Author: RNA Editor

RNA- နိုဝင်ဘာ ၅ ရက်၊ ၂၀၂၁ ခုနှစ်။

NCA လက်မှတ်ထိုးထားသည့် တိုင်းရင်းသား လက်နက် ကိုင်များနှင့် ဖွဲ့စည်းထားသည့် ငြိမ်းချမ်းရေး လုပ်ငန်းစဉ် ဦးဆောင်အဖွဲ့ PPST က ချင်းပြည်နယ်ထန်တလန်မြို့ မီးရှို့သူများကို ကန့်ကွတ်ရှုတ်ချပြီး ကျူးလွန်သူများကို ပြင်းထန်စွာ အရေးယူပေးရန် ယနေ့ တောင်းဆိုကြောင်း ကြေညာထားသည်။

ပြည်တွင်း ပြည်ပ Stakeholders များနှင့် တွေ့ဆုံ၍ လက်ရှိနိုင်ငံရေးအကျပ်အတည်း ဖြေရှင်းရေးနှင့် ဖက်ဒရယ် ပြည် ထောင်စုတည်ဆောက်ရေးဆိုင်ရာသဘော ထားများ စုစည်းနိုင်ရန် ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (PPST) ၏ ဆွေးနွေးညှိနှိုင်းရေးကော်မတီဖွဲ့စည်းလိုက်ကြောင်း၊ အောက်တိုဘာ ၂၉ ရက်နေ့တွင် ဖြစ်ပွားသော ချင်းပြည်နယ် ထန်တလန်ကိစ္စအပါအ၀င် စစ်ကိုင်းတိုင်း၊မကွေးတိုင်းနှင့် ကရင်နီဒေသများတွင် စစ်ကောင်စီက ပြည်သူလူထု၏ အိုးအိမ်များ ၊ ဘာသာရေးအ ဆောက်အအုံများကို ပစ်မှတ်ထားတိုက်ခိုက်မှုအပေါ် ပြင်းထန်စွာ ကန့်ကွက်ရှုတ်ချထားပြီး ကျုးလွန်သူများကိုလည်း ပြင်းထန်စွာ အရေးယူပေးရန်တောင်းဆိုကြောင်း အချက်များကို ထုတ်ပြန်ထားသည်။

တနိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်ကို လက်မှတ် ရေးထိုးထားသော တိုင်းရင်းသား လက်နက် ကိုင်တော်လှန်ရေး အဖွဲ့အစည်းများ (NCA-S EAO)၏ ငြိမ်းချမ်းရေးလုပ်ငန်းစဉ်ဦးဆောင် အဖွဲ့(PPST) အစည်းအဝေး (၂၁/၂၀၂၁)ကို နိုဝင်ဘာလ ၄ နံနက်ပိုင်းမှ စတင်ကာ ယနေ့အထိ Video Conferencing ဖြင့် ၂ရက်တာ ကျင်းပခဲ့ခြင်းဖြစ်ကြောင်း၊ ကုလသမဂ္ဂမှ အသစ်ရွေးချယ်ခန့်အပ်သည့် မြန်မာနိုင်ငံဆိုင်ရာအထူးကိုယ် စားလှယ်နိုလင်းဟေဇာ (Ms.Noeleen Heyzar) အားကြို ဆိုပြီး တိုင်းပြည်တွင် လက်ရှိကြုံတွေ့နေရသော အထွေ ထွေ အကျပ်အတည်းဖြေရှင်းရေးကိစ္စနှင့် ပတ်သက်သည့် ၄င်း၏လုပ်ငန်းများကို PPST က လက်တွဲ လုပ်ဆောင်သွားမည်ဟု ထုတ်ပြန်ချက်တွင် ပါရှိသည်။

Red News Agency

RNA- နိုဝင်ဘာ ၃ ရက်၊ ၂၀၂၁ ခုနှစ်။

စစ်ကိုင်းတိုင်း ကလေးမြို့ တောက်ဘတ် မိုင် ၂၀; အကွာ ဝန်းကျင် နတ်မြောင်း နတ်ချောင်းကျေးရွာ၊ သာစည်ကျေးရွာ၊ ချောင်းခွ စသည့် ကျေးရွာများအနီး စစ်ကြောင်းတက်လာသည့် စစ်ကောင်စီတပ်ကို ကလေး PDF နှင့် ပ- က-ဖ တို့ ပူးပေါင်းတိုက်ခိုက်ရာ စစ်ကောင်စီတပ်က ၄၇ ယောက်သေဆုံးသည်ဟု ကလေး PDF က ယနေ့ညနေပိုင်းတွင် ထုတ်ပြန်ထားသည်။

ကလေးမြို့ စစ်ကောင်စီဆေးရုံကို စစ်ကောင်စီတပ်အလောင်း ၄၇ လောင်းရောက်ခဲ့သည်ကို စုံစမ်း သိရှိရကြောင်း၊ ရန်ကြီးအောင်ရွာဘက်မှ ချောင်းခွ ၊ နတ်ချောင်းဘက်သို့ တက်လာသည့် စစ်ကောင်စီအဖွဲ့ကို ကလေး PDF နှင့် ပ- က-ဖ တို့ ပူးပေါင်းတိုက်ခိုက်ရာ အချိန် ၃ နာရီဝန်းကျင် ကြာကြောင်း၊ ပန်းမွန်ချောင်းတံတားအနီး ကျောက်ခွဲစက်တွင် စခန်းချနေသော စစ်ကောင်စီအဖွဲ့ကို ညှပ်ပြီး လက်နက်ကြီး လက်နက်ငယ်များနှင့် တိုက်ခိုက်ခဲ့ကြောင်း၊ ပ-က-ဖ အဖွဲ့ဝင်တဦး ကျဆုံးခဲ့ကြောင်း ထုတ်ပြန်ချက်တွင် ဖော်ပြထားသည်။

စစ်ကောင်စီတပ်ကလည်း နတ်ချောင်စ နတ်မြောင်း၊ ချောင်းခွ စသည့် ကျေးရွာများအတွင်း လက်နက်ကြီး ငယ် များဖြင့် ပစ်ခတ်ခြင်း၊ အသုံးအဆောင်ပစ္စည်းများ ခိုးသွားခြင်း စသည်တို့ လုပ်ဆောင်ခဲ့ကြောင်း၊ ဒေသခံ ပြည်သူများ အိုးအိမ်များစွန်ခွါ ထွက်ပြေးနေရကြောင်း သိရသည်။

Red News Agency

RNA-နိုဝင်ဘာ ၁ ရက်၊ ၂၀၂၁ ခုနှစ်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး( ABSDF) က စစ်အာအာဏာရှင်စနစ်ဆန့်ကျင်ရေး အင်အားစုများနှင့်အတူ တိုက်ပွဲဝင်သွားသည်ဟု ယနေ့ ကြရောက်သည့် ABSDF ၃၃ နှစ်ပြည့် ကြေညာချက်တွင် ‌အသိပေးထားသည်။

ABSDF သည် ရှစ်လေးလုံး ပြည်သူ့အရေးတော်ပုံကြီးက ပေါ်ပေါက်လာသည့် ကျောင်းသားတပ်မတော်ဖြစ်ပြီး ယနေ့အချိန်ထိ လက်နက်စွဲကိုက်ထားပြီး သမ္မတ ဦးသိန်းစိတ်လက်ထက်က တိုင်းရင်းသားလက်နက်ကိုင် အင်အားစုများနှင့်အတူ NCA လက်မှတ်ထိုးခဲ့သည်။

စစ်တပ်အာဏာသိမ်းပြီးနောက် လက်နက်အားကိုးဖြင့် ပြည်သူများကို နှိပ်စက် သတ်ဖြတ်ရာ နွေဦးတော်လှန်ရေးက ပေါ်ပေါက်လာသည့် တော်လှန်ရေး အဖွဲ့အစည်ူများကို ABSDF က ကြိုဆိုဝန်းရံလက်တွဲခဲ့ကြောင်း၊ တော်လှန်ရေးတွင် ထိခိုက် ကျဆုံးခဲ့ကြသည့် ရဲဘော် ရဲဘက်အပေါင်းကို လေးစား တန်ဖိုးထား အလေးပြုသည်ဟု ယနေ့ ကြေညာချက်မှာ ဖော်ပြထားသည်။

ကျောင်းသားတပ်မတော် ( ABSDF) သည် တိုင်းရင်းသားလူမျိုးပေါင်းစုံ ပြည်သူလူထုတရပ်လုံး စစ်အာဏာရှင် စနစ်အောက်မှ လွတ်မြောက်ရေး၊ ဒီမိုကရေစီနှင့် လူ့အခွင့်အရေး ရရှိရေး၊ ပြည်တွင်းငြိမ်းချမ်းရေး ရရှိရေး၊ ဖက်ဒရယ်ပြည်ထောင်စု ပေါ်ထွန်းရေး ဆိုသည့် နိုင်ငံရေး ဦးတည်ချက် ၄ ရပ်ကို ဆက်လက်ကိုင်ဆွဲသွားမည်ဖြစ်ကြောင်း သိရသည်။

Red News Agency

RNA- နိုဝင်ဘာ ၁ ရက်၊ ၂၀၂၁ ခုနှစ်။

ချင်းပြည်နယ် ထန်တလန်မြို့ကို စစ်ကောင်စီ မီးရှို့ဖျက် ဆီးသည့် ကိစ္စနှင့် ပတ်သက်ပြီး စစ်ကောင်စီက နိုင်ငံအနှံ့ ထိုးစစ်ဆင်အကြမ်းဖက်တိုက်ခိုက်ခြင်းကို စစ်ရေးရည်မှန်းချက်ချမှတ်ကာ ရည်ရွယ်ချက်ရှိရှိကျူးလွန်နေတာကို တွေ့ရသည်ဟု ယနေ့မှာ KIO က ထုတ်ပြန်ပြောဆိုလိုက်သည်။

KIO အနေဖြင့် အကြမ်းဖက်ခံရသဖြင့် ပူဆွေးစိတ်သောက ခံစားနေကြရသည့် ထန်တလန်မြို့သူ မြို့သား ညီနောင်ချင်းလူမျိုးများနှင့်ထပ်တူ ဝမ်းနည်းကြေကွဲရကြောင်း၊ ထန်တလန်မြို့ ဖျက်ဆီးခံရမှုနှင့်ပတ်သက်ပြီး စစ်ကောင်စီက ဖြေရှင်းချက်ပြုလုပ်သော်လည်း အမှန်တရားကို ဖုံးကွယ်မရကြောင်း ကြေညာထားသည်။

အာဏာသိမ်း စစ်ကောင်စီကို ထောက်ခံသော အင်အားစု၊ အစုအဖွဲ့များက အကြမ်းဖက်သတ်ဖြတ်မှုများကို အထောက် အကူပြု ကာကွယ်ပေးနေခြင်းကြောင့် မြန်မာ့သမိုင်းတွင် မကြုံခဲ့ဘူးသည့် အပြင်းထန်ဆုံး ပြည်တွင်း စစ်ကို အရပ်သားပြည်သူများ ရင်ဆိုင်ကြုံတွေ့နေရပြီဖြစ်ကြောင်း၊ ထန်လတန်မြို့ကို စစ်ကောင်စီက ရည်ရွယ်ချက်ရှိရှိ အကြမ်းဖက် တိုက်ခိုက်ပစ်ခတ်ခြင်းကြောင့် ခရစ်ယာန် ဘာသာ ဘုရားကျောင်းများ၊ လူနေအိမ်များ မီးလောင်ပျက်စီးခဲ့သည်ကို ဝမ်းနည်းစွာ မြင်တွေ့ရသည်ဟု ထုတ်ပြန်ချက်တွင် ဖော်ပြထားသည်။

Red News Agency

RNA- အောက်တိုဘာ ၃၀ ရက်၊ ၂၀၂၁ ခုနှစ်။

ချင်းပြည်နယ်၊ ထန်တလန်မြို့၌ အာဏာသိမ်း အကြမ်း ဖက်စစ်ကောင်စီ ဖက်ဆစ်စစ်တပ်များ၏ လုပ်ရပ်ကြောင့် အောက်တိုဘာလ ၂၉ ရက်နေ့က လူနေအိမ် ၃၀၀ ခန့်နှင့် ဘာသာရေးအဆောက်အအုံးများ မီးလောင်ပျက်စီးသွားမှုနှင့် ပတ်သက်ပြီး NUG အစိုးရပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာနအနေဖြင့် တရားစီရင်နိုင်ရေး ဆက်လက်လုပ်ဆောင်သွားမည်ဟု ယနေ့ ထုတ်ပြန်ထားသည်။

” ဖက်ဆစ်စစ်တပ်၏ အကြမ်းဖက် လုပ်ရပ်များကို အပြည့်အဝ တာဝန်မှုရှိစေရေး၊ တရားဥပ‌ဒေအောက် အရောက်ခေါ်ယူ၍ ပြည်သူ့တရားစီရင်နိုင်ရေးတို့ကို ဆက်လက်လုပ်ဆောင်သွားမည်ဖြစ်သည့်အပြင် နိုင်ငံတကာ အသိုင်းအဝိုင်းနှင့်လည်း ချိတ်တွဲလျက် ဖက်ဆစ်စစ်တပ်အပေါ် အရေးယူနိုင်ရေးကို ကြိုးပမ်းဆောင် ရွက်သွားမည်” ဟု ထုတ်ပြန်ချက်‌တွင် ဖော်ပြထားသည်။

အာဏာသိမ်းအကြမ်းဖက်စစ်ကောင်စီ ဖက်ဆစ်စစ်တပ် တပ်ဖွဲ့ဝင်များသည် ၂၀၂၁ ခုနှစ်၊ ဖေဖေါ်ဝါရီ ၁ ရက်နေ့နောက်ပိုင်းမှစ၍ ချင်းပြည်နယ်ရှိ အရပ်သားပြည်သူများ၏ နေအိမ်များကို မီးရှို့ဖျက်ဆီးခြင်း၊ ငွေကြေးဥစ္စာပစ္စည်းများ ခိုးယူခြင်း နှင့် ဖျက်ဆီးခြင်း၊ အပြစ်မဲ့ အရပ်သားများကို ဖမ်းဆီးနှိပ်စက်ညှဉ်းပမ်း သတ်ဖြတ်ခြင်းများ၊ အမျိုးသမီးများအား အဓမ္မပြုကျင့်မှုများကို တရားလက်လွန် အကြမ်းဖက်မှု ကျူးလွန်လုပ်ဆောင်နေကြောင်း သိရသည်။

အကြမ်းဖက် အာဏာသိမ်း စစ်တပ်သည် ချင်းပြည်နယ်အပါအဝင် ကရင်ပြည်နယ်၊ ကချင်ပြည်နယ်၊ ကယားပြည်၊ စစ်ကိုင်းတိုင်း၊ မကွေးတိုင်း စသည်တို့တွင် လေကြောင်း စစ်ဆင်ရေးများ၊ လက်နက်ကြီးများဖြင့် လူနေအိမ်များကို ပစ်ခတ်မှုများ၊ ပြည်သူလူထုကို ပစ်မှတ်ထားတိုက်ခိုက်မှုများ၊ စစ်ဆင်ရေးများတွင် အရပ်သားပြည်သူများအား လူသားဒိုင်းအသုံးပြု နေမှုများ၊ လူမျိုးနွယ်စုများကို ရည်ရွယ် ချက်ရှိရှိ ပျက်သုဉ်းအောင်တိုက်ခိုက်နေမှုများ စသည်တို့ကို ပြုလုပ်နေကြောင်း သိရသည်။

Red News Agency

RNA – အောက်တိုဘာ ၂၈ ရက်၊ ၂၀၂၁ ခုနှစ်။

ပုလော မြို့နယ်အတွင် စစ်ကောင်စီယာဉ်တန်းများကို အချိန်မရွေးဖြိုခွင်းသည့် ပစ်ခတ်မှုများ ဖြစ်ပွားနိုင်ကြောင်း၊ စစ်ကောင်စီအားပေးထောက်ခံသူများ၊ ထောက်ခံပွဲတွင် ပါဝင်သူများ၏ အသက်အန္တရာယ်ကို ပြည်သူ့ကာကွယ်ရေး တပ်မတော် (ပုလော) အနေဖြင့် တာဝန်ယူမည်မဟုတ်ကြောင်း ယနေ့တွင် ထုတ်ပြန်ထားသည်။

အာဏာသိမ်း စစ်ကောင်စီအဖွဲ့က နိုင်ငံတကာကို ပြည်သူများထောက်ခံမှုရှိသည်ဟု လိမ်လည်ပြချင်သည့် အတွက် ပျူစောထီး၊ ကြံ့ခိုင်ရေးအဖွဲ့ဝင်၊ ဘာသာ‌ ရေး အစွန်းရောက်နှင့် စစ်တပ်မိသားစုတချို့က ယခုရက်ပိုင်း ထောက်ခံပွဲအမည်တပ်ကာ နေ့စားခယူပြီး လမ်းပေါ်ထွက်နေကြောင်း သိရသည်။

ပုလော PDF အပါအဝင်၊ တနိုင်ငံလုံးက PDF နှင့် စစ်အာဏာရှင်စနစ်မလိုလားသည့် ခုခံစစ်ဆင်နွှဲသူများက အာဏာသိမ်း စစ်ကောင်စီထောက်ခံမှုမပြုလုပ်ကြရန်၊ စစ်ကောင်စီယန္တရား အထောက်အကူမပြုကြရန် တိုက်တွန်းနှိုးဆော်ထားကြသည်။

Red News Agency

RNA-အောက်တိုဘာ ၂၈ ရက်၊ ၂၀၂၁ခုနှစ်။

အမျိုးသားညီညွတ်ရေးအစိုးရ (NUG) ကာကွယ်ရေး ဝန်ကြီးဌာနက တပတ်အတွင်း ခုခံစစ်ပွဲဆင်နွှဲခဲ့ရာ စစ်ကောင်စီတပ်သား ၁၉၃ ဦးသေဆုံးပြီး ၄၄ ဦးထိခိုက်ဒဏ်ရာရရခဲ့သည်ဟု ယနေ့ ထုတ်ပြန်ထားသည်။

အောင်တိုဘာလ ၁၉ ရက်နေ့မှ ၂၅ ရက်နေ့အထိ ခုခံတွန်းလှန်စစ် ၂၅ ကြိမ်ဖြစ်ပွားကြောင်း၊ အာဏာသိမ်းအကြမ်းဖက်စစ်ကောင်စီမှ အကြမ်းဖက်ကျုးလွန်ခဲ့သည့် ဖြစ်စဉ် (၅၀) ရှိကြောင်း၊ စစ်ကောင်စီ၏ အကြမ်းဖက်မှုများကြောင့် အပြစ်မဲ့ ဒေသခံပြည်သူ (၃၀)ဦး သေဆုံးခဲ့ကြောင်း NUG ကာကွယ်ရေး ဝန်ကြီးဌာနက တစ်ပတ်တာကိန်းဂဏန်းဆိုင်ရာ အချက်အလက်များကို သတင်းမီဒီယာပေါင်း(၄၀)ထံမှရယူကာ ယနေ့ထုတ်ပြန်ချက်တွင် ဖော်ပြထားသည်။

Red News Agency