RNA- အောက်တိုဘာ ၃၁ ရက်၊ ၂၀၂၁ ခုနှစ်။
ဟားခါးအခြေစိုက် စစ်ကောင်စီတပ်ရင်း ခလရ(၂၆၆) တမူးရှေ့တန်းစခန်းက တပ်ကြပ်ကြီးစာရေး ခေါဂေလိန်းက M3 ၁ လက်၊ ကျည်အိမ် ၃ ခု၊ ကျည်ဆံ ၂၀၀၊ လက်ပစ်ဗုံး ၁ လုံးနှင့်အတူ တမူး ပြည်သူ့ကာကွယ်ရေး တပ်ရင်း (၁) သို့ ပြည်သူ့ရင်ခွင်ခုံလှုံခဲ့သည့်အတွက် ကျပ်သိန်း ၅၀ ဆုချရာ တပ်ကြပ်ကြီးက ၁၅ သိန်း ပြန်လှူခဲ့ကြောင်း ပြည်သူများကို အသိပေးထားသည်။
တပ်ကြပ်ကြီးစာရေးတာဝန်ထမ်းဆောင်သူ တ-၅၃၉၇၀၂ ခေါဂေလိန်းသည် စက်တင်ဘာ ၂၃ ရက်နေ့က ပြည်သူ့ရင်ခွင် ခုံလှုံခဲ့ခြင်းဖြစ်ကြောင်း၊ သွားလိုသည့် လွတ်မြောက်နယ်မြေသို့ လုံခြုံဘေးကင်းစွာ ရောက်ရှိရန် တမူးပြည်သူ့ကာကွယ်ရေးတပ်ရင်း (၁) က တာဝန်ယူမှုအပြည့်ဖြင့် ပို့ဆောင်ပေးခဲ့သည်။
အာဏာသိမ်း စစ်ကောင်စီတပ်တွင် ပြည်သူ့ အသက် အိုးအိမ် စည်းစိမ်တို့ကို ကာကွယ်စောင့်ရှောက်မှုမပေးသည့်အပြင် ပြည်သူနှင့် ဆန့်ကျင်ဘက် လုပ်နေရသည့်အတွက် စစ်ကောင်စီလပ်အောက်ကနေ ပြည်သူ့ရင်ခွင် ခုံလှုံသူ အများအပြားရှိနေကြောင်း၊ တိုင်းနှင့် ပြည်နယ် တချို့တွင် စစ်ကောင်စီလက်အောက်ခံ တပ်များကို PDF များနှင့် ပူးပေါင်း တိုက်ခိုက်ရာတွင် ပါဝင်နေကြကြောင်း သိရသည်။
Red News Agency