RNA_မေ(၆)၊၂၀၂၃ ခုနှစ်။
ချင်းပြည်နယ်၊ မတူပီ-ဟားခါးလမ်းမပေါ်တွင် အခြေစိုက်သည့် စစ်ကောင်စီတပ် စစ်ဗျူဟာ ဌာနချုပ်စခန်းကို CDF မတူပီရဲဘော်များ မေလ (၅) ရက်နေ့ ညနေ (၄) နာရီ ဝန်းကျင်က ဝင်ရောက်တိုက်ခိုက်ရာ စစ်ကောင်စီတပ်မှ ဗျူဟာမှူး ဗိုလ်မှူးကြီး စိုးမင်းလတ်အပါအဝင် (၃) ဦးသေဆုံးသွားကြောင်း မတူပီ CDF (Chinland Defense Force- Matupi) က ထုတ်ပြန်ထားသည်။
အထူးစစ်ဆင်ရေးအဖြစ် မတူပီ-ဟားခါးလမ်းမပေါ်တွင် အခြေစိုက်သည့် စစ်ကောင်စီ စစ်ဗျူဟာ ဌာနချုပ်စခန်းကို ဝင်ရောက်စီးနင်းတိုက်ခိုက်ခဲ့ကြောင်း၊ စစ်ဗျူဟာမှူး ဗိုလ်မှူးကြီးစိုးမင်းလတ်နှင့် ဗိုလ်မှူးတဦး၊ ဗျူဟာမှူးယာဉ်မောင်း တပ်သားတဦး တို့သေဆုံးခဲ့ပြီး MA 3 တစ်လက် သိမ်းဆည်းရမိကြောင်း သိရသည်။
မတူပီမြို့နယ်အတွင်း စစ်ကောင်စီ၏ စစ်ယန္တရားများ လည်ပတ်နိုင်ရန် အထောက်အကူဖြစ်စေသော စစ်ကောင်စီမှ ခန့်အပ်ထားသော ရွေးကောက်ပွဲကော်မရှင်များ၊ ရုံးဝန်ထမ်းများ နှင့် အခြားစစ်ကောင်စီ လက်ပါးစေများကို ပြင်းပြင်းထန်ထန် အရေးယူသွားမည်ဖြစ်ကြောင်း ချင်းလဲန် ကာကွယ်ရေးတပ်ဖွဲ့-မတူပီက ထုတ်ပြန်ထားသည်။
#RedNewsAgency