RNA_ဖားကန့်၊ ဇူလိုင်လ ၂၈ ရက်၊၂၀၂၃ ခုနှစ်။
ဖားကန့်မြို့နယ်၊ ဆိပ်မူကျေးရွာအုပ်စု၊ မမုံကျေးရွာနှင့်ဆွတ်အောင်ကျေးရွာကြား မြန်မာစည်သူ ကုမ္ပဏီဝန်းဟောင်းနေရာ၌ အသက် (၂၀) ဝန်းကျင်အရွယ် လူငယ် ခြောက်ဦးက သေနတ်အတိုနှစ်လက်ဖြင့် လမ်းသွားလမ်းလာများအား မြေပြင်တွင်ဝပ်ခိုင်းကာ ပစ္စည်းလုယူ ဓါးပြတိုက်မှု ယမန်နေ့ မနက် (၉)နာရီက ဖြစ်ပွားခဲ့သည်။
ကနဦးတွင် လူငယ် (၆) ဦးက အဆိုပါနေရာအနီးရှိ မူးယစ်ဆေးဝါးသုံးစွဲကြရာတဲများကို ဝင်ရောက်စီးနင်းခဲ့ကြောင်း၊ မူးယစ်ဆေးသမားများကို ရိုက်နှက်ပြီးမှ လမ်းသွားလမ်းလာများကို ဓါးပြတိုက်ခြင်းဖြစ်ကြောင်း အခြေအနေအသေးစိတ်ကို သွားရောက်စစ်ဆေးခဲ့သည့် မမုံကျေးရွာမှ ရပ်မိ/ရပ်ဖ တစ်ဦးက ပြောသည်။
ဖြစ်စဉ်အနီးနားရှိ အိမ်ပေါ်မှ ဒေါ်ကုလားမအား လမ်းပေါ်ဆွဲချကာ နားကပ်၊ ဖုန်းနှင့် ပိုက်ဆံအိတ်နှင့် ဖြတ်သွားဖြတ်လာ ရေမဆေးသမား တစ်ဦး၏ Canda အမျိုးအစား ဆိုင်ကယ်အသစ်တစ်စီးတို့ကို လုယူခဲ့ကြောင်း၊ စုစုပေါင်း လမ်းသွားလမ်းလာ ငါးဦးတို့အား မြေပြင်တွင် ဝမ်းလျားမှောက်ခိုင်းထားပြီး သေနတ်နှစ်ချက်မိုးပေါ်ထောင်ဖောက်ကာ ထွက်ခွာသွားကြောင်း သိရသည်။
ဖြစ်စဉ်ဖြစ်ပွားခဲ့သည့် ကုမ္ပဏီဝန်းဟောင်းနေရာအနီး နေသည့် အိမ်ခြေ (၂၀)ခန့် ရှိကြောင်း၊။ဖားကန့်၌ စစ်ကောင်စီက အာဏာသိမ်းပြီးနောက် လက်နက်ကိုင် ဓါးပြတိုက်မှုများ ဆက်တိုက်ဖြစ်လာနေပြီး ဆိပ်မူနှီးဘုရားကုန်း ဓါပြတိုက်မှုနှင့် လုံးခင်းကျေးရွာမှ ဖုန်းဆိုင်ဓါးပြမှုတို့ကို KIA/PDF မှ ဖော်ထုတ်ဖမ်းဆီးနိုင်ခဲ့ပြီး မေလက တရုတ်သူဌေးအိမ် ဓါးပြတိုက်မှုနှင့် လမ်းပေါ်ခိုးဆိုးလုယက်မှုများ၊ အွန်လိုင်းပေါ်မှခြိမ်းခြောက်ငွေညစ်နေသည့် အဖွဲ့များအား ဖော်ထုတ်ဖမ်းဆီးနိုင်ရေး KPDF မှ ဆောင်ရွက်နေကြောင်း သိရသည်။
#RedNewsAgency