Category: အင်တာဗျူး

ဇင်လင်းနိုင်
ရန်ကုန် ၊ ဇန်နဝါရီ ၂၄ရက်။

နိုင်ငံတော်သမ္မတနှင့် ပြည်ထောင်စုရွေးကောက်ပွဲကော် မရှင်(UEC)ကိုထောက်ခံကြောင်း ဆန္ဒဖော်ထုတ်ပွဲကို ယနေ့ (ဇန်နဝါရီလ ၂၄ ရက်) မွန်းလွဲပိုင်းက ရန်ကုန်မြို့တော် ခန်းမရှေ့၊ မဟာဗန္ဓုလပန်းခြံအနီးတွင် ကျင်းပပြုလုပ်ခဲ့သည်။

ဆန္ဒဖော်ထုတ်ပွဲသူများက နိုင်ငံတော်သမ္မတနှင့်ပြည် ထောင်စုရွေးကောက်ပွဲကော်မရှင်ကိုထောက်ခံကြောင်း၊ ဒီမိုကရေစီ ဖက်ဒရယ်ပြည်ထောင်စုပေါ်ပေါက်ရေးကို ထောက်ခံကြောင်း၊ပြည်သူတင်မြောက်တဲ့ အစိုးရသစ်ကိုလှိုက်လှဲစွာ ကြိုဆို ထောက်ခံကြောင်း၊ ငြိမ်းချမ်းရေးနှင့်ဒီမိုကရေစီရှင်သန်ရေးကိုထောက်ခံကြောင်း၊ တတိယအကြိမ်လွှတ်တော်ကို NLDမှခေါ်ယူခြင်းကို ကြိုဆိုထောက်ခံကြောင်း စသည့် စာသားပါ ဗီနှိုင်းများကိုင်ဆောင် ကာ ယင်းကြွေကြော်သံများဖြင့် ဆူးလေစေတီတော်အား တပတ်လှည့်လည်ကာ ဆန္ဒဖော်ထုတ်ခြင်း၊မဟာဗန္ဓုလပန်းခြံရှေ့တွင် ဟောပြောခြင်း၊ ကြွေးကြော်သံများ ကြွေးကြော်ခြင်းတို့ ပြုလုပ်ခဲ့သည်။

ယင်းဆန္ဒဖော်ထုတ်ပွဲအား သက်ဆိုင်ရာ ငြိမ်းစုစီ ခွင့်ပြုချက် တင်ပြကာ လုပ်ဆောင်ခဲ့ခြင်း ဖြစ်ကြောင်း သိရသည်။

Red News Agency

ဒီလှိုင်း
ချောက်၊ နိုဝင်ဘာ၂၉ ရက်။

မကွေးတိုင်းဒေသကြီး ၊ ချောက်မြို့တွင် ၂၀၂၀ ခုနှစ် နိုဝင်ဘာလ ၈ ရက်နေ့က ကျင်းပခဲ့သည့် အထွေထွေရွေးကောက်ပွဲတွင် မဲခိုးမှုများ စစ်ဆေးပေးရေး၊ ကြိုတင်မဲများ စစ်ဆေးပေးရေတို့အတွက် ပြည်ထောင်စု ရွေးကောက်ပွဲကော်မရှင်ကို နိုဝင်ဘာ လ ၂၈ ရင်နေ့က တောင်းဆိုဆန္ဒထုတ်ဖော် ခဲ့ကြောင်း သိရသည်။

ချောက်မြို့တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကို ထောက်ခံ ဝန်းရံသူ ၂၅ဦးကနိုဝင်ဘာလ ၂၈ရက်နေ့နံနက်ပိုင်းက ‌ချောက်မြို့ပြည်ခိုင်ဖြိုး‌ရုံးရှေ့မှ လမ်းမတော်လမ်းအတိုင်း အေးစေတီလမ်းဆုံ၊မြေနီကုန်းလမ်းဆုံ၊အနော်ရထားတံတားထိပ်၊ရွှေတွင်းကုန်းအဆင်းလမ်း မှပျဉ်းမလမ်းအတိုင်း စီတန်းလှည့်လည် ကြွေးကြော်ဆန္ဒထုတ်ဖော် ခဲ့ပြီး ချောက်မြို့မရဲစခန်းလမ်းဆုံမှ ချောက်မြို့နယ် ပြည်ခိုင်ဖြိုးရုံတွင် ပြန်လည်ရပ်နားခဲ့ကြောင်း သိရသည်။

ဆန္ဒထုတ်ဖော်မှုတွင် ဥပဒေနှင့် မညီသောရွေးကောက်ပွဲရလဒ် အလိုမရှိ၊မဲခိုးမှုများစစ်ဆေးပေးရေးဒို့အရေး၊COVIDငွေကြေးမဲဆွယ်ပေးအလိုမရှိ၊ကြိုတင် မဲများ စစ်ဆေးပေးရေး ဒို့အရေး၊ငွေကြေးဖြင့်မဲဆွယ်စည်းရုံးမှု အလိုမရှိ၊မဲဆန္ဒရှင် စာရင်းများစစ်ဆေးပေးရေး ဒို့အရေး၊ တရားမျှတ‌ သော ရွေးကောက်ပွဲဖြစ်ရေး ဒို့အရေး စသည့်အချက်၇ချက်ရှိသော စာသားများပါ ကတ်ထူးပြားများကို ကိုင် ဆောင်ကာ ကြွေးကြော်ဆန္ဒထုတ်ဖော်ခဲ့ကြောင်းသိရှိရသည်။

Red News Agency

ဒီလှိုင်း
မိတ္ထီလာ၊ နိုဝင်ဘာ ၂၈ ရက်။

၂၀၂၀ ခုနှစ် နိုဝင်ဘာလ ၈ ရက်နေ့က ကျင်းပခဲ့သည့် ရွေးကောက်ပွဲတွင် ပြည်ထောင်စုရွေးကောက်ပွဲကော်မရှင်၏ လွတ်လပ်မျှတမှု မရှိခြင်းအပေါ် ယနေ့ ( နိုဝင်ဘာလ၂၈ရက်‌) နံနက် ၉ နာရီမှ စတင်ကာ မိတ္ထီလာမြို့တွင် ကန့်ကွက်ဆန္ဒထုတ်ဖော် ဟောပြောပွဲ ပြုလုပ်ခဲ့သည်။

မိတ္ထီလာမြို့ ၊ ဈေးအရှေ့ပြင်ရပ်ကွက်၊မြောက်ကန်ဘောင်ထိပ် ဇော်ဆေးခန်းအနီးတွင် စုရပ်လုပ်ခဲ့ပြီး၊ ကန့်ကွက်ဆန္ဒဖော်ထုတ်ပွဲအား ဦးဇေယျာဟိန်းကဦးဆောင်ပြီး၊ ဦးမြသွင်(ခ) ဦးမြင့်စန်းက ပြည်ထောင်စု ရွေးကောက်ပွဲကော်မရှင်၏ လွတ်လပ်မျှတမှုမရှိခြင်း အကြောင်းအရာတို့ကို ဟောပြောခဲ့သည်။

” အဓိကတော့ မဲစာရင်းထပ်တိုးလုပ်တာတွေတွေ့တာ၊မဲပုံးတွေကို မဲရုံကိုရောက်အောင်မပို့ဘဲနဲ့ မဲမရေဖြစ်တာမျိုးတွေ၊ အသက်၁၈နှစ်အောက် မဲပေးတာတွေ၊ မှတ်ပုံတင်မပါဘဲနဲ့မဲစာရင်း ၁၉၀၀၀ ကျော်လောက် တိုးနေတာတွေ၊နာမည်တူအဖေတူလိပ်စာတူပြီးတော့မှ မှတ်ပုံတင်တူပြီး မဲပေးတဲ့ ၇၀၀၀ကျော်ရှိတာတွေ အပေါ်မှာအခြေခံပြီးတော့မှဆန္ဒပြတာပါ၊ ဆက်လုပ်မှာကတော့ မှန်တဲ့လမ်းကြောင်းလေးတစ်ခုထိအောင် ရောက်အောင်သွားမှာပါ” ဟု ဟောပြောသူဦးမြသွင် (ခ) ဦးမြင့်စန်းက ပြောသည်။

ယင်းဆန္ဒထုတ်ဖော်ပွဲကို လမ်းလျှောက်ခြင်းမဟုတ်ဘဲ ဟောပြောပွဲပုံစံဖြင့် ပြုလုပ်ခဲ့ကောင်း၊ ငြိမ်းစုစီ တင်ထားရာတွင် လူအင်းအား၂၉ ယောက် တင်ပြီး ကန့်ကွက်ဆန္ဒဖော်ထုတ်ပွဲပြုလုပ်ခြင်း ဖြစ်ကြောင်း၊ ကြိုတင်မဲများ စစ်ဆေးပေးရေး၊ မဲဆန္ဒရှင်စာရင်း စစ်ဆေးပေးရေး၊ တရားမျှတသော ရွေးကောက်ပွဲ ဖြစ်စေရေး စသည့် ကြွေးကြော်သံ ပိုစတာများ ကိုင်ဆောင်ခဲ့ကြကြောင်း သိရသည်။

Red News Agency