အောင်ထက် ( မင်္ဂလာဒုံ)
ရန်ကုန်၊ ဇူလှိုင် ၁၁ ရက်။
ရုပ်ရှင်သရုပ်ဆောင် ကျော်ဟိန်း(ခ) ဦးဇင်း ကိတ္တိသာရ ကို ၁၉၄၇၊ဇူလိုင်(၁၄) ရက်နေ့တွင် မွေးဖွားခဲ့ပြီး သက်တော် (၇၃) နှစ် ယနေ့ ဇူလိုင်လ ၁၁ ရက်နေ့တွင် ပျံလွန်တော်မူခဲ့သည့်အတွက် ဦးကျော်ဟိန်းနဲ့ပတ်သက်ပြီး ဦးကျော်သူကို တွေ့ဆုံမေးမြန်းခဲ့ပါတယ်။
ရုပ်ရှင်နှင့်ဗီဒီယိုသရုပ်ဆောင် အကယ်ဒီမီ (ဦး) ကျော်သူက တချိန်က အနုပညာရှင် ရုပ်ရှင်မင်းသားကြီး (ဦး) ကျော်ဟိန်းနဲ့ ပတ်သက်ပြီး ပြောထားတာကတော့
ဒီသတင်းတက်လာတဲ့အချိန်မှာ ပထမတော့
မယုံဘူး။ မယုံတာနဲ့စုံစမ်းတယ်၊ ဟိုတလောက ကျွန်တော်တို့အသင်းကို ဦးဇော်လင်းနဲ့မစန္ဒာရဲ့သမီး သူသူဇော်လင်း ငွေလာလှူတယ်၊ သူတို့နဲ့အတူ ဦးကျော်ဟိန်းနဲ့မစန္ဒာတို့ရဲ့သမီး ဇာခြည်စိမ့်စိမ့်သူ ပါလာတယ်။
သမီးရေ အဖေကြီးနေကောင်းလားလို့မေးလိုက်တော့ အခု သြစတြေးလျမှာပဲ အခြေအနေမကောင်းဘူး၊ အဖေကြီးက အဆုပ်မကောင်းလို့ လှဲအိပ်လို့မရဘူးတဲ့ ၊ Dream Bed နဲ့နေရတယ် ” လို့
ပြောပြတယ်၊ ကျွန်တော်လည်း မေတ္တာပို့ပါတယ်။ အဲ့လိုမေတ္တာပို့ထားပြီး ဒီနေ့ကျတော့ ဆုံးပြီဆိုတော့ တော်တော်အံ့အားသင့်သွားတယ်။
လူဆိုတာမွေးလာပြီးရင် ဆုံးမှာပါပဲ၊ ဘယ်သူမဆို ငယ်လည်းသေမှာပဲ ၊ အသက်ကြီးလည်းသေမှာပဲ ။
ဒါပေမယ့် ” ဒွေး ” ဦးကျော်ဟိန်းရဲ့ တူ
ဒွေးဆုံးတာ (၁၃)ပြည့်မှာ တစ်ရက်ထဲ အတူ
တူ တူဝရီးနှစ်ယောက်စလုံး ရက်ကသွားတူတာ တိုက်ဆိုင်မှုဖြစ်တယ်၊ ပြီးတော့ ဦးကျော်ဟိန်း မွေးနေ့က ဒီလ(၁၄)ရက်နေ့ကျရင် အသက်
(၇၃)နှစ် ပြည့်မယ့်နေ့ဆိုတော့ မွေးနေ့မတိုင်ခင်မှာ ဆုံးသွားတယ် ။ ဆုံးသွားတဲ့အတွက် ဘာခံစား ရသလဲဆိုတော့ လူဆိုတာကတော့ ဆုံးကြမှာချည်းပါပဲ။ အသက် ကြီးငယ်အရွယ်မှာလူ့လောက ကောင်းကျိုးကိုလုပ်သွားတဲ့ အတွက် ဆုံးရကျိုးနပ်တယ် ၊ အသေမြတ်တယ် လို့ဆိုချင်တယ်။
ဦးကျော်ဟိန်းဆိုရင် ဘာပဲဖြစ်ဖြစ် အနုပညာနဲ့ပတ်သက်ရင် ဘယ်သူမှယှဉ်လို့မရပါဘူး။ ဦးကျော်ဟိန်းရဲ့အိုက်တင်နဲ့ပတ်သက်ပြီးတော့ ဦးကျော်ဟိန်းကိုသာအောင် ဘယ်သူမှ လုပ်လို့မရဘူး။ အနုပညာမှာလည်း တကယ့်ကိုအောင်မြင် ကျော်ကြားတယ်၊ နောက်တော့ သာသနာ့ဘောင်ကိုဝင်သွားတယ် ။ သာသနာ့ဘောင်ကိုဝင်မယ်ဆိုတာလည်း ဘယ်နေ့ဘယ်ရက်မှာ ဝင်မယ်ဆိုပြီးအတိအကျပြောခဲ့တာ။ သူပြောတဲ့အတိုင်းသူလုပ်သွားတယ်။
သာသနာ့ဘောင်ရောက်တော့လည်း ဘုရား
တရားကို တကယ့်အမိအရ ကျင့်ကြံအားထုတ်ခဲ့တယ် ဒီအတွက်ကြောင့် ကျွန်တော်ကတော့ ဦးကျော်ဟိန်းက အသေမြတ်တယ်လို့ပြောချင်တယ် ။
အခုလို ဘဝကူးသွားတဲ့အချိန် တစ်ခုစိတ်မကောင်းတာက ဦးကျော်ဟိန်းဟာ ဗုဒ္ဓဘာသာ ဝင်တစ်ယောက်အနေနဲ့ ဗုဒ္ဓဘာသာနိုင်ငံမှာ သာသနာ့ဘောင်ကိုဝင်ပြီးတော့ ဒီမှာ နောက်ဆုံး ခေါင်းမချနိုင်တာကို စိတ်မကောင်းဘူး။ ထိုနည်းတူစွာပဲ သူတို့မိသားစုတွေလည်း ဖြစ်မယ်လို့ ကျွန်တော်ယုံကြည်တယ်။ ဒါကြောင့်ဆုံးတာတော့ဆုံးသွားပြီ ၊ ပျံလွန်တော်မူသွားပြီ၊ ဒီကို Body သယ်ဘာဖို့ဆိုတာ Covid ကာလမို့သိပ်မလွယ်ဘူး။ ဟိုမှာ သင်္ဂြိုဟ်
မယ်ဆိုရင် ကျွန်တော်ဖြစ်စေချင်တဲ့ ဆန္ဒကတော့ ဦးကျော်ရဲ့ အရိုးပြာကို ဒီကိုသယ်ဆောင်လာပြီး
ဒီနိုင်ငံမှာ ရေပဲမျှောမျှော ၊ ဧရာဝတီမြစ်ထဲပဲ
မျှောမျှော ၊ ရေဝေးသုဿာန်မှာပဲ အမှတ်တရ
အနေနဲ့ ထားထားပေါ့ ၊ ထားသင့်တယ်တယ်
လို့ ကျွန်တော်မျှော်လင့်တယ်။
နောက်တစ်ခု မြန်မာနိုင်ငံ ရုပ်ရှင်အစည်းအရုံး အနေနဲ့ နှစ်(၁၀၀ )ပြည့်ပြီ၊ နှစ်တစ်ရာပြည့် ကာလမှာ ဒီလိုထူးခြားတဲ့ ဆုံးရှုံးမှုကြီးတစ်ခု ဖြစ်လာတယ်။ ဦးကျော်ဟိန်းဆိုတာ အဖြူအမဲ ခေတ် ကနေ Colourခေတ်အထိ တကယ့်ကို အစားထိုးလို့မရတဲ့ သရုပ်ဆောင် ဒါရိုက်တာကြီး ၊ သူ့ရဲ့ရုပ်ထု ကို မြန်မာနိုင်ငံရုပ်ရှင်အစည်းအရုံးမှာ ထုထားဖို့တော့ လိုအပ်တယ်လို့တော့ ကျွန်တော်ထင်တယ် Covid ကာလပြီးသွားလို့ ကျင်းပမယ့် နှစ်(၁၀၀ ) ပြည့်အခမ်း အနားမှာ ဦးကျော်ဟိန်းရုပ်ထု ဖွင့်ပွဲနဲ့စဖို့ကောင်းတယ် လို့ ကျွန်တော်အကြံပေးချင်တယ် ။
Red News Agency
