RNA_စက်တင်ဘာ(၂၁)၊၂၀၂၄ခုနှစ်။
ရန်ကုန်တိုင်း၊ တောင်ဒဂုံမြို့နယ်၊ (၁၀၇) ရက်ကွက်၊ အုပ်ချုပ်ရေးမှူးရုံးအတွင်း ချီတာစစ်ဆင်ရေး (Cheetah Operation) အဖြစ် Anonymous Force (ရန်ကုန်စစ်ဒေသခွဲ – PRF) ရဲဘော်များက စက်တင်ဘာ ၂၀ ရက်နေ့ နံနက် ၉ နာရီခန့်က ဝင်ရောက်တိုက်ခိုက်ရာ အုပ်ချုပ်ရေးမှူးကြည်ထွန်းနှင့် ရာအိမ်မှူး ဆွေမြင့်အောင်တို့ သေဆုံးခဲ့ကြောင်း သိရသည်။
Tag: တောင်ဒဂုံ
-
ရန်ကုန်စစ်ဒေသခွဲ ရဲဘော်များ၏တိုက်ခိုက်မှုကြောင့် တောင်ဒဂုံမြို့နယ် (၁၀၇) ရပ်ကွက် အုပ်ချုပ်ရေးမှူးနှင့် ရာအိမ်မှူးတဦးသေဆုံး
-
သာယာဝတီအကျဉ်းထောင်တွင် မဲကြီး (ခေါ်) ကိုပြည့်ဖြိုးဝင်း ညှင်းပမ်းနှိပ်စက် သတ်ဖြတ်ခံရ
RNA_မေ(၂၉)၊၂၀၂၃ ခုနှစ်။ရန်ကုန်မြို့ အင်းစိန်ထောင်မှ ပဲခူးတိုင်း အနောက်ခြမ်း သာယာဝတီ အကျဉ်းထောင်သို့ ပြောင်းရွှေ့ခံလိုက်ရပြီးနောက် မဲကြီး (ခေါ်) ကိုပြည့်ဖြိုးဝင်းသည် သာယာဝတီထောင်အတွင်း ညှင်းပမ်းနှိပ်စက်ခံရသည့် ဒဏ်ရာများကြောင့် မေလ ၂၁ ရက်နေ့က ကျဆုံးသွားခဲ့ကြောင်း သိရသည်။ရန်ကုန်တိုင်း၊ တောင်ဒဂုံမြို့နယ်မှ မဲကြီး(ခေါ်) ကိုပြည့်ဖြိုးဝင်းသည် ကျန်းမာရေးကောင်းမွန်နေသည့်ကြားမှ ယခုလိုသေဆုံးခဲ့ခြင်းကို သာယာဝတီထောင်အဏာပိုင်များက အဆုတ်ပိုးဝင်ပြီး သေဆုံးသည်ဟု မိသားစုကို ပြောကြားထားကြောင်း၊ မိသားစုသည် သာယာဝတီထောင်သို့ မေလ ၂၂ ရက်နေ့က လိုက်သွားခဲ့ရာ ကိုပြည့်ဖြိုးဝင်း၏ ရုပ်အလောင်း မျက်နှာအား မြင်တွေ့ခွင့်ရခဲ့ကြောင်း၊ ထောင်အာဏာပိုင်များက ဆေးရုံတင်ပြီး ၄ ရက်မြောက်မှ သေဆုံးခဲ့သည်ဟု မိသားစုကို အသိပေးခဲ့ကြောင်း ထောင်အာဏာပိုင်နှင့်နီးစပ်သော အသိုင်းအဝန်းမှ သိရသည်။
“ဒီညီလေးက ကျန်းမာရေးအရမ်းကောင်းတာဗျ ထောင်ထဲမှာ အားကစားလည်း လိုက်စားတယ်၊ ရောဂါကြောင့်သေတာမဟုတ်တာ သေချာတယ်၊ နောက်ပြီး ထောင်ဝန်ထမ်းအသိုင်းအဝန်းက ကြားရတာတော့ ဒဏ်ရာတွေနဲ့သေသွားတယ်လို့ ပြောတယ်။ ကျွန်တော်တို့က ထောင်ဝန်ထမ်းမိသားစုတွေနဲ့ ရင်းနှီးနေလို့ ပြန်ကြားရတာပါ၊ မဲကြီးနဲ့က အင်းစိန်မှာလည်း တစ်ခန်းတည်းနေခဲ့တာ သာယာဝတီပြောင်းတော့လည်း အတူတူဆိုတော့ကြားကြားချင်း အရုပ်ကြိုးပြတ်ပါပဲ” ဟု သာယာဝတီထောင်မှလွတ်မြောက်လာသည့် နိုင်ငံရေးအကျဉ်းသားတဦးက ပြောသည်။ -
ရဲဘော်သာဒင် ကျဆုံးခဲ့ရသည့်အတွက် ငွေတောင်စားသောက်ဆိုင်အသိုက်အဝန်းအား တိုက်ခိုက်ခြေမှုန်းမည်
RNA_ဇန်နဝါရီ(၂၃)၊၂၀၂၃ ခုနှစ်။
ငွေတောင်စားသောက်ဆိုင်ဝန်ထမ်းများနှင့် အပေါင်းအပါများက ဝိုင်းဝန်းရိုက်နှက် ဖမ်းဆီးပေးခဲ့သည့် Freelance Attack Force – FLA ရဲဘော် ချောကလက် (ခ ) ရဲဘော်သာဒင်မှာ ဒဏ်ရာပြင်းထန်စွာရရှိခဲ့ပြီး ကျဆုံးခဲ့ရကြောင်း FLAက ယနေ့ ထုတ်ပြန်ထားသည်။
“အဆိုပါဖြစ်ရပ်ကြောင့် မိမိတို့ Freelance Attack Force – FLAမှ များစွာ ဝမ်းနည်း ယူကြုံးမရဖြစ်ရပြီး မိမိတို့၏ ရဲဘော် ချောကလက် (ခ ) သာဒင်၏ သွေးကြွေးအဖြစ် ငွေတောင်စားသောက်ဆိုင် အသိုက် အဝန်းအား တိုက်ခိုက်ခြေမှုန်းသွားဖြစ်ပါကြောင်း အသိပေးထုတ်ပြန် ကြေညာလိုက်သည်” ဟု ထုတ်ပြန်ချက်တွင် ဖော်ပြထားသည်။
-
တောင်ဒဂုံမှာ အသက် (၁၁) နှစ်အရွယ် ကလေးငယ်တဦး မုဒိန်းကျင့် သတ်ဖြတ် အလောင်းဖျောက်မှု ဖြစ်ပွားခဲ့
RNA_အောက်တိုဘာ(၂၇)၊၂၀၂၂ခုနှစ်။
စစ်တပ်အာဏာသိမ်းပြီးနောက် ခိုး၊ဆိုး၊လုယက်မှု၊ ဓားပြတိုက်မှုများဖြစ်ပွားမှု များပြားလာသည့်အထဲတွင် ရတ်ကုန်တိုင်း၊ တောင်ဒဂုံမြို့နယ်မှ အသက် (၁၁) နှစ်အရွယ် မိန်းကလေးငယ်တဦး မုဒိန်းကျင့်၊ အသက်ခံရကာ အလောင်းဖျောက်မှု ဖြစ်ပွားခဲ့ကြောင်း သိရသည်။
တောင်ဒဂုံမြို့နယ်၊ ၁၀၅ ရက်ကွက်၊ ချမ်းမြသာစည်လမ်းတွင်နေထိုင်သည့် မယွန်းနဒီကျော် အသက်(၁၁)နှစ်သည် အောက်တိုဘာ ၁၄ ရက်နေ့ ညနေ (၄) နာရီကျော်က နေအိမ် အပြင်ထွက်ပြီးကြာဇံကြော်ထွက်ဝယ်ရာမှ အိမ်ပြန်မရောက်သည့်အတွက် လိုက်ရှာကြရာ နဂါးရုံဘုရား ရေကန်ဘေး ရေမြောင်းအတွင်း နွံထဲနှစ်ကာ အလောင်းဖျောက်ခံရပြီး သေဆုံး နေကြောင်း ည(၈)နာရီခန့်မှသိခဲ့ကြရကြောင်း သိရသည်။
တရားခံအား စစ်ကောင်စီလက်အောက်ခံများက ဖမ်းဆီးထားသည်ဟု သိရသည့်အတွက် ကာယကံရှင်မိဟားစုများက သွားရောက်စုံစမ်းရာ သိခွင့်မရဘဲ နောက်သုံးလ စစ်ခုံရုံးတင်မည်ဟု ပြောကြားခဲ့သော်လည်း လူမှုကွန်ယက်တွင် ပြန့်နှံ့လာသည့် အတွက် ရဲစခန်းက ယနေ့ နံနက် (၁၁) နာရီဝန်းကျင်က တရားခံအား ဖမ်းဆီးထားပြီး သက်ငယ်မုဒိမ်းမှု၊ လူသတ်မှု၊ အလောင်းဖျောက်မှုတို့ဖြင့်တရားစွဲဆိုထားကြောင်း အကြောင်းကြားခဲ့သည်ဟု သိရသည်။
Red News Agency