RNA_ဇန်နဝါရီ(၂၂)၊၂၀၂၃ ခုနှစ်။
ချင်းပြည်နယ်၊ မတူပီ – မင်းတပ်လမ်းပေါ်ရှိ စစ်ကောင် စီတပ် ရှေ့တန်းကာကင်းစခန်း စီးနင်းတိုက်ခိုက်ခံရပြီး (၉) ဦးသေဆုံးသွားကြောင်း သိရသည်။
မတူပီ CDF ( CDF Matupi) တပ်ဖွဲ့ဝင် ရဲဘော်များက အထူးစစ်ဆင်ရေးအဖြစ် ဇန်နဝါရီလ ၂၁ ရက်နေ့ နံနက် (၈) နာရီ (၃၀) မိနစ်ဝန်းကျင်က မတူပီ – မင်းတပ် လမ်းပေါ်ရှိ စစ်ကောင်စီတပ် ရှေ့တန်း ကာကင်းစခန်းအား ဝင်ရောက်စီးနင်း တိုက်ခဲ့ခြင်း ဖြစ်သည်။
” နှစ်ဖက်တိုက်ပွဲ ပြင်းထန်ခဲ့ပြီး အရေးနိမ့်နေသော စကစ ကာကင်းစခန်းသို့ စကစ ဖက်မှ နံနက်( ၁၀:၃၀ ) နာရီတွင် စစ်ကူလာသော စစ်ကြောင်းအား မိမိတို့ဖက်မှ ထပ်မံကြားဖြတ် တိုက်ခိုက်ခဲ့ပါသည်။ တိုက်ပွဲအတွင်း စကစ ဖက်မှ (၉)ဦးသေ ၊ဒဏ်ရာအများအပြားရရှိခဲ့ပြီး မိမိတို့ CDF-MATUPI မှ ရန်သူ့လက်နက် MA-1 တစ်လက် သိမ်းပိုက် နိုင်ခဲ့သည်။ မိမိတို့ဖက်မှ အထိအခိုက်မရှိပါ” ဟု CDF Matupi ကထုတ်ပြန်ထားသည်။
၂၀၂၃ခုနှစ်၊ ဇန်နဝါရီလ( ၂၁ ရက်နေ့ အထိ)အတွင်း CDF Matupi မှ မင်းတပ်လမ်းတွင် တိုက်ပွဲ (၂) ကြိမ်၊ ဟားခါးလမ်းတွင် (၃)ကြိမ် ဖော်ဆောင်နိုင်ခဲ့ကြောင်း၊ မတူပီမြို့နယ်အတွင်း တယ်လီဖုန်းလိုင်းများ ဖြတ်တောက်ခံထားရသည့်အတွက် တိုက်ပွဲသတင်းများအား အချိန်နှင့် တပြေးညီထုတ်ပြန်နိုင်ခြင်းမရှိကြောင်း သိရသည်။
#RedNewsAgency