Red News Agency

Tag: ကော်သူးလေတပ်မတော်

  • တိုက်ပွဲအရှိန်မြှင့်ရန် လုပ်ဆောင်နေပြီ

    တိုက်ပွဲအရှိန်မြှင့်ရန် လုပ်ဆောင်နေပြီ

    တိုက်ပွဲအရှိန်မြှင့်ရန်အတွက် လုပ်ဆောင်နေပြီဟု တပ်ရင်းမှူး စောစလုံးပြော 

    RNA_အောက်တိုဘာ(၂၆)၊၂၀၂၂ခုနှစ်။ 

    “ ဆင်ဖြူရဲ့ စစ်ကြောင်း PDFနဲ့ ပူးပေါင်းမဟာမိတ် ကော်သူးလေအာမီ အထူးကွန်မန်ဒိုတပ်ရင်း စင်ပေါ်ပြန်တက်ရင် အားလုံး တစ်ကမ္ဘာလုံး တစ်နိုင်ငံလုံး ဝိုင်းပြီး ဆုတောင်းပေးပြီးတော့ လက်ခုပ်တီးကြ။ ဒီကနေ့ ဒီအချိန်ရောက်ရင် အာဏာရှင် အာဏာရူးတွေ တော်ပါတော့ ကန်တော့ပါတော့လို့ မကြားချင်တော့ဘူး အခွင့်အရေးပေးကြာနေပြီ”

    [embedyt] https://www.youtube.com/watch?v=w7gjurAAWxo[/embedyt]

    အာဏာရူး စစ်တပ်ကို တိုက်ခိုက်ရန် အရှန်မြှင့်ရန်အတွက် လုပ်ဆောင်နေပြီဟု KawThooLei Army အထူးကွန်မန်ဒိုတပ်ရင်း၊ ဆင်ဖြူစစ်ကြောင်း တပ်ရင်းမှူး ဗိုလ်မှူးစောစလုံးက ပြောကြားထားသည်။ 

    Red News Agency

  • ကော်သူးလေတပ်မတော်သည် စစ်ကောင်စီအား အမြန်ဆုံးတိုက်ထုတ်ချေမှုန်မည်ဟု ဗိုလ်ချုပ်နယ်ဒါးမြပြောကြား

    ကော်သူးလေတပ်မတော်သည် စစ်ကောင်စီအား အမြန်ဆုံးတိုက်ထုတ်ချေမှုန်မည်ဟု ဗိုလ်ချုပ်နယ်ဒါးမြပြောကြား

    RNA_ဇူလိုင်၂၁၊၂၀၂၂ခုနှစ်။

    ကော်သူးလေတပ်မတော် (ကီဂ်သူလူၤသုးမုဒိဉ်(KAW THOO LEI ARMY)သည် NCA စာချုပ်လွှမ်းမိုးမှုမရှိသော  တော်လှန်ရေးတပ်ဖွဲ့ဖြစ်ပြီး စစ်ကောင်စီအား အမြန်ဆုံးတိုက်ထုတ်ချေမှုန်မည်ဟု ယနေ့ ဗိုလ်ချုပ်နယ်ဒါးမြက ထုတ်ပြန်ထားသည်။

    KNLA သည် KNU အဖွဲ့အစည်း၏ နိုင်ငံရေးဦးဆောင်မှုအပေါ်  NCA စာချုပ်ဖြင့် စစ်ရေးအရချုပ်နှောင်ခံထားရသဖြင့် စစ်ကောင်စီတပ်ကို ပြတ်ပြတ်သားသားတုန့်ပြန်ရန် အကျပ်အတည်းဖြစ်နေသည်ဟု ရှုမြင်ကြောင်း၊ လက်ရှိအချိန်တွင် စစ်အာဏာရှင်စနစ်ကျဆုံးရေးနှင့် အကြမ်းဖက်စစ်ကောင်စီအား အမြစ်ပြတ်တိုက်ထုတ်ရန် အချိန်ကောင်းဖြစ်သည်ဟု ထုတ်ပြန်ချက်မှာ ဖော်ပြထားသည်။

    ကော်သူးလေတပ်မတော် (KAW THOO LEI ARMY)သည် စစ်ကောင်စီတပ်ကို လက်နက်ကိုင် တိုက်ခိုက်နေသည့် ကရင့်လက်နက်ကိုင်အဖွဲ့များသာမက နယ်မြေဒေသအသီးသီးရှိ ပြည်သူ့ကာကွယ်ရေးတပ်ဖွဲ့ (PDF) များနှင့် အခြားတိုင်းရင်းသားလက်နက်ကိုင်တော်လှန်ရေးအဖွဲ့အစည်းများနှင့်လည်း ပူးပေါင်းသွားမည်ဟု သိရသည်။

    ကော်သူးလေတပ်မတော် (KAW THOO LEI ARMY) ၂ဝ၂၂ ခုနှစ် ဇူလိုင်လ (၁၉) ရက်နေ့က ဗိုလ်ချုပ် စောနယ်ဒါးမှ စစ်ဦးစီးချုပ်အဖြစ် လက်မှတ်ရေးထိုးပြီးဖွဲ့စည်းလိုက်သည့်အပေါ်  ဇူလိုင်လ ၂၀ ရက်နေ့က KNU မှ စောနယ်ဒါးမြကိုထုတ်ပယ်ကြောင်း ကြေညာခဲ့ပြီး၊ KNLAနှင့် KNDO တို့ကလည်း KAW THOO LEI ARMY ကို အသိအမှတ်မပြု လက်မခံကြောင်း ထုတ်ပြန်ခဲ့ကြသည်။

    Red News Agency

  • ကော်သူးလေတပ်မတော် ထပ်မံပေါ်‌ပေါက်လာသည်ကို KNLAနှင့် KNDO တို့က လက်မခံ

    ကော်သူးလေတပ်မတော် ထပ်မံပေါ်‌ပေါက်လာသည်ကို KNLAနှင့် KNDO တို့က လက်မခံ

    RNA_ဇူလိုင်၂၀၊၂၀၂၂ခုနှစ်။

    ၂ဝ၂၂ ခုနှစ် ဇူလိုင်လ (၁၉) ရက်နေ့ စောနယ်ဒါးမှ စစ်ဦးစီးချုပ်အဖြစ် လက်မှတ်ရေးထိုးပြီးဖွဲ့စည်းလိုက်သည့် ကော်သူးလေတပ်မတော်ကို ကရင့်အမျိုးသားလွတ်မြောက်ရေးတပ်မတော်(KNLA)နှင့် ကရင့်အမျိုးသားကာကွယ်ရေးအဖွဲ့အစည်း(KNDO) အနေ ဖြင့် လုံးဝယုံကြည် လက်ခံမှုမပြုနိုင်ကြောင်း ယနေ့ထုတ်ပြန်ထားသည်။

    ကော်သူးလေတပ်မတော်(Kawthoolei Armed Forces) သည် ၁၉၄၉ခုနှစ်၊ဇန်နဝါရီလ(၃၁)ရက်နေ့တွင် စတင်ခဲ့သည့် ကရင့်တော်လှန်ရေး၏ နိုင်ငံရေး၊ စစ်ရေးလိုအပ် ချက်အရ ကရင့်လက်နက်ကိုင်အဖွဲ့များအားလုံးကိုပေါင်းစည်းပြီး ၁၉၅၆ခုနှစ်တွင် ဖွဲ့စည်းခဲ့ကြောင်း၊ နှစ်စဉ် ဇူလိုင်လ (၅) ရက်နေ့ရောက်တိုင်း ကရင်တော်လှန် ရေးအဖွဲ့များနှင့် ပြည်သူများက ကော်သူးလေတပ်မတော်နေ့ကို တရားဝင်နေ့ကြီးရက်မြတ်အဖြစ် ဂုဏ်ပြုကျင်းပကြမြဲဖြစ်ကြောင်း သိရသည်။ (more…)