုင်ကော် PDF၊ ဖယ်ခုံ PDF၊ KA ၊ KNDF၊ KGZ ၊JPDF ၊GZ-21 နှင့် အခြား မဟာမိတ်တပ်ပေါင်းစုများက ပူးပေါင်းတိုက်ခိုက်ခဲ့ကြောင်း သိရသည်။
စစ်ကောင်စီတပ်က ဝါှရီဆူးပလိုင်၊ ဝီသဲကူး(မြောက်ရွာ)ရှိ စစ်ဘေးရှောင်နေအိမ် (၁၀)လုံးထက်မနည်းထပ်မံမီးရှို့ဖျက်စီးခဲ့သည့်အပြင် စစ်ဘေးရှောင်စခန်းတွင် လက်နက်ကြီး(၅)လုံးကျရောက်ပေါက်ကွဲခဲ့ကကြောင်းယနေ့ တိုက်ပွဲအတွင်း ပြည်သူ့ကာကွယ်ရေးတပ်-ဒီးမော့ဆို(DMO-Local PDF) တတပ်ဖွဲ့ဝင် ရဲဘော်မောင်ဒေါမိနစ် ကျဆုံးခဲ့ကြောင်း ထုတ်ပြန်ထားသည်။
Red News Agency