RNA_ဇန်နဝါရီ(၁၄)၊၂၀၂၃ ခုနှစ်။
ရန်ကုန်မြို့၊ အင်းစိန်ထောင်တွင် ၂၀၂၃ ခုနှစ်အတွင်း စစ်ကောင်စီက ကျင်းပမည့် ရွေးကောက်ပွဲအတွက် မဲစာရင်းကောက်ခဲ့ပြီး အကျဉ်းသားတချို့ကို ပြီးခဲ့သည့်ညပိုင်းက ထောင်ပြောင်းရွေ့မှု ပြုလုပ်ခဲ့ကြောင်း သိရသည်။
“ ပြီးခဲ့တဲ့ ရက်ပိုင်းက ထောင်ဝန်ထမ်းတွေကို စာရင်းကောက်တာတွေလုပ်တယ်၊ ရွေးကောက်ပွဲအတွက်ေ ပြင်ဆင်နေတာပေါ့၊ တနေ့က ပြည်ထဲရေးဝန်ကြီး လာသွားတယ်၊ မနေ့ညကတော့ အကျဉ်းသားတချို့ကိုထောင်ပြောင်းတယ်” ဟု အင်းစိန်အကျဉ်းဦးစီဌာနနှင့် နီးစပ်သူ တစ်ဦးက Red News Agency ကို်ပြောသည်။
အကြမ်းဖက်အာဏာသိမ်းခဲ့သည့် မင်းအောင်လှိုင်ဦးဆောင်သည့် စစ်ကောင်စီသည် ၂၀၂၃ ခုနှစ်အတွင်း ရွေးကောက်ပွဲပြုလုပ်ရန် မဲစာရင်းများကို ပြုစုနေကြောင်း၊ မင်းအောင်လှိုင်ဦးဆောင်ပြုလုပ်မည့် ရွေးကောက်ပွဲကို နွေဦးတော်လှန်ရေးအင်အားစုများက လက်မခံကြောင်း၊ ရွေးကောက်ပွဲတွင် ပြည်သူများမပူးပေါင်းကြရန် တိုက်တွန်းထားကြပြီး လုံခြုံရေးအပြည့်ဖြင့် မဲစာရင်းကောက်သည့်အဖွဲ့တချို့ တိုက်ခိုက်ခံရမှုများရှိကြောင်း သိရသည်။
Red News Agency