Author: Editor

ရန်ကုန်တိုင်းဒေသကြီး မြောက်ဥက္ကလာပမြို့နယ် ရွှေပေါက်ကံစက်မှုဇုန် စီမံခန့်ခွဲရေး ကော်မတီအား စက်မှုလုပ်ငန်းရှင်များပါဝင်သော စုံညီအစည်းအဝေးတစ်ရပ်ပြုလုပ်ပြီး ပြန်လည်ဖွဲ့စည်းမည် ဖြစ်သည့်အတွက် ဦးဖေလှိုင် ဥက္ကဌအဖြစ် ဖွဲ့စည်းထားသည့် ရွှေပေါက်ကံ စက်မှုဇုန်စီမံခန့်ခွဲ့ရေး ကော်မတီအား ဖျက်သိမ်းကြောင်း ဝန်ကြီးချုပ်ကိုယ်စား လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေး ဝန်ကြီး ဒေါ်နီလာကျော်က လက်မှတ်ထိုးကာ ၂၀၁၉ ခုနှစ် စက်တင်ဘာ ၃၀ ရက်နေ့က ထုတ်ပြန်ခဲ့သည်။

ရန်ကုန်တိုင်းဒေသကြီးအစိုးရအဖွဲ့ ညွန်ကြားချက်ဖြင့် ရွှေပေါက်ကံစက်မှုဇုန်စီမံခန့်ခွဲရေးကော်မတီရုံးသို့ စက်တင်ဘာလအတွင်းက ရောက်ရှိလာသည့် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီး ဒေါ်မိုးမိုးစုကြည်နှင့် ရွှေပေါက်ကံစက်မှုဇုန်စီမံခန့်ခွဲရေး ကော်မတီ ဒုဥက္ကဌအပါအဝင် အဖွဲ့ဝင်များနှင့် အစည်းအဝေးပြုလုပ်စဉ် ရွှေပေါက်ကံစက်မှုဇုန်စီမံခန့်ခွဲရေး ကော်မတီဥက္ကဌ ဦးဖေလှိုင်မသိရှိဘဲ လုပ်သည့်အတွက် တရားမဝင်ကြောင်း ပြောကြားမှုနှင့် အစည်းအဝေးကို ကန့်ကွက်ခဲ့သည့်အတွက် အခြေအတင် ဖြစ်ခဲ့ကြသည်။[embedyt] https://www.youtube.com/watch?v=iKrECSFehEo[/embedyt]Red News Agency

မျိုးချစ်စိတ်ရှိမှသာ လုပ်ဆောင်နိုင်တာဖြစ်ပြီး ရှေးဟောင်းပစ္စည်းများနှင့်ပတ်သက်ပြီး လာဖမ်း၍မရဟု ဇေကမ္ဘာ ဦးခင်ရွှေပြော

ရန်ကုန်၊ စက်တင်ဘာ ၁၆ ရက်။

ရှေးဟောင်းပစ္စည်း စုဆောင်းမှုများနှင့် ပတ်သက်ပြီး မျိုးချစ်စိတ်ရှိမှသာ လုပ်ဆောင်နိုင်တာ ဖြစ်ပြီး ရှေးဟောင်းပစ္စည်းစုဆောင်းမှုများနှင့် ပတ်သက်ပြီး Register လုပ်ထားသည့်အတွက် လာဖမ်း၍မရဟု ဦးခင်ရွှေ (ဇေကမ္ဘာ) က ပြောသည်။ “ကျွန်တော်အားလုံး Register လုပ်တယ် ကျွန်တော်လာဖမ်းလို့ မရဘူး၊ ဘာလို့ အားလုံး Register လုပ်လဲဆိုတော့ အစ်မ (ဒေါ်အောင်ဆန်းစုကြည်) ကနေပြီးတော့ ဦးအောင်ကိုခေါ်ပြီး လွှတ်လိုက်တယ် ” ဟု ဦးခင်ရွှေက မြို့တော်ဝန်ဦးမောင်မောင်စိုးအား ရှင်းပြသည်။

စက်တင်ဘာ ၁၄ ရက်နေ့ကအများပြည်သူ အသုံးပြုနေသည့် ဇေကမ္ဘာဝန်းအဝင်အထွက်တံခါးများ ပိတ်ထားသည့်အတွက် မြို့တော်ဝန် ဦးမောင်မောင်စိုးသွားရောက်တွေ့ဆုံ ဆွေးနွေးအပြီး၊ ရှေးဟောင်းပစ္စည်းများ လိုက်လံ ပြသစဉ် ပြတိုက်ကိစ္စနှင့်ပတ်သက်ပြီး ဦးမောင်မောင်စိုးကို ရှင်းပြခဲ့သည်။ မြန်မာနိုင်ငံတွင် ဇေကမ္ဘာ ဦးခင်ရွှေပိုင်ဆိုင်သည့် ရှေးဟောင်းပစ္စည်းများကို စုစည်းပြီး အရှေ့တောင်အာရှတွင် အကြီးဆုံး ရှေးဟောင်းပြတိုက်ကို ရန်ကုန်တိုင်းဒေသကြီး မင်္ဂလာဒုံမြို့နယ် မင်္ဂလာဒုံ စက်မှုဥယျာဉ်အတွင်း တည်ဆောက်နေပြီး NLD အစိုးရလက်ထက်တွင် ဖွင့်ပွဲ ပြုလုပ်သွားမည်ဖြစ်ကြောင်း ၊ ရှေးဟောင်းပစ္စည်း အမျိုးပေါင်း ငါးသိန်း ရှိကြောင်း သိရသည်။[embedyt] https://www.youtube.com/watch?v=-niY79YSaUU[/embedyt]Red News Agency

ရန်ကုန်၊ စက်တင်ဘာ ၁၄ ရက်။

“သိန်းငါးဆယ်နဲ့ရောင်းတုန်းကမဝယ်ဘဲ သိန်းငါးထောင်ရမှ ဝယ်ခဲ့ကြတယ် အဲဒါ ကျွန်တော် ကုသိုလ်လေ၊ ဘယ်အစိုးရမှ မပေါင်းဘူး တက်လာခဲ့အစိုးရနဲ့ ရန်ဖြစ်တယ် ဒါဘဲ။ ဘယ်အစိုးရနဲ့မှ မတည့်ဘူး ” ဟု ဇေကမ္ဘာ ဦးခင်ရွှေက ပြောကြားခဲ့ပါတယ်။

ဒီကနေ့ ဇေကမ္ဘဝန်းအတွင်းမှ အများသူငါ သွာလာနေသည့် လမ်းပိတ်ဆို့ထားမှုနှင့်ပတ်သတ်ပြီး မြို့တောင်ဝန်ဦးမောင်မောင်စိုးနှင့် အဖွဲ့သွားရောက်ဆွေးနွေးအပြီး ပြတိုက်ဆောက်ရန် သိမ်းဆည်းထားသည့် ရှေးဟောင်းပစ္စည်းများ လိုက်လံပြသစဉ် ကြည့်ရှုသူများထဲက တဦးမှ ဦးခင်ရွှေဘယ်လောက်ချမ်းသာသလဲဟု မေးမြန်းစဉ် ဖြေကြားလိုက်ခြင်းဖြစ်သည်။[embedyt] https://www.youtube.com/watch?v=MIlYx1HJ6tw[/embedyt]Red News Agency

ရှစ်လေးလုံး အရေးတော်ပုံ လိုလားချက်များ ယနေ့အချိန်ထိ မရရှိသေးကြောင်း၊ ယနေ့ ရရှိနေသည့် အခွင့်အရေးများနှင့်ပတ်သက်ပြီး မြောက်ဥက္ကလာပမြို့နယ် ၈၈ မျိုးဆက် ဦးစိုးလွင်ကလည်း အမှတ်တရ စကားများပြောကြားခဲ့သည်။

”အရေးတော်ပုံကြီး တိုက်ပွဲ ရည်မှန်းချက်ဖြစ်သော ဒီမိုကရေစီရေး၊ လွတ်လပ်ရေး၊ ငြိမ်းချမ်းရေးနှင့် အာဏာရှင်စနစ် အကြွင်းမဲ့ ချုပ်ငြိမ်းရေး စသော ပြည်သူ့လူထု၏ ဆန္ဒသည် ယနေ့အချိန်ထိ မခံစားရသေးပါဘူး။ လက်ရှိ ဒီမိုကရေစီအစိုးရ၏ အုပ်ချုပ်မှုလမ်းစဉ်များသည် စစ်အာဏာရှင် သဏ္ဍာန်များနှင့် ထပ်တူကျလှပြီလို့ လေ့လာတွေ့ရှိရပါသည်” ဟု ကိုငြိမ်းချမ်း (နိုင်ငံရေးအကျဉ်းသားဟောင်း) က မြန်မာနိုင်ငံကျောင်းသားလူငယ်များ ကွန်ရက်က ပေးပို့သည့် သဝဏ်လွှာ ဖတ်ကြားခဲ့သည်။

ရှစ်လေးလုံးအရေးတော်ပုံ ၃၁ နှစ်မြောက်အခမ်းအနားကို မြောက်ဥက္ကလာပမြို့နယ် ကန်သာယာပြည်သူ့ပန်းခြံအတွင်းရှိ ရှစ်လေးလုံးအရေးတော်ပုံ ကျောက်တိုင်တွင် ယနေ့ ကျင်းပခဲ့ရာတွင် ရှစ်လေးလုံးအရေးတော်ပုံတွင် ပါဝင်ခဲ့သူများ တက်ရောက်အမှာစကားပြောကြားခဲ့ကြပြီး၊ သဝဏ်လွှာဖတ်ကြားခြင်း၊ တေးဂီတ ဖျော်ဖြေခြင်းစသည်တို့ကို လုပ်ဆောင်ခဲ့သည်။[embedyt] https://www.youtube.com/watch?v=hT8raSevytQ[/embedyt]Red News Agency

အခုရက်ပိုင်း မိုးသည်းထန်စွာ ရွာသွန်းနေတဲ့ အတွက် ပဲခူးတိုင်းဒေသကြီး ရွှေကျင်မြို့ပေါ်ထိ မြစ်ရေတက်နေပြီ ဖြစ်ပါတယ်။ ရွှေကျင်မြို့ပေါ်တွင် အိမ်ထောင်စု ၄၈၀၊ လူဦးရေ ၂၄၀၀ ဝန်းကျင်ဟာ ရေဘေးဒုက္ခခံစားနေရတာ ဖြစ်ပါတယ်။[embedyt] https://www.youtube.com/watch?v=Y_jyN71oAto[/embedyt]Red News Agency