RNA_စက်တင်ဘာ(၁၇)၊၂၀၂၄ ခုနှစ်။
ရန်ကုန်မြို့၊ အင်းစိန်မြို့နယ်ရှိ အင်းစိန်အကျဉ်းထောင်တွင် စစ်ကောင်စီ၏ တိုင်းစစ်ဌာနချုပ် ဗျူဟာမှူးအဆင့်ထိ ရောက်ရှိပြီီးလုံခြုံရေး အထူးတင်းကြပ်ထားသည်ဟု အင်းစိန်အကျဉ်းထောင်နှင့်နီးစပ်သူထံမှ သိရသည်။
အင်းစိန်အကျဉ်းထောင်တွင်း ဝန်ထမ်းများကို၏ အဝင်အထွက်များကိုလည်း တင်းကြပ်ထားကြောင်း၊ စက်တင်ဘာ ၁၆ ရက်နေ့ကလည်း စစ်ကောင်စီ ပြည်ထဲရေးဝန်ကြီးဌာန ဒုဝန်ကြီး ဒုတိယဗိုလ်ချုပ်ကြီး နီလင်းအောင် သွားရောက်ခဲ့သည်ဟု သိရသည်။
#RedNewsAgency #RNA
RNA_ဩဂုတ်(၃၁)၊၂၀၂၃ ခုနှစ်။
ရန်ကုန်မြို့၊ လမ်းမတော်မြို့နယ်၊ သံစျေးအနီးတဝိုက်မှာ လူတစ်ဦးကို စားအုန်းဆီ ၅၀ သားကို ၂၀၀၀ ကျပ်နှင့်ရောင်းချနေသည့်အတွက် ယနေ့ နံနက်ပိုင်းက တန်းစီဝယ်ခဲ့ကြရကြောင်း သိရသည်။
စားအုန်းဆီ တစ်ပိဿာကို ၁၁၀၀၀ ကျပ်အထိ စျေးတက်သွားခဲ့သည့်အတွက် ရန်ကုန်မြို့နယ်တော်တော်များများတွင် တစ်ပိဿာကို ၄၄၀၀ ကျပ်နှင့် ရောင်းချပေးနေသည့် သတင်းနှင့်အတူ တန်းစီဝယ်ယူနေကြကြောင်း၊ ယနေ့ သြဂုတ်လ ၃၁ ရက်နေ့ နံနက်ပိုင်းက ရန်ကုန်မြို့၊ လမ်းမတော်သံစျေးအနီးတဝိုက်မှာ လူတစ်ဦးကို စားဆီ ၅၀ သား၊ ကျပ် ၂၂၀၀ဖြင့် နေရာ ၃ ခုလောက် ရောင်းချခဲ့ကြောင်း သိရသည်။
[embedyt] https://www.youtube.com/watch?v=GznMcuCZioA[/embedyt]
“အခုက ဆီတစ်ဗူး ၅၀သားပေါ့၊ ၂၂၀၀ နဲ့ရောင်းပေးတာ။ အမှန်တော့ ဆီက ၅၀ သားမပြည့်ဘူး။ ၄၅ ကျပ်သားပဲရှိတယ်။ ဒါပေမယ့် အပြင်မှာ က ၁၁၀၀၀ စျေးရှိတယ်။ လက်လီဝယ်စားနေရတာက တစ်ဆယ်သားကို ၁၂၀၀ ဝယ်စားရတယ်” လို့ သံစျေးအနီးတဝိုက်မှာ ဆီ ၅၀ သားရရှိရေး ဒလမြို့က လာရောက်တန်းစီနေသည့် အမျိုးသမီးတဦးကပြောသည်။
ဆီတန်းစီတိုးနေကြသူများသည် ရေသန့်ဗူး (ဝမ်းလီတာ)၊ ရေသန့်လက်ကိုင်ဆွဲဗူးများနှင့် ငွေ ၂၂၀၀ ကိုင်ပြီး နေပူထဲတွင် အချိန်အတော်ကြာ ရပ်ပြီး တန်းစီဝယ်ယူနေကြရကြောင်း၊ အချို့တန်းစီဝယ်ယူနေသူများတွင် ရင်ခွင်ပိုက်ကလေးငယ်များကို ပွေ့ချီကာ တန်းစီနေကြရကြောင်း၊ ကလေးငယ်တချို့ကိုလည်း ရေသန်းဗူးများဖြင့် လာရောက်တန်းစီနေကြကြောင်း တွေ့ရှိရသည်။