Red News Agency

Tag: လျှပ်စစ်

  • စစ်ကောင်စီ လျှပ်စစ်ဝန်ကြီး ပြောင်းလဲခန့်အပ်သော်လည်း ရန်ကုန်မှာ မီးဆိုးဆိုးဝါးဝါး ပျက်မြဲပျက်နေ

    စစ်ကောင်စီ လျှပ်စစ်ဝန်ကြီး ပြောင်းလဲခန့်အပ်သော်လည်း ရန်ကုန်မှာ မီးဆိုးဆိုးဝါးဝါး ပျက်မြဲပျက်နေ

    RNA_သြဂုတ် ၉ ရက်၊၂၀၂၃ ခုနှစ်။

    အာဏာသိမ်း စစ်ကောင်စီအဖွဲ့ခန့် လျှပ်စစ်ဝန်ကြီးနေရာကို  ပြောင်းလဲခန့်အပ်သော်လည်း ရန်ကုန်မြို့တွင် ဆိုးဆိုးရွားရွား မီးပျက်မြဲပျက်နေကြောင်း ဒေသခံများက ပြောကြားခဲ့သည်။

    ” သူတို့ စစ်ကောင်စီက လျှပ်စစ်ဝန်ကြီးတွေဘာတွေ ပြောင်းတယ်ကြားတယ်။ အပြောင်းအလဲ လုပ်လည်း ဒီပုတ်ထဲကဒီပဲဘဲ။ စစ်ကောက်စီကမှ အသုံးအကျတော့ စစ်ကောင်စီခန့်ထားတဲ့သူကလည်း ဘာအသုံးကျမှာလဲ။အပေါ်က ခိုင်းတာပဲ လုပ်ရတာလေ” ဟု အလုံမြို့နယ်‌ နေထိုင်သူတစ်ဦးက ပြောသည်။

    လျှပ်စစ်မီး စစ်ကောင်စီ လက်ထက် အချိန်ဇယားဆွဲကာ အချိန်ပိုင်း မီးပေး၊ အလှည့်ကျမီးဖြတ်သည့်စနစ်ကို ပြီးခဲ့သည့် ၂၀၂၂ ခုနှစ်ကတည်းက ယနေ့ အထိလုပ်ဆောင်နေကြောင်း၊ အာဏာသိမ်းစစ်ခေါင်းဆောင်မင်းအောင်လှိုင်က လျှပ်စစ်မလုံလောက်ခြင်းသည် ရေအားလျှပ်စစ်စီမံကိန်းများ ပျက်ခဲ့သည့်အတွက်ဟု ပြီးခဲ့သည့်ရက်ပိုင်းက ပြောကြားထားသည်။

    (more…)

  • ရန်ကုန်မြို့မှာ လျှပ်စစ်ဓာတ်အား ဆိုးဆိုးရွားရွား ပျက်နေသည့်အတွက် ပြည်သူများ အခက်တွေ့နေ

    ရန်ကုန်မြို့မှာ လျှပ်စစ်ဓာတ်အား ဆိုးဆိုးရွားရွား ပျက်နေသည့်အတွက် ပြည်သူများ အခက်တွေ့နေ

    RNA_ဧပြီ(၁)၊၂၀၂၃ ခုနှစ်။

    အာဏာသိမ်းစစ်ကောင်စီလက်ထက် ၂၀၂၃ ခုနှစ် မတ်လအကုန်နှင့် ဧပြီအစမှာပင် ရန်ကုန်မြို့၌ လျှပ်စစ် ဓာတ်အား ဆိုးဆိုးရွားရွားပျက်တောက်နေသည့်အတွက် ရေရှားပါးမှုများပါ ဖြစ်ပွားနေကြောင်း သိရသည်။

    စစ်ကောင်စီလက်အောက်ခံ လျှပ်စစ်ဌာနမှ ရန်ကုန်မြို့အတွင်းတွင် လျှပ်စစ်မီးလာချိန် မမှန်သည့်အပြင် ပေးချင်သလိုပေး ဖြတ်ချင်သလို ဖြတ်နေကြောင်း၊ နေ့တစ်ဝက်ခန့် မီးပျက်ခြင်း၊ နာရီပိုင်းနှင့် မိနစ်ခန့်ပိုင်းသာ လာပြီး မီးပြန်ပျက်သွားခြင်းများ ကြုံတွေ့နေကြရသည်။

    “နေ့ပျက် ညပျက် သန်ခေါင်းကျော်ပျက် အလုပ်ချိန်ပျက် အလုပ်ပြန်ချိန်လည်းပျက် မင်းအောင်လှိုင် နောက်လိုက် အီးပီစီကသူတွေ ပြည်သူကို စေတနာမရှိတာ ပေါ်လွင်နေတယ်။ တမင်လုပ်နေတာ ပျက်လိုက်လာလိုက်နဲ့‌လေ အခြေအနေမကောင်းရင်  မီးပါလောင်တတ်တယ်။ ဒါပြည်သူကို ဒုက္ခ ရောက်အောင် သောက်ကျင့်ယုတ်နေတာလို့ပဲ ထင်တယ်” ဟု အလုံမြို့နယ် နေထိုင်သူ တစ်ဦးက ပြောကြားသည်။

    ရန်ကုန်မြို့နေ ပြည်သူများသည် ‌မီပုံမှန်မလာသည့် အတွက် ရေတင်မရ ၊ အချိန်မီအခါမီ ချက်ပြုတ်စားသောက်မရ၊ ဒုက္ခ ရောက်နေကြရကြောင်း၊ စားသောက် ဆိုင်များနှင့် လျှပ်စစ်မီးဖြင့် အလုပ် လုပ်ကိုင်နေရသည့် လုပ်ငန်းများ အနေဖြင့် မီးစက်ဖြင့် အလုပ်လုပ်ကိုင်နေရသည့်အတွက် စရိတ်အကုန်ကျများကာ လုပ်ငန်းအတွက် ထိခိုက်မှုများရှိကြောင်း၊ ဆိုင်များ ပုံမှန်အချိန်ထက်စောကာ ၁ နာရီ ၂ နာရီထက် စောကာ ပိတ်သိမ်းနေကြရကြောင်း သိရသည်။

    ရန်ကုန်မြို့တွင်  ရေမရ၊မီးမရ နွေရာသီကာလ လျှပ်စစ်မီး  ဆိုးဆိုးဝါးဝါး ပျက်နေပါက နေ့ဆိုလျှင် မီးစက်သံညံနေပြီး ညဆိုလျှင် တစ်မြို့လုံး အမှောင်ထုလွှမ်းနေခြင်းဖြစ်သည်။

    #RedNewsAgency

  • အာဏာသိမ်း မင်းအောင်လှိုင်လက်ထက် လျှပ်စစ်ဓာတ်အား ထုတ်လုပ်မှု မလုံလောက်၍ အလှည့်ကျမီးဖြတ်နေ

    အာဏာသိမ်း မင်းအောင်လှိုင်လက်ထက် လျှပ်စစ်ဓာတ်အား ထုတ်လုပ်မှု မလုံလောက်၍ အလှည့်ကျမီးဖြတ်နေ

    RNA_ဒီဇင်ဘာ ၈၊ ၂၀၂၂ ခုနှစ် ။
     
    ရွေးကောက်ခံပြည်သူ့အစိုးရထံမှ အကြမ်းဖက်အာဏာသိမ်းခဲ့သည့် စစ်ခေါင်းဆောင် မင်းအောင်လှိုင်လက်ထက် မြန်မာနိုင်ငံမှာ လျှပ်စစ်ဓာတ်အား ထုတ်လုပ်မှု မလုံလောက်သည့်အတွက်  အလှည့်ကျ မီးဖြတ် မီးပေး လုပ်နေရကြောင်း သိရသည်။
     
    ရွေးကောက်ပွဲမှတဆင့် အစိုးရဖြစ်လာသည့် NLD လက်ထက်တွင် နွေရာသီလောက်သာ မီးပျက်မှုများရှိပြီး၊ တိုင်းနှင့်ပြည်နယ်အနှံ့တွင် လျှပ်စစ်မီးရရှိရေးကြိုးပမ်းခဲ့သော်လည်း မင်းအောင်လှိုင်လက်ထက် ကျေးလက်မီးလင်းရေးမှာ မျှော်လင့်ချက်မရှိတော့သည့်အပြင် မီးရရှိသည့်ကျေးရွာများတွင်ပင် မီးမရရှိတော့ကြောင်း သိရသည်။

    (more…)

  • ပုံမှန်မသုံးကြတဲ့အတွက် လျှပ်စစ်ယူနစ်တွေ တိုးလာရခြင်းဖြစ်သည့်ဟု လျှပ်စစ်အင်ဂျင်နီယာပြော

    ယခုလ မီတာဆောင်ရာတွင် ပုံမှန်လတွေထက် ယူနစ်များလာကြောင်း ကြုံတွေ့နေရသည့်အတွက် မကွေးတိုင်းဒေသကြီး လျှပ်စစ်အင်ဂျင်နီယာမှူးနှင့် တွေ့ဆုံမေးမြန်းရာတွင် ပုံမှန်သုံးနေပါက ယူနစ်တိုးလာစရာအ ကြောင်းမရှိဘူးဟု ဖြေကြားခဲ့ပါတယ်။

    ” အရင်လအတိုင်းဘဲ ပုံမှန်သုံးတာလို့ ပြောကြပေမဲ့ ဒေတာတွေ ရှိပါတယ်။ ထုတ်လုပ်ရတဲ့ ယူနစ်တွေ လက်ခံရတဲ့ ယူနစ်တွေ တိုးလာပါတယ်။ ပုံမှန်သုံးတယ်ဆိုရင် အဲဒီယူနစ်တွေ တိုးလာစရာ အကြောင်း မရှိပါဘူး။ ပုံမှန်မသုံးကြလို့ ယူနစ်တွေ တိုးလာတာပါ” ဟု မကွေးတိုင်းဒေသကြီး လျှပ်စစ်အင်ဂျင်နီယာမှူး ဦးထောင်းဇိုခိုင်က ပြောသည်။

    ယခုလ မီတာစာရွက်များရောက်ရှိလာချိန်တွင် ၂၀၂၀ ခုနှစ် ပထမ လမှစတင်ကာ ဒုတိယ၊ တတိယလများတွင် မီတာယူနစ် ပုံမှန်ဖြစ်နေသော်လည်း ယခုလတွင် မီတာယူနစ်များ ပြီးခဲ့သည့်လများထက် ယူနစ်များ ပိုနေသည့်အတွက် လူမှုကွန်ရက်စာမျက်နှာတွင် ဝေဖန်မှုများရှိနေသည်။ [embedyt] https://www.youtube.com/watch?v=aXMThPNsC64[/embedyt]Red News Agency