RNA_ဒီဇင်ဘာ ၂၇ ရက်၊ ၂၀၂၁ ခုနှစ်။
စစ်ကောင်စီတပ်သားများ စခန်းအနီး တက်လာစဉ် ရဲဘော်များကို ဆုတ်ခိုင်းပြီး ကတုတ်ကျင်းထဲကနေ ခံပစ်နေရာမှ ကျဆုံးခဲ့ရသည့် PDF သူရဲကောင်း ကိုဝေလင်း အလောင်း ယနေ့ တွေ့ရှိပြီ ဖြစ်ကြောင်း သိရသည်။
ဧရာဝတီတိုင်းက PDF သူရဲကောင်း ကိုဝေလင်းသည် ဒီဇင်ဘာလ ၂၅ ရက်နေ့က ကရဂ်ပြည်နယ်၊ မြမတီမြို့နယ်၊ ထီးမယ်ဝါးခီးကျေးရွာအနီး တိုက်ပွဲမှာ ကျဆုံးခဲ့ရခြင်း ဖြစ်ပြီး၊ ယင်းနေ့ တိုက်ပွဲအတွင်း သတင်းစာဆရာ တဦးအပါအဝင် PDF တချို့ စစ်ကောင်စီတပ်၏ လေကြောင်း ပစ်ခတ်မှု၊ လက်နက်ကြီး ပစ်ခတ်မှု စသည်တို့ကြောင့် ကျဆုံးခဲ့ရပြီး၊ ဖမ်းဆီးခံခဲ့ရသူများ ရှိကြောင်း သိရသည်။
” ကိုဝေလင်း ကျတာက ပြီးခဲ့တဲ့ရက်ကပါ အလောင်းက ဒီနေ့မှတွေ့တာပါ။ သူ့နောက်ဆုံး ရိုက်ခဲ့တဲ့ ဓာတ်ပုံတော့ရှိတယ် ပေးလို့ရတယ်။ သူက အဲဒီပုံကို ပန်းချီဆွဲစေချင်ခဲ့တာ၊ ရဲဘော်တွေကို ကာကွယ်ရင်း ကျသွားရတာ ကျနော်တြိ့မှာ လက်နက်မရှိဘူး၊ ရှိတာလေးနဲ့ ခံပစ်ရင် ကျခဲ့ရတာ” ဟု ကိုဝေလင်း၏ သူငယ်ချင်း ဖြစ်သူ တဦးက ပြောသည်။
စစ်ကောင်စီတပ်က လေကြောင်းပစ်ခတ်မှု၊လက်နက်ကြီး ပစ်ခတ်မှုများ၊ အင်အားအများအပြား ထိုးစစ်ဆင်မှုတို့ကြောင့် KNLA နှင့် PDF တို့ ပူးပေါင်းတိုက်ပွဲပြင်းထန်ခဲ့ပြီး၊ စစ်ကောင်စီဘက်ကလည်း အသေ အပျောက်များကြောင်း၊ မယ်ဝါးခီး ဒေသခံပြည်သူများထွက်ပြေးတိမ်းရှောင်နေကြရသည်။
Red News Agency