RNA_ဧပြီ(၂၃)၊၂၀၂၃ ခုနှစ်။
ရန်ကုန်တိုင်း၊ ခရမ်းမြို့နယ် ပြည်သူ့ကာကွယ်ရေးတပ်ဖွဲ့ (PDF – Khayan) ရဲဘော် (၆) ဦး ဧပြီလ (၂၂) ရက်နေ့က စစ်ကောင်စီတပ်၏ ဖမ်းဆီးခြင်းခံရပြီးနောက် ကွင်းဆက်များလိုက်ကာ ဖမ်းဆီးရန် လုပ်ဆောင်နေကြောင်း သိရသည်။
“ရဲဘော်ခြောက်ဦးသည် (၂၂.၄.၂၀၂၃) ရက်နေ့တွင် မတော်တဆ အကြမ်းဖက်စစ်ကောင်စီလက်သို့ ဖမ်းဆီးခံခဲ့ရပါသည်။ စစ်ကောင်စီသည် ၎င်းတို့ကို ဖမ်းဆီးနှိပ်စက်၍ ကွင်းဆက်များကိုလိုက်ဖမ်းဆီးမှုများ၊ မြို့နေပြည်သူများကို ဖမ်းဆီးခြင်းများ ဆက်တိုက်ပြုလုပ်လျက်ရှိပါသည်။ ရဲဘော်များ၏ဖုန်းများဖြင့် ဆက်သွယ်ခြင်းများကိုလည်း ပြုလုပ်လျက်ရှိပါသည်” ဟု PDF – Khayan မှ ယနေ့ အရေးပေါ် ထုတ်ပြန်ကြေညာထားသည်။