RNA_ဧပြီ(၁၅)၊၂၀၂၅ခုနှစ်။
မကွေးတိုင်း၊ စေတုတ္တရာမြို့နယ်အတွင်းရှိ စေတုတ္တရာနှင့် စလင်းမြို့နယ် ဆက်သွယ်ထားသော လမ်းပိုင်း၏ မိုင်တိုင် (၁၈) တွင်ရှိသော စစ်ကောင်စီ၏ (၁၈) မိုင်ကုန်းစခန်းသိမ်းတိုက်ပွဲအတွင်း စစ်သုံ့ပန်း (၄) ဦးနှင့်အတူ လက်နက်ခဲယမ်းများသိမ်းဆည်းရမိကြောင်း သိရသည်။
RNA_ဖေဖော်ဝါရီ(၂၃)၊၂၀၂၅ ခုနှစ်။
မကွေးတိုင်း၊ စေတုတ္တရာမြို့နယ်၊ မုံညှင်းကျေးရွာအနီး မင်းလမ်းယာတဲစု (တောင်သူများစုဝေးနေထိုင်သောတဲအိမ်စု)ကို စစ်ကောင်စီက စက်တပ်လေထီး (Paramortor) ဖြင့်လေကြောင်းမှ ယနေ့ (ဖေဖော်ဝါရီ ၂၃ ရက်) နံနက်စောစော (၃) နာရီ (၁၅) မိနစ်တွင် တစ်ကြိမ်နှင့် (၃) နာရီ (၁၈) မိနစ်တွင်တစ်ကြိမ် တိုက်ခိုက်ခဲ့သည့်အတွက် ဒေသခံ တောင်သူ (၈) ဦးသေဆုံးကာ (၅) ဦးဒဏ်ရာရရှိခဲ့သည်ဟု သိရသည်။
RNA_ဇန်နဝါရီ(၅)၊၂၀၂၅ ခုနှစ်။
ရခိုင်ပြည်နယ်၊ အမ်းမြို့နယ်၊ ဆင်ခုံတိုင်ကျေးရွာနှင့် တောင်ဇောက်ကျေးရွာ စခန်းတို့မှ ထွက်ပြေးလာသော စစ်ကောင်စီလက်အောက်ခံ (၁၁) ဦးအား လက်နက်ငယ် (၉) လက်နက်၊ ခဲယမ်းများနှင့်အတူ ဇန်နဝါရီလ ၃ ရက်နှင့် ၄ ရက်နေ့က ချင်းကာကွယ်ရေးတပ် – အရှိုမှ ဖမ်းဆီးရမိခဲ့ကြောင်း သိရသည်။
RNA_ဒီဇင်ဘာ(၁)၊၂၀၂၃ ခုနှစ်။
မကွေးတိုင်းအခြေစိုက် လူထုတော်လှန်ရေးမဟာမိတ်အင်အားစု – PRA Magway နှင့် Z-Fighter တို့ပူးပေါင်းပြီး စေတုတ္တရာမြို့နယ်အခြေစိုက် စစ်ကောင်စီ၏ အမှတ် (၂၀) ကာကွယ်ရေးပစ္စည်းစက်ရုံကို ယမန်နေ့ ( နီုဝင်ဘာ ၃၀ ရက်) က MH-60R Rocket အလုံး ၂၀ ဖြင့်ပစ်ခတ်တိုက်ခိုက်ခဲ့ကြောင်း သိရသည်။
အမှတ် (၂၀) ကာကွယ်ရေးပစ္စည်းစက်ရုံအတွင်း ပစ်ခတ်မှုတွင် စက်ရုံအဆောက်အဦများအတွင်း ကျရောက်ပေါက်ကွဲပြီး ယနေ့( ဒီဇင်ဘာ ၁ ရက်)အထိ ယမ်းသိုလှောင်ရုံ မီးလောင်နေကြောင်း၊ ထိခိုက်ကျဆုံးမှုနှင့် အဆောက်အဦပျက်စီးမှုကို အသေးစိတ်စုံစမ်းနေကြောင်း၊ ယင်းတိုက်ခိုက်မှုကို မဟာဗျူဟာမြောက်ပစ်မှတ်များ ချေမှုန်းတိုက်ခိုက်ဖြစ်ကြောင်း PRA Magway ကထုတ်ပြန်ထားသည်။
#RedNewsAgency