မန္တလေးတိုင်း

11 Oct

စစ်ဘေးရှောင်စခန်း လေကြောင်းတိုက်ခိုက်ခံရပြီး သံဃာတော်များနှင့် ကလေးငယ်များအပါအဝင် ၁၂ ဦးသေဆုံး

Editorသတင်းကလေးငယ်သေဆုံးမှု, စစ်ဘေးရှောင်စခန်း, စစ်ရာဇဝတ်မှု, ဗုံးကြဲခံရ, မတ္တရာမြို့နယ်, မန္တလေးတိုင်း, ဝေါစုကျေးရွာ, သံဃာတော်

RNA_အောက်တိုဘာ(၁၁)၊၂၀၂၄ ခုနှစ်။ မန္တလေးတိုင်း၊ မတ္တရာမြို့နယ်၊ ဝေါစုကျေးရွာရှိ စစ်ဘေးရှောင်စခန်းအား ယနေ့ (အောက်တိုဘာ ၁၁ ရက်) နေ့လယ် ၁ နာရီ ၃၀ မိနစ်ဝန်းကျင်က စစ်ကောင်စီမှ လေကြောင်းတိုက်ခိုက်မှုပြုလုပ်ခဲ့သည့်အတွက် သံဃာတော်များ၊ ကလေးငယ်များအပါအဝင် (၁၂) ဦးခန့် သေဆုံးခဲ့သည်ဟု ပြည်သူ့ကာကွယ်ရေးတပ်မတော် (မန္တလေး) ကထုတ်ပြန်ထားသည်။ (more…)

06 Oct

ကျန်းမာရေးဆိုးဝါးပြီး နောက်ဆုံးအချိန်ရောက်မှသာ စစ်ကောင်စီက ဒေါက်တာဇော်မြင့်မောင်ကို လွှတ်ပေး

Editorသတင်းNLD, ဒုဥက္ကဌ, ဒေါက်တာဇော်မြင့်မောင်, နွေဦးတော်လှန်ရေး, မန္တလေးတိုင်း, အမျိုးသားဒီမိုကရေစီအဖွဲ့ချုပ်, အိုးဘိုထောင်

ဍRNA_အောက်တိုဘာ(၆)၊၂၀၂၄ ခုနှစ်။ မင်းအောင်လှိုင်ဦးဆောင်သော စစ်တပ်က အာဏာသိမ်းသည့် နေ့မှစပြီး ဖမ်းဆီး အကျဉ်းချထားသည့် မန္တလေး တိုင်း၀န်ကြီးချုပ်၊ NLD ပါတီ ဒုတိယ ဥက္ကဋ္ဌ ဒေါက်တာဇော်မြင့်မောင်သည် ကျန်းမာရေးဆိုးဝါးပြီး နောက်ဆုံးအချိန်ရောက်မှ စစ်ကောင်စီက လွတ်ငြိမ်းခွင့်ပေးခဲ့ကြောင်း သိရသည်။ "ICU ထဲရောက်နေတဲ့ အခုအခြေအနေက နောက်ဆုံးအခြေအနေလို့ ပြောလို့ရတယ်။ ရှင်သန်ဖို့ နည်းပါးသွားပြီ။ ဒီလို အခြေအနေမှာ ရှင်သန်တဲ့သူတော့ မရှိဘူး။ ဒီနေ့မဟုတ် မနက်ဖန် ဆိုတာမျိုးပဲ။ ရှင်သန်ဖို့အခွင့်အရေးနည်းပါးပြီး နောက်ဆုံးအခြေအနေလို့ ပြောလို့ရတယ်” ဟု CDM ဆရာဝန်တဦးက ပြောပြသည်။ (more…)

06 Oct

သတိလစ်မော့မြောနေသော ဒေါက်တာဇော်မြင့်မောင်ကို စစ်ကောင်စီက လွတ်ငြိမ်းအမိန့်ဖတ်ပြ

Editorသတင်းNLD, ဒုဥက္ကဌ, ဒေါက်တာဇော်မြင့်မောင်, မန္တလေးတိုင်း, အမျိုးသားဒီမိုကရေစီအဖွဲ့ချုပ်, အိုးဘိုထောင်

RNA_အောက်တိုဘာ(၆)၊၂၀၂၄ခုနှစ်။ အာဏာသိမ်းစစ်ကောက်စီက အဓမ္မဖမ်းဆီးထားသော မန္တလေး တိုင်း၀န်ကြီးချုပ် ဒေါက်တာဇော်မြင့်မောင်သည် မန္တလေးဆေးရုံကြီးတွင် သတိလစ်မေ့မြောနေသည့်အနေအထားတွင် စစ်ကောင်စီလက်အောက်ခံများက ယနေ့တွင် လွတ်ငြိမ်းချမ်းသာခွင့်အမိန့် ဖတ်ပြသွားသည်ဟု သိရသည်။ အမျိုးသားဒီမိုကရေစီအဖွဲ့ချုပ် -NLD ပါတီ ဒုတိယ ဥက္ကဋ္ဌ ဒေါက်တာဇော်မြင့်မောင်သည် အောက်တိုဘာ (၅) ရက်နေ့က ကျန်းမာရေးဆိုးရွားလာသည့်အတွက် မန္တလေးဆေးရုံကြီးတွင် ဆေးကုသမှု ခံယူနေရာ ယနေ့ ညနေပိုင်းအထိ သတိလစ်မြောနေချိန် စစ်ကောင်စီလက်အောက်ခံများက လွတ်ငြိမ်းချမ်းသာခွင့် အမိန့်လာဖတ်ပြခဲ့သည်ဟု NLD ပါတီဝင် တချို့ထံမှ သိရသည်။ #RedNewsAgency #RNA

27 Sep

စခန်းစီးနင်းတိုက်ခိုက်သော စစ်ကောင်စီတပ်ကို မဟာမိတ်များဖြင့် ပူးပေါင်းပြီး တန်ပြန်ထိုးစစ်ဆင်ခဲ့

Editorသတင်းMyingyan Black Tiger (MBT), ခြေဆေးကျေးရွာ, စစ်ကောင်စီတပ်, တိုက်ပွဲပြင်းထန်, မန္တလေးတိုင်း, မြင်းခြံမြို့နယ်, လေကြောင်းပစ်ကူ

RNA_စက်တင်ဘာ(၂၇)၊၂၀၂၄ ခုနှစ်။ မန္တလေးတိုင်း၊ မြင်းခြံမြို့နယ်၊ ခြေဆေးကျေးရွာအနီးရှိ Myingyan Black Tiger (MBT) တပ်ဖွဲ့ စစ်ကြောင်း -၃ အခြေချ တပ်စခန်းများအား အင်အား ၁၂၀ ခန့်ရှိ စစ်ကောင်စီလက်အောက်ခံများက ယနေ့ နံနက် ၅ နာရီခန့်က စစ်ကြောင်းထိုး ဝင်ရောက်တိုက်ခိုက်ခဲ့ရန် ကြိုးပမ်းခဲ့သော်လည်း မဟာမိတ်များဖြင့် ပူးပေါင်းပြီး တန်ပြန်ထိုးစစ်ဆင် တိုက်ခိုက်သည့်အတွက် စစ်ကောင်စီတပ် လေကြောင်းပစ်ကူပါ ယူခဲ့ရသည်ဟု သိရသည်။ စစ်ကောင်စီတပ်စစ်ကြောင်းအား ခုခံတိုက်ခိုက်မှုကြောင့် နောက်ဆုတ်သွားချိန် နံနက် (၇) နာရီခန့်၌ မြင်းခြံခရိုင် အမှတ် (၁၊၂၊၃၊၇၊၈)တပ်ရင်းများ၊ မြင်းခြံခရိုင်ပကဖ၊ စွန်ရဲပြောက်ကျားတပ်ဖွဲ့၊ ရဲခေါင်ပြောက်ကျား တပ်ဖွဲ့၊ အမှတ် ၈၁၅ တပ်ရင်း (PLA)…

18 Sep

ရေကြီးရေလျှံမှုအတွင်း လူသေဆုံးမှုနှင့်ပတ်သက်ပြီး စစ်ကောင်စီလိမ်ညာထုတ်ပြန်

Editorသတင်းငါးတဲစု, စစ်ကောင်စီ, ပန်းတောင်, မန္တလေးတိုင်း, မိုးမိမိုးထိ, ရမည်းသင်း, ရေကြီးရေလျှံ, ရွှေတွင်း, အောင်သပြေကျေးရွာ

RNA_စက်တင်ဘာ(၁၈)၊၂၀၂၄ ခုနှစ်။ မင်းအောင်လှိုင်ဦးဆောင်သော အကြမ်းဖက်စစ်ကောင်စီက ပြီးခဲ့သည့်ရက်ပိုင်းအတွင်း ဖြစ်ပေါ်ခဲ့သော ရေဘေးအတွင်း ပြည်သူများသေဆုံးမှု စာရင်းများကို စစ်ကောင်စီက ဖုံးကွယ်ထားပြီီးလိမ်လည်ထုတ်ပြန်နေကြောင်း တွေ့ရှိရသည်။ ရမည်းသင်းမြို့နယ် သပြေပင်ကျေးရွာတွင် ပျက်စီးဆုံးရှုံးမှုများခဲ့သော်လည်း စစ်ကောင်စီသတင်းပြန်ကြားရေးအဖွဲ့ခေါင်းဆောင် ဇော်မင်းထွန်း၏ ပြောကြားချက်ကို စက်တင်ဘာ ၁၆ ရက်နေ့က စစ်ကောင်စီသတင်းစာ၌ ထည့်သွင်းဖော်ပြရာတွင် သပြေပင်ကျေးရွာ၌ ပြည်သူ (၈) ဦးသာသေဆုံးခဲ့သည်ဟု လိမ်လည်ပြောကြားထားသည်။ (more…)

03 Sep

စစ်ကောင်စီလက်အောက်မှ ဆင် ၁၃၈ ကောင်ကို ပြည်သူ့လွတ်မြောက်ရေးတပ်တော်မှ ထိမ်းသိမ်းစောင့်ရှောက်ထား

Editorသတင်းPeople's Liberation Army - PLA, ဆင်ထိန်း, မန္တလေးတိုင်း, သစ်တောဝန်ကြီးဌာန, သစ်ထုတ်လုပ်ရေးဆင်

RNA_စက်တင်ဘာ(၃)၊၂၀၂၄ ခုနှစ်။ အကြမ်းဖက်စစ်ကောင်စီ၏ သစ်တောဝန်ကြီးဌာနပိုင် သစ်ထုတ်ဆင်များနှင့် ဆင်အုပ်၊ ဆင်ထိန်း မိသစုများ ပြည်သူ့လွတ်မြောက်ရေးတပ်တော် - PLA စိုးမိုးနယ်မြေအတွင်း ရှောင်တိမ်းလာသူများအပါအဝင် စုစုပေါင်း ဆင် ၁၃၈ ကောင်ပါဝင်သော ဆင်ဝိုင်း ၂၁ ဝိုင်းကို PLA ၂၂၂ တပ်ရင်းမှ ထိမ်းသိမ်းကာကွယ်ထားသည်ဟု သိရသည်။ PLA အနေဖြင့် ပြည်သူ့ဒီမိုကရေစီ အစိုးရသစ် လက်ထက်တွင် ပြန်လည် ၍ သက်ဆိုင်ရာဌာနများသို့ အပ်နှံသွားမည်ဖြစ်ကြောင်း၊ ဆင်များကို ပြည်သူပိုင်ရတနာအဖြစ် ထိန်းသိမ်းကာကွယ်စောင့်ရှောက်သွားမည်ဖြစ်ကြောင်း မိဘပြည်သူများအား လေးစားစွာအသိပေး အကြောင်းကြားထားသည်။ (more…)

03 Sep

မြင်းခြံခရိုင်အတွင်း စစ်ရေးအသာစီးရနေသော်လည်း ခဲယမ်းလိုအပ်ချက်ရှိနေ

Editorသတင်းMyingyan Black Tiger (MBT), ငါန်းဇွန်မြို့နယ်, တောင်သာ, နွားထိုးကြီး, မန္တလေးတိုင်း, မြင်းခြံ

RNA_စက်တင်ဘာ(၃)၊၂၀၂၄ ခုနှစ်။ မန္တလေးတိုင်း၊ မြင်းခြံခရိုင်အတွင်းရှိ တိုက်ပွဲများတွင် စစ်ရေးအသာစီးရနေသော်လည်း ခဲယမ်းလိုအပ်ချက်များရှိနေသည်ဟု အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ မြင်းခြံခရိုင်အမှတ်(၉)တပ်ရင်း - Myingyan Black Tiger (MBT) တာဝန်ခံ ဗိုလ်မိုက်ခဲကပြောသည်။ မြင်းခြံခရိုင် PDF ရဲဘော်များ ပူးပေါင်းကာ ဩဂုတ်လ နောက်ဆုံးပတ်အတွင်းက "မြင်းခြံခရိုင် အထူးစစ်ဆင်ရေး(MDSO)" အဖြစ် မြင်းခြံမြို့နယ်၊ ငါန်းဇွန်မြို့နယ်၊ တောင်သာမြို့နယ်၊ နွားထိုးကြီးမြို့နယ်ရှိ စစ်ကောင်စီတပ်စခန်း၊ ရဲစခန်း၊ ဂိတ်များကို တိုက်ခိုက်သိမ်းပိုက်နိုင်ခဲ့ကြကြောင်း သိရသည်။ (more…)

28 Aug

မန္တလေး PDF ရဲဘော်များ၏ ရှမ်းမြောက်ခရီးစဉ်အတွင်း ပြည်သူများ ဝမ်းသာအားရ နှုတ်ဆက်ကြိုဆို

Editorရုပ်သံ, သတင်းMDY-PDF, MOD-PDF, နွေဦးတော်လှန်ရေး, မန္တလေးတိုင်း, ရှမ်းမြောက်

RNA_ဩဂုတ်(၂၈)၊၂၀၂၄ခုနှစ်။ ပြည်သူ့ကာကွယ်ရေးတပ်မတော် (မန္တလေး) ရဲဘော်များ၏ မန္တလေးတိုင်းမှ ရှမ်းမြောက်သွားသည့် ခရီးစဉ်အတွင်း လမ်းတလျှောက်ရှိ ပြည်သူများက ဝမ်းသာအားရ နှုတ်ဆက်ကြိုဆိုသည့် ရုပ်သံကို ယနေ့ ထုတ်ပြန်ထားသည်။ "မန္တလေး - ရှမ်းမြောက် ဖြစ်ပြီးရင် …… မန္တလေးမှသည် နေပြည်တော် ဆိုတာလည်း မဝေးတော့ဘူး ဆိုတာ အသေအချာပါဘဲ …မဝေးကွာတော့တဲ့ ခရီးစဉ်များအတွက် အသက်ပေးလှူသွားရသော စစ်သည် / စစ်မေများနှင့် ကိုယ်လက်အင်္ဂါစွန့်လွှတ်လှူဒါန်းသွားသော စစ်သည် စစ်မေများကို ဦးညွှတ် ဂုဏ်ပြုလျက် …" ဟု ရုပ်သံထုတ်ပြန်ချက်တွင် ရေးသားထားသည်။ Red News Agency

26 Aug

သပိတ်ကျင်းမြို့နယ် ကွင်း(၅၀၀) တပ်စခန်းကို မန္တလေး PDF သိမ်းပိုက်

Editorသတင်းနွေဦးတော်လှန်ရေး, မန္တလေးတိုင်း, သပိတ်ကျင်းမြို့နယ်

RNA_ဩဂုတ်(၂၆)၊၂၀၂၄ ခုနှစ်။ မန္တလေးတိုင်း၊ သပိတ်ကျင်းမြို့နယ် ကွင်း(၅၀၀) တွင် စစ်ကောင်စီတပ်မှ ဗိုလ်မှူးချုပ် စိုးထိုက်ကျော်ဦးစီးပြီး အင်အား ၄၀၀ ခန့်ဖြင့် အခြေပြုလှုပ်ရှားနေသော တပ်စခန်းကို ဩဂုတ်လ ၂၅ ရက်နေ့တွင် ပြည်သူ့ကာကွယ်ရေးတပ်မတော် (မန္တလေး) နှင့် ပူးပေါင်းတပ်က အပြီးသတ်သိမ်းပိုက်လိုက်ပြီဖြစ်ကြောင်း သိရသည်။ စစ်ကောင်စီ၏ ကွင်း(၅၀၀)တပ်စခန်းကို ပြည်သူ့ကာကွယ်ရေးတပ်မတော် (မန္တလေး) ရဲဘော်များက ဩဂုတ်လ ၅ ရက်နေ့မှ စတင်တိုက်ခိုက်ရာ ဩဂုတ်လ ၂၅ ရက်နေ့တွင် အပြီးသတ် သိမ်းပိုက်ရရှိကြောင်း၊ ရန်သူ့လက်နက်ခဲယမ်း အများအပြားသိမ်းဆည်းရရှိခဲ့ပြီး သုံ့ပန်းအချို့ ဖမ်းဆီးရမိခဲ့သည်ဟု ထုတ်ပြန်ချက်တွင် ဖော်ပြထားသည်။ #RedNewsAgency #RNA

21 Aug

“မြင်းခြံခရိုင်အထူးစစ်ဆင်ရေး” အဖြစ် ပြည်သူကာကွယ်ရေးတပ်ဖွဲ့များ အောင်မြင်စွာပူးပေါင်းဆောင်ရွက်နိုင်ခဲ့

Editorသတင်းMyingyan Black Tiger (MBT), Myingyan District Special Operation (MDSO), တောင်သာ, နွားထိုးကြီး, မန္တလေးတိုင်း, မြင်းခြံ, မြင်းခြံခရိုင်အထူးစစ်ဆင်ရေး

RNA_ဩဂုတ်(၂၁)၊၂၀၂၄ ခုနှစ်။ မန္တလေးတိုင်း၊ မြင်းခြံခရိုင်အတွင်းရှိိ စစ်ကောင်စီလက်အောက်ခံများကို ပြည်သူ့ကာကွယ်ရေးတပ်ပေါင်းစုက Myingyan District Special Operation (MDSO) "မြင်းခြံခရိုင်အထူးစစ်ဆင်ရေး" အဖြစ် ဩဂုတ်လ ၁၀ ရက်မှ ဩဂုတ်လ ၂၁ ရက်နေ့အထိ တိုက်ပွဲများ ဆင်နွှဲခဲ့ကြောင်း Myingyan Black Tiger (MBT)ထံမှ သိရသည်။ "မြင်းခြံခရိုင်အထူးစစ်ဆင်ရေး" အတွင်း မြင်းခြံမြို့ ခမရ- ၁၅ တပ်ရင်း၊ မြင်းခြံမြို့နယ် လေးရွာဆုံပျူစခန်း၊ သစ်ပင်ရှည်ကျေးရွာအနီး တိုက်ပွဲ၊ ပျော်ဘွယ် စံပြကျေးရွာအနီး တိုက်ပွဲ၊ ရွာကြီးကျေးရွာအနီးတိုက်ပွဲနှင့် နွားထိုးကြီးမြို့နယ်ရှိ မာန်လည်ကျေးရွာအနီး တိုက်ပွဲတို့အား များဆင်နွှဲခဲ့ကြောင်း၊ တိုက်ပွဲများအတွင်း စစ်ကောင်စီလက်အောက်ခံ အရာရှိအပါအဝင် အနည်းဆုံး…