Category: ရွေးကောက်ပွဲဆိုင်ရာ

ဇင်လင်းနိုင်
ရန်ကုန် ၊ နိုဝင်ဘာ ၁၀ ရက်။

အောင်ပွဲခံမှုများကို ယခုအချိန်တွင် ထိန်းသိမ်းကြရပါမည်ဖြစ်၍ ပြဿနာများရှောင်ရှားနိုင်ရေး တည်တည်ငြိမ်ငြိမ်ဖြင့် နေထိုင်ကြရန် မျိုး သား ဒီ မို က ရေ စီ အ ဖွဲ့ ချုပ်၊ ဗဟိုအလုပ်အမှုဆောင်အဖွဲ့က ယနေ့ ပန်ကြားချက် ထုတ်ပြန်လိုက်သည်။

၂၀၂၀ခုနှစ်၊ နိုဝင်ဘာလ (၈)ရက်နေ့၌ ကျင်းပပြုလုပ်ခဲ့သော အထွေထွေရွေးကောက်ပွဲကြီးသည် နိုင်ငံတစ်ဝှမ်းလုံးတွင် ရွေးကောက်ပွဲမကျင်းပနိုင်သည့်နေရာမှလွဲ၍ အောင်အောင်မြင်မြင် ကျင်းပပြီးစီးခဲ့ပြီ ဖြစ်ကြောင်း ၊ ဆန္ဒမဲလာပေးခဲ့ကြသော မဲဆန္ဒရှင် ပြည်သူများအားလုံးကို COVID-19 ကာကွယ်ရေးပစ္စည်းများ ဝတ်ဆင်စေပြီးမှ ဆန္ဒမဲပေးခြင်း၊ဆန္ဒမဲပေးပြီးသောအခါလည်း လက်သန့်ဆေးရည်ဖြင့် ဆေးကြောခိုင်းပြီးမှ လက်သန်းကို မှင်တို့စေခြင်း လုပ်ငန်းစဉ်များအရ ပြည်သူများကလည်း စနစ်တ ကျ စည်းကမ်းနှင့်အညီ ဆောင်ရွက်ခဲ့ ခြင်းကြောင့် အောင် မြင်စွာကျင်းပနိုင်ခဲ့ခြင်းဖြစ်ခဲ့သဖြင့် မဲဆန္ဒရှင် ပြည်သူအားလုံးကို အထူးတလည် လှိုက်လှိုက်လှဲလှဲ ကျေးဇူးတင်ရှိကြောင်း ပန်ကြားချက် တွင် ဖော်ပြထားသည်။

ပြည်သူသာလျှင် အဓိက ဆိုသည့်အတိုင်း ပြည်သူတို့၏ ကြိုးပမ်းဆောင်ရွက်ချက်ကြောင့် အောင်အောင်မြင်မြင် ပြီးစီးသွားခဲ့ခြင်းဖြစ်ကြောင်း၊ ပြည်သူတို့၏ ဝီရိယရှိရှိ စည်းကမ်းရှိရှိ ဇွဲရှိရှိဖြင့် နိုဝင်ဘာလ (၈)ရက်နေ့ မဲရုံမဖွင့်မီကပင် တန်းစီ၍ ဆန္ဒမဲပေးရန် စောင့်နေခြင်း၊ ညနေ (၄) နာရီထိုးပြီး မဲမပေးရသေးသူများက တန်းစီစောင့်နေခြင်းတို့ကို မြင်တွေ့ ကြားသိခဲ့ရသဖြင့် ယခု ၂၀၂၀ အထွေ ထွေရွေးကောက်ပွဲကြီးသည် တန်ဖိုးရှိသော ဂုဏ်သိက္ခာရှိသော ရွေးကောက်ပွဲအဖြစ် ကမ္ဗည်းမှတ်တမ်းတင်ကျန် ရစ်ခဲ့မည်ဖြစ်ကြောင်း ဖော်ပြထားသည်။

ထိုတန်ဖိုးရှိသော သိက္ခာရှိသော ရွေးကောက်ပွဲကို ရွေး ကောက်ပွဲအလွန် ရောဂါကူးစက်မှု တိုးတက် လာခြင်း အပါအဝင် ပြဿနာများ မဖြစ်ပွားစေရန် ထိန်းသိမ်းရန် လိုအပ်မည်ဖြစ်ပါသဖြင့် လူစုလူဝေးဖြင့်အောင်ပွဲခံမှုများကို ယခုအချိန်တွင် ထိန်းသိမ်းကြရပါမည်ဖြစ်ပြီး ပြဿ နာများရှောင်ရှားနိုင်ရန် တည်တည်ငြိမ်ငြိမ်ဖြင့် နေထိုင်ကြရန် ပန်ကြားထားသည်။

ထို့အပြင် ပြည်သူများနှင့်အတူ ရွေးကောက်ပွဲကို အောင် မြင်စွာ ကျင်းပ နိုင်အောင် ဆောင်ရွက်ပေးကြသော အ ထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မဲရုံတာဝန် ထမ်းဆောင်သော ပညာရေးဌာနမှ ဆရာ၊ ဆရာမများ၊ COVIE – 19 ရောဂါအတွက် ကျန်းမာရေးစောင့်ရှောက်ပေးခဲ့သော ကျန်းမာရေးဝန်ထမ်းများ၊ လုံခြုံရေးကို စောင့် ရှောက်ပေးခဲ့ကြသော မြန်မာနိုင်ငံ ရဲတပ်ဖွဲ့ဝင်များ၊ အထူးရဲများနှင့် ရွေးကောက်ပွဲကော်မရှင်အဖွဲ့ခွဲများအားလုံးကို အမျိုးသားဒီမိုကရေစီ အဖွဲ့ချုပ်မှ လှိုက်လှဲစွာ ကျေးဇူးတင်ရှိပါကြောင်း NLDက မှတ်တမ်းတင်ကြောင်း ထုတ်ပြန်ထားသည်။

Red News Agency

ဇင်လင်းနိုင်။ ရန်ကုန် ၊ နိုဝင်ဘာ ၉ ရက်။

အသစ်ပေါ်လာမည့် အစိုးရ/လွှတ်တော်တို့နှင့် နိုင်ငံတော်အတွက် အကျိုးဖြစ်ထွန်းစေမည့်ကိစ္စများတွင် ပူးပေါင်းဆောင်ရွက် သွားမည် ဖြစ်ကြောင်း ပြည်သူ့ပါတီက ယနေ့ ထုတ်ပြန်ကြေညာခဲ့သည်။

ပါတီစုံ ဒီမိုကရေစီစနစ်တွင် ရွေးကောက်ပွဲများ ပုံမှန်ကျင်းပနိုင်ရေး၊ လွတ်လပ် သန့်ရှင်း မျှတသည့် ရွေး ကောက်ပွဲများ ဖြစ်ပေါ်ရေး၊ ရွေးကောက်ပွဲရလာဒ်ကို လေးစားအကောင်အထည်ဖေါ်ရေးတို့သည် အလွန်အရေးကြီးသော အခြေခံများပင်ဖြစ်ကြောင်း ထုတ်ပြန်ထားသည်။

ကိုဗစ်-၁၉ ကပ်ရောဂါ အခြေအနေအောက်တွင် တက်ကြွစွာ မဲပေးဆန္ဒပြုခဲ့ကြသော မဲဆန္ဒရှင် ပြည်သူ အားလုံးကို လှိုက်လှဲစွာ ကျေးဇူးတင် ဂုဏ်ပြုအပ်ပါကြောင်းနှင့် ပြည်သူ့ပါတီအနေဖြင့် ရွေးကောက်ပွဲ အနိုင်ရရှိသော ကိုယ် စားလှယ်များ၊ နိုင်ငံရေးပါတီများအားလုံးကို ဝမ်းမြောက်ဂုဏ်ယူပါကြောင်းမှတ်တမ်း တင်ကြောင်း ပြည်သူ့ ပါတီက ထုတ်ပြန်ထားသည်။

ရွေးကောက်ပွဲကာလ ယှဉ်ပြိုင်မှုများရှိခဲ့ကြသော်လည်း ရွေးကောက်ပွဲအလွန် နိုင်ငံတော် ပြန်လည် စုစည်းနိုင်ရေးအတွက် ဦးစားပေး ဆောင်ရွက်ကြရမည်ဖြစ်ပြီး ပြည်သူ့ပါတီအနေဖြင့် အသစ်ဖြစ်ပေါ် လာမည့် အစိုးရနှင့် လွှတ် တော်အတွက် လိုအပ်သည့် လေ့လာသုံးသပ်မှုများ၊ အ ကြံပြုမှုများ၊ ဆက်လက် ဆောင်ရွက်သွားမည်ဖြစ်ကာ နိုင်ငံ တော်အတွက် အကျိုးဖြစ်ထွန်းစေမည့်ကိစ္စများတွင် ပူး ပေါင်းဆောင်ရွက်သွားမည်ဖြစ်ကြောင်း ထုတ်ပြန် ကြေ ညာခဲ့သည်။

Red News Agency

ဒီလှိုင်း
မကွေး၊ နိုဝင်ဘာ ၉ ရက်။

နိုဝင်ဘာလ ၈ ရက်နေ့က ကျင်းပခဲ့သည့် ၂၀၂၀ ပါတီစုံ အထွေထွေ ဒီမိုကရေစီ ရွေးကောက်ပွဲတွင် မကွေးတိုင်းဒေသကြီးအတွင်း ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးလွှတ်တော် အားလုံးကို အမျိုးသားဒီမိုကရေစီအဖွဲ့ချုပ် (NLD) မှ ဝင်ရောက်ယှဉ်ပြိုင်သည့် ကိုယ်စားလှယ်အားလုံး အနိုင်ရရှိခဲ့ကြောင်း သိရသည်။

” မကွေးတိုင်းတစ်တိုင်းလုံးNLDကနိုင်ပါတယ်၊ချင်းတိုင်းရင်းသားကတော့ အဖြေမထွက်သေးပါဘူး၊ချင်းတိုင်းရင်းသားကိုပြည်သူ‌ တွေပေးတဲ့ မဲတွေပေါင်းပြီး တိုင်းကော်မရှင်ကဆုံးဖြတ်မှာပါ၊မြို့နယ်ကော်မရှင်ကဆုံးဖြတ်တာကတော့၈၇ဦးရှိပါတယ်၊ တိုင်းဒေသကြီးကိုယ်စားလှယ်‌နေရာက ၅၀ဦးရှိတယ်၊ပြည်သူ့လွှတ်နေရာက၂၅ရှိတယ်၊အမျိုးသားလွှတ်တော်နေရာက၁၂ဦးရှိတယ်၊အားလုံး၈၇ဦးရှိတာပေါ့။ ၈၇ဦးကတော့ အဖြေထွက်သွားပါပြီ၊၂၅မြို့နယ်လုံးကတော့NLDကနိုင်ပါတယ်” ဟု မကွေးတိုင်းလွှတ်တော်ဥက္ကဌဦးတာကပြောသည်။

၂၀၂၀ပြည့်နှစ်နိုဝင်ဘာလ၈ ရက်နေ့ အထွေထွေရွေးကောက်ပွဲတွင် မကွေးတိုင်းဒေသကြီးမြို့နယ် ၂၅ မြို့နယ်မှ အသက်၁၈နှစ်ပြည့်ပြီး၍မဲပေးပိုင်ခွင့်ရှိသူ မဲဆန္ဒရှင်ပေါင်း၃၃သိန်းကျော်ရှိကြောင်း၊ တိုင်းရင်းသားမဲဆန္ဒရှင်ပေါင်း၈၇၀၀၀ကျော်ရှိကြောင်းတိုင်းဒေသကြီးရွေးကောက်ပွဲကော်မရှင်အဖွဲ့ထံမှ သိရသည်။

မကွေးတိုင်းဒေသကြီး၌ ၂၀၂၀ ပြည့်နှစ်၊နိုဝင်ဘာလ ၈ရက်နေ့ အထွေထွေရွေးကောက်ပွဲအတွက် အသက်၁၈ပြည့်ပြီး မဲပေးနိုင်မည့် မဲဆန္ဒရှင် (၃၃၀၆၅၄၄) ဦး၊ တိုင်းရင်းသားမဲဆန္ဒရှင် (၈၇၆၄၁)ဦး၊ စုစုပေါင်းမဲရုံ(၄၅၄၈)ရုံ၊တိုင်းရင်းသားမဲရုံ(၇၄၅)ရုံ နှင့် အသက်(၆၀)နှစ်နှင့်အထက် မဲဆန္ဒရှင်(၅၂၅၉၉၇)ဥဦးရှိကြောင်းမကွေးတိုင်းဒေသကြီးရွေးကောက်ပွဲကော်မရှင်အဖွဲ့ထံမှ သိရသည်။

Red News Agency

ဇင်လင်းနိုင်
ရန်ကုန် ၊ နိုဝင်ဘာ ၉ရက်။

အမျိုးသားဒီမိုကရေစီအဖွဲ့ချုပ်၏ ဒေါက်ဖိနပ်လျှောက်သံ သီချင်းများအပါအဝင် NLD ၏ ရွေးကောက်ပွဲ အောင်နိုင်ရေး သီချင်းများဖြင်​့ ထောင်ချီ အင်အားရှိသော ဝန်းရံထောက်ခံပြည်သူများက ယနေ့ ညပိုင်းတွင် ရန်ကုန်မြို့ ရွှေဂုံတိုင်ရှိ အဖွဲ့ချုပ်ရုံးရှေ့တွင် အောင်ပွဲခံလျက်ရှိနေကြောင်း သိရသည် ။

Red News Agency