RNA_ဇွန် ၂၆၊၂၀၂၂ခုနှစ်။
ကရင်ပြည်နယ်၊ ဝေါလေဒေသရှိ စစ်ကောင်စီစစ်ဆင်ရေးခြေကုတ်စခန်းတစ်ခုဖြစ်သည့် ဥကရစ်ထစခန်းအနီးတွင် ယနေ့ ညနေ(၅)နာရီအထိ တိုက်ပွဲပြင်းထန်နေပြီး တိုက်ပွဲအတွင်းမှာ BGFမှ CDM ပြုလုပ်လာပြီး မဟာမိတ်တပ်ဖွဲ့များနှင့်အတူ တိုက်ပွဲဝင်နေသည့် တပ်ကြပ် ဝေလင်းအောင် ကျဆုံးသွားကြောင်း သိရသည်။
“CDM စစ်သားဖြစ်သူ တပ်ကြပ် ဝေလင်းအောင်ဥကရစ်ထမှာ ကျဆုံး အလေးပြုပါတယ်။ ပေးဆပ်မှုက CDM ဝင်တဲ့အချိန်မှာတောင် တာဝန်ကျေနေပြီမို့ တိုင်းပြည်အတွက်ပါ အသက်ပေးသွားတဲ့အတွက်ပြောစရာ စကားတောင်မရှိပါဘူး ” ဟု စသည်ဖြင့် CDM ရေတပ်သားတဦးက လူမှုကွန်ယက်တွင် ရေးသားထားသည်။
ယနေ့ နှင့် ပြီးခဲ့သည့် ညပိုင်းကတည်းက KNLA ၊ KNDO စသည့် ပူးပေါင်းတပ်များက ဥကရစ်ထစခန်းအနီးတွင် စစ်ကောင်စီတပ်ကို ပြင်းပြင်းထန်ထန် တိုက်ခိုပ်နေကြောင်း၊ ယနေ့ တိုက်ပွဲပြင်းထန်နေချိန် စစ်ကောင်စီတပ်က လေယာဉ် အသုံးပြု ပစ်ခတ်နေကြောင်း သိရသည်။
RedNewsAgency