RNA_ဇူလိုင်(၂၉)၊၂၀၂၄ ခုနှစ်။
မကွေးတိုင်း၊ စလင်းမြို့နယ်အတွင်း တော်လှန်ရေးအင်အားစုများကို စစ်ကောင်စီလက်အောက်ခံများကို တိုက်ထုတ်ပြီး ရေနံထွက်ဒေသတချို့နှင့် ဆည်တချို့ကို ထိမ်းချုပ်ထားပြီးနောက် စစ်ကောင်စီတပ်သည် ယခုရက်ပိုင်း လေကြောင်းဗုံးကြဲတိုက်ခိုက်မှုများ ဆက်တိုက်လုပ်ဆောင်နေကြောင်း သိရသည်။
ဒေသတွင်းတော်လှန်ရေးအင်အားစုများက ၂၀၂၄ ခုနှစ်မေလ အတွင်းကတည်းက စလင်းမြို့နယ်၊ ငလှိုင်တွင်း ကျေးရွာအနီးရှိ ( ရေနံစိမ်းထွက်ရှိသည့်ဒေသ) စစ်ကောင်စီတပ်စခန်းကို မောင်းထုတ်နိုင်ခဲ့ပြီး ဒေသတွင်းစိုးမိုးမှုများလုပ်ဆောင်ခဲ့ကြောင်း၊ ပွင့်ဖြူမြို့နယ်နှင့် စလင်းနယ်အတွင်းရှိ ဆည်တချို့မှ စစ်ကောင်လက်အောက်ခံများကိုလည်း မောင်းထုတ်ထားပြီး နယ်မြေစိုးမိုးမှုများရရှိထားကြောင်း ဒေသတွင်း စစ်ရေးသတင်းရစ်မြစ်က ပြောကြားထားသည်။
စစ်ကောင်စီမှ ဇူလိုင် ၂၃ ရက်နေ့က စလင်းမြို့နယ်၊ ငလိုင်တွင်းရွာ တူရွင်းချောက်ရွာ ဘက်ကို လေကြောင်းတိုက်ခိုက်မှုပြုလုပ်ခဲ့သည့်အတွက် ပြည်သူ ၁၂ ဦးထိခိုက်ကာ ကိုရင်ကြီး ၁ ပါး၊ ပြည်သူ (၂) ဦးနှင့် PDF ရဲဘော်တဦးကျဆုံးခဲ့ရကြောင်း၊ ဇူလိုင် ၂၄ ရက်နှင့် ဇူလိုင် ၂၅ ရက်နေ့တွင်လည်း လေကြောင်းဗုံးကြဲမှုများ ထပ်မံပြုလုပ်ခဲ့သည့်အတွက် ဒေသခံပြည်သူများထိခိုက်သေဆုံးမှုများ ရှိခဲ့ကြောင်း သိရသည်။
မကွေးတိုင်း၊ စလင်းမြို့နယ်၊ ဆင်ဖြူကျွန်းမြို့၊ ဆိပ်ဖြူမြို့နယ်၊ ပွင့်ဖြူမြို့နယ်၊ ငဖဲမြို့နယ် စသည့် မကွေးတိုင်း မြစ်အနောက်ဘက်ခြမ်း မြို့နယ်များအတွင်း တော်လှန်ရေးအင်အားစုများ အားကောင်းနေပြီး စစ်ကောင်စီစိုးမိုးနယ်မြေများ ဆုံးရှုံးမှုများရှိပြီး တော်လှန်ရေးအင်အားစုများက နယ်မြေစိုးမိုးမှုနှင့် နယ်မြေရှင်းလင်းရေးများပါ လုပ်ဆောင်မှုများရှိနေပြီဖြစ်ကြောင်း သိရသည်။
#RedNewsAgency