ဇင်လင်းနိုင်
ရန်ကုန်၊ နိုဝင်ဘာ ၉ ရက်။
ရန်ကုန်တိုင်းဒေသကြီးအစိုးရအဖွဲ့၊ ရခိုင်တိုင်းရင်း သားလူမျိုး ရေးရာဝန်ကြီးနေရာဝင် ပြိုင်သည့် တစ်သီးပုဂ္ဂလ ကိုယ်စားလှယ်လောင်း ဒေါ်ထုမေသည် မဲရလဒ် ၁၈၀၀၀ ကျော်ဖြင့် ဦးဆောင်ကာ အနိုင်ရရှိသလောက်ဖြစ် နေကြောင်း သိရသည်။
ယနေ့ နိုဝင်ဘာ ၉ ရက် ည ၁၁ နာရီ ဝန်းကျင်အချိန် ရရှိထားသော မဲရလဒ် များအရ ရန်ကုန်တိုင်း ရခိုင်တိုင်းရင်း သားရေးရာဝန်ကြီးနေရာအတွက် ဒေါ်ထုမေ(တစ်သီး ပုဂ္ဂလ) – ၁၈၀၉၉ မဲ၊ ဦးတင်ထူးအောင် (တစ်သီးပုဂ္ဂလ)- ၅၃၆၆မဲ ၊ ဦးဦးမြင့်ကျော် (ANP) – ၈၃၇၈မဲ၊ ဒေါ်ခင်မျိုး ဦး (NLD) – ၉၀၂၃မဲ၊ ဒေါက်တာစံလှကျော် (တစ်သီးပုဂ္ဂလ) – ၁၃၄၉ မဲရရှိထားကြောင်း သိရသည်။
ပြည်ထောင်စု ရွေးကောက်ပွဲ ကော်မရှင် (UEC) ၏ တ ရားဝင်အတည်ပြု ထုတ်ပြန်ထားသော မဲရလဒ်များ မသိရှိ သေးသော်လည်း လက်ရှိမဲရလဒ်များအရ ဒေါ်ထုမေ သည် ရခိုင်တိုင်းရင်းသားလူမျိုး ရေးရာဝန်ကြီးနေရာအတွက် အသာစီးရကာ အနုိင်ရရှိနေသည့် အခြေအနေဖြစ်နေလေသည်။
ဒေါ်ထုမေသည် ရခိုင်အမျိုးသားပါတီဝင်ဟောင်းတဦးဖြစ်ပြီး လက်ရှိတွင်လည်း အမျိုးသားလွှတ်တော်ကိုယ်စား လှယ်တဦးဖြစ်ကာ ၂၀၂၀ ရွေးကောက်ပွဲတွင်တစ်သီး ပုဂ္ဂလ ကိုယ်စားလှယ်လောင်း အဖြစ် ဝင်ရောက်ယှဥ်ပြိုင်ခဲ့ခြင်း ဖြစ်သည်။
Red News Agency