RNA_ဇွန်(၂၀)၊၂၀၂၄ ခုနှစ်။
ပဲခူးမြို့၊ ဝင်းနိမ္မိတာရုံ စာသင်တိုက် ဆရာတော် ဘဒ္ဒန္တ မုနိန္ဒာဘိဝံသကို စစ်ကောင်စီတပ်သားများ ပစ်သတ်ဟု ခရီးထွက်ရာတွင် ကားပေါ်ပါပြီး ဒဏ်ရာရရှိခဲ့သည့် ရန်ကုန်တိုင်း၊ မင်္ဂလာဒုံမြို့နယ်၊ ကန်သုံးဆင့်ပရိယတ္တိစာသင်တိုက် ဆရာတော် ဘဒ္ဒန္တ ဂုဏိကာဘိဝံသမှ ဖြစ်စဉ်များကို လျှောက်ထားရာတွင် ထည့်သွင်းမိန့်ကြားထားသည်။
“ဝိုင်းပြီးတော့ ဖောကားပေါ်ကနေ ပစ်လိုက်တာ ခုနှစ်ချက် ရှစ်ချက်လောက်ရှိပါတယ်။ ဝင်းနိမ္မိတာရုံ ဆရာတော်ကတော့ တစ်ဘဝတစ်ခန္ဓာ ရုတ်သိမ်းသွားပါတယ်ဘုရား။ ဘုရားတပည့်တော်ကတော့ ခေါင်းကို ကားရဲ့မှန်စထိပါတယ်ဘုရား။ ဘုရားတပည့်တော် ပြင်ဘတ်ရောက်တဲ့အခါ ခင်ဗျားတို့ ရက်စက်လှကြီလားဗျာ ဘုန်ကြီးတွေကို ဒီလောက်ရက်စက်ရသလားလို့ ဖောကားပေါ်မှာပါတဲ့ ရှင်းရှင်းပြောရင် စစ်ဗိုလ်စစ်သားတွေ ရက်စက်လှပြီလားလို့။ အရှင်ဘုရားတို့က ဘုရားတဲ့ ဘုန်းကြီးမှန်းမသိလို့ပါတဲ့ ကားတံခါးလည်းပိတ်ထားတော့ ရန်သူကားဖြစ်မယ်ထင်လို့ ပစ်ပါတယ်ဘုရားတဲ့၊ သူတို့ကိုယ်တိုင် ဝန်ခံပါတယ်” ဟု ဆရာတော်က ဝင်းနိမ္မိတာရုံဆရာတော် ဘဒ္ဒန္တ မုနိန္ဒာဘိဝံသ၏ ဥတုဇရုပ်ကလာပ် ဈာပနအခမ်းအနားပွဲမှာ မိန့်ကြားထားသည်။
[embedyt] https://www.youtube.com/watch?v=0OcGVnYlOt8[/embedyt]
မန္တလေးမြို့၊ မဟာဝိသုဒ္ဓါရုံတိုက်သစ် (ရွှေကျင်နိကာယဗဟိုဌာန)၌ ယနေ့ (ဇွန်လ ၂၀ ရက်) တွင် ကျင်းပမည့် ရွှေကျင်နိကာယဗဟိုဌာန၏ အစည်းအဝေးသွားတက်သည့် ခရီးစဉ်အတွင်း စစ်ကောင်စီတပ်သားများ၏ ပစ်ခတ်မှုကြောင့် ဆရာတော်ကြီး ဘဒ္ဒန္တ မုနိန္ဒာဘိဝံသ ဇွန်လ ၁၉ ရက်နေ့ နံနက်ပိုင်းတွင် ပျံလွန်တော်မူခဲ့ရခြင်း ဖြစ်သည်။
#RedNewsAgency
