RNA_ဇန်နဝါရီ (၁၉)၊၂၀၂၃ ခုနှစ်။
မွန်ပြည်နယ်၊ သိမ်ဖြူဇရပ်မြို့နယ်၊ ထင်ရှူးကျေးရွာအခြေစိုက် နယ်မြေရဲစခန်းကို ရေးပြောက်ကျား တပ်ဖွဲ့ဝင်များက ဝင်ရောက်တိုက်ခိုက်ရာ ရဲ (၃) ဦး သေဆုံးပြီး (၅) ဦး ဒဏ်ရာရရှိကြောင်း သတင်းထုတ်ပြန်ထားသည်။
ထင်ရှူးကျေးရွာအခြေစိုက် နယ်မြေရဲစခန်းမှာ ရဲအင်အား (၁၀) ဦးဝန်းကျင်သာရှိပြီး ဇန်နဝါရီလ ( ၁၈) ရက်နေ့ ညနေ (၆) နာရီက တိုက်ခိုက်ခဲ့ခြင်းဖြစ်ပြီး အချိန်အကန့်အသတ်ကြောင့် ပြည်သူ့ကာကွယ်ရေး ရဲဘော်များ အောင်မြင်စွာ ဆုတ်ခွါခဲ့ရကြောင်း သိရသည်။
ရေးပြောက်ကျားတပ်ဖွဲ့သည် မွန်ပြည်နယ်၊ လမိုင်းမြို့နယ်၊ နှစ်ကရင်ကျေးရွာရှိ နယ်မြေရဲစခန်းမှာ ရဲများစခန်းစွန့်ခွါ ထွက်ပြေးသည့်အတွက် ဇန်နဝါရီ လ (၁၁) ရက်နေ့က စခန်းတွင်းဝင်ရောက်ကာ အဆောက်အဦများကို မီးရှို့ ဖျက်ဆီးခဲ့သည်။