RNA_ဒီဇင်ဘာ(၂၇)၊၂၀၂၄ခုနှစ်။
ချင်းပြည်နယ်၊ မင်းတပ်မြို့အခြေစိုက် စစ်ကောင်စီ၏ ခလရ (၂၇၄) မှ ထွက်ပြေးလာသော စစ်ကောင်စီလက်အောက်ခံ (၁၂) ဦးအား ဗျူဟာအမှတ် – ၈၁ ယောဗျူဟာမှ ဖမ်းဆီးရမိသည်ဟု ယနေ့ ထုတ်ပြန်ထားသည်။
Tag: စစ်ရှုံး
-
အာဏာသိမ်းပြီး ဘုရင်လုပ်ချင်တဲ့ လောဂျစ်အမှားနဲ့ မင်းအောင်လှိုင်
“ပြည်သူ့စစ်အင်အားထဲက ၅၀ ရာခိုင်နှုန်းလောက်ပဲ စစ်တပ်ကို ဆန့်ကျင်ခဲ့ရင်တောင် စစ်တပ်အတွက်နောက်ကျောမလုံရတဲ့ အခြေနေဖြစ်စေလိမ့်မယ်။ တကယ်တော့ ပြည်သူ့စစ်ဆိုတာ စစ်ကောင်စီအတွက် ခါးပိုက်ထဲက မြွေပွေးဖြစ်တယ်။ အချိန်မရွေး စစ်ကောင်စီကို ဒုက္ခပေးနိုင်တဲ့သူတွေဖြစ်သလို တော်လှန်ရေးတပ်ဖွဲ့တွေနဲ့ ပူးပေါင်းသွားရင်လည်း စစ်သင်တန်းပေးလိုက်တဲ့ စစ်တပ်က မိအေး နှစ်ခါနာ ဖြစ်အုံးမယ်”
*********************************
ရန်နိုင်စစ်မှုထမ်းဥပဒေကြောင့် စစ်ကောင်စီဖက်က ရလိုက်တာက စစ်မှုထမ်းဖို့စိတ်မပါတဲ့ သူတွေကို Brainwash လုပ်လို့ မရတော့တဲ့ အသက်အရွယ်ရောက်နေတဲ့သူတွေပဲ ဖြစ်တယ်။ အဲ့ဒီ အဓမ္မစုဆောင်းထားတဲ့ တပ်သားသစ်တွေကို စစ်ကောင်စီက ရလိုက်တဲ့အချိန်မှာပဲ တော်လှန်ရေး တပ်ဖွဲ့တွေဘက်က ရလိုက်တာက စစ်ကောင်စီရဲ့ ဗျူဟာမှူးတွေ၊ အရာရှိတွေ သေဆိုသေ၊ ရှင်ဆိုရှင်မယ့် အမိန့်ကျပြီးသား စစ်ခွေးပေါင်းများစွာနဲ့ တပ်စခန်း ပေါင်းများစွာပဲဖြစ်တယ်။
အဖက်ဖက်က စစ်ရှုံးနေတဲ့ အကြမ်းဖက်စစ်ခေါင်းဆောင် မင်းအောင်လှိုင်က ဆေးမြီးတိုနည်းတွေဖြစ်တဲ့ ပျူစောထီးလို၊ ပြည်သူ့စစ်လို လက်ကိုင်တုတ်တွေကို မွေးထုတ်ပေးခဲ့တယ်။ စစ်မှုထမ်း ဉပဒေကို အတည်ပြုပြီးလည်း စစ်မတိုက်ချင်တဲ့သူတွေကို စစ်ပွဲထဲအတင်းအကျပ် ပါဝင်စေခဲ့တယ်။ အောက်ဆုံး အဆင့်မှ ဝင်လာရတဲ့ ရဲဘော်တွေကို ဘင်ခရာတပ်တွေနဲ့ ကြိုဆိုပြနေသလို ပန်းကုံးစွပ် ကြိုဆိုပွဲတွေနဲ့ အကြီးအကျယ် အောင်ပွဲခံပြနေခဲ့တယ်။
အတင်းအကျပ် စုဆောင်းခံထားရတဲ့ ပြည်သူ့စစ်ဆိုတဲ့သူတွေက စစ်ကောင်စီကို အချိန်မရွေး သေနတ်ပြောင်းလှည့်ဖို့ အကြံထုတ်နေသူတွေဖြစ်တယ်။ ပြည်သူ့စစ်အင်အားထဲက ၅၀ ရာခိုင်နှုန်းလောက်ပဲ စစ်တပ်ကို ဆန့်ကျင်ခဲ့ရင်တောင် စစ်တပ်အတွက်နောက်ကျောမလုံရတဲ့ အခြေနေဖြစ်စေလိမ့်မယ်။ တကယ်တော့ ပြည်သူ့စစ်ဆိုတာ စစ်ကောင်စီအတွက် ခါးပိုက်ထဲက မြွေပွေးဖြစ်တယ်။ အချိန်မရွေး စစ်ကောင်စီကို ဒုက္ခပေးနိုင်တဲ့သူတွေဖြစ်သလို တော်လှန်ရေးတပ်ဖွဲ့တွေနဲ့ ပူးပေါင်းသွားရင်လည်း စစ်သင်တန်းပေးလိုက်တဲ့ စစ်တပ်က မိအေး နှစ်ခါနာ ဖြစ်အုံးမယ်။