ကျောက်ရစ်ရဲစခန်းသွားသော စစ်ကောင်စီတပ်စစ်ကြောင်း ၁ နာရီကြာ ကြားဖြတ်ပစ်ခတ်ခံရ
RNA_မေ(၇)၊၂၀၂၃ ခုနှစ်။
စစ်ကိုင်းတိုင်း၊ မြောင်မြို့နယ် ရွှေတစ်ချောင်းရွာမှ ကျောက်ရစ်ရဲစခန်းသို့ တက်သွားသော စစ်ကောင်စီတပ်စစ်ကြောင်းကို မေလ (၆) ရက်နေ့ ညနေ (၄) ရီဝန်းကျင်က Myingyan Black Tiger(MBT) နှင့် ပူးပေါင်းတပ်ဖွဲ့များက ကြားဖြတ် အနီးကပ် ပစ်ခတ်တိုက်ခိုက်မှု (၁) နာရီဝန်းကျင် ဖြစ်ပွားခဲ့ကြောင်း သိရသည်။
“မိမိတို့ MBT အဖွဲ့က ခွေးစစ်ကြောင်း ချီလာရာ အနီးဆုံး သနပ်ကုန်းတံတားဆီအထိ ကပ်ပြီး အနီးကပ် စပစ်ခဲ့ရာ မဟာမိတ်အဖွဲ့များမှ 60mm များ လက်နက်ငယ်များဖြင့် ကာပစ်ပစ်ပေးခဲ့သဖြင့် ခွေးစစ်ကြောင်းအထိနာသွားသည်” ဟု Myingyan Black Tiger(MBT) က ထုတ်ပြန်ထားသည်။
သနပ်ကုန်းတံတားပေါ်အထိ အနီးကပ်ပစ်ခတ်ခဲ့သည့်အတွက် စစ်ကောင်စီတပ် အထိနာပြီး ဒဏ်ရာရနှင့်သေဆုံးသူများကို စက်လှေသုံးစီးဖြင့် ချင်တွင်းမြစ် အနောက်ဖက်ကမ်းသို့ သယ်ယူနေကြောင်း၊ တိုက်ပွဲအတွင်း People Spirit Force (PSF)၊ MGN 9 Stars၊ Royal Brother Defence Force နှင့် မဟာမိတ် တပ်ရင်းတပ်ဖွဲ့များ ပူးပေါင်းခဲ့သည့်အတွက် ကျေးဇူးတင်သည်ဟု MBT က ပြောကြားထားသည်။
#RedNewsAgency