RNA_နိုဝင်ဘာ(၂၆)၊၂၀၂၂ ခုနှစ်။
ကရင်အမျိုးသားအစည်းအရုံး -KNU ကော်သူးလေအုပ်ချုပ်နယ်မြေ၊ ဘိတ်ထား၀ယ်ခရိုင် တပ်မဟာ(၄) နယ်မြေအတွင်း စစ်ကောင်စီတပ်နှင့် KNU လက်အောက်ခံ တပ်များ ၂၀၂၂ ခုနှစ် ဇန်နဝါရီလမှစပြီး နို၀င်ဘာလ (၁၆) ရက်နေ့ အထိ တိုက်ပွဲများအတွင်း စစ်ကောင်စီတပ်ဘက်မှ (၂၄၆) ဦးသေဆုံးကာ (၂၃၉) ဦးဒဏ်ရာရရှိခဲ့ကြောင်း KNU ဗဟိုက ယနေ့ ထုတ်ပြန်ထားသည်။
ကော်သူးလေအုပ်ချုပ်နယ်မြေ ဘိတ်ထားဝယ်ခရိုင်တွင် ၂၀၂၁ ခုနှစ် စစ်တပ်အာဏာသိမ်းပြီးချိန်မှစပြီး ၂၀၂၂ ခုနှစ် နိုဝင်ဘာလ ၁၆ ရက်နေ့အထိ ကရင်အမျိုးသားလွတ်မြောက်ရေးတပ်မတော် KNLA၊ ကရင်အမျိုးသားကာကွယ်ရေးတပ်ဖွဲ့ KNDO၊ ပူးပေါင်းမဟာမိတ်များနှင့် စစ်ကောင်စီလက်အောက်ခံများ တိုက်ပွဲကြီးတိုက်ပွဲငယ်ပေါင်း (၁၂၃) ကြိမ် ဖြစ်ပွားခဲ့ပြီး ကောင်စီတပ်များမှ (၂၄၆) ဦး သေဆုံးကာ (၂၃၉) ဦး ထိခိုက်ဒါဏ်ရာရရှိခဲ့ကြောင်း၊ KNLA၊ KNDO၊ ပူးပေါင်းတပ်ဖွဲ့တို့ဘက်မှ တိုင်းပြည်နှင့်လူမျိုးအတွက် (၁၄) ဦး အသက်စွန့်ခဲ့ရပြီး (၇) ဦး ထိခိုက်ဒါဏ်ရာရရှိခဲ့သည်။
နိုဝင်ဘာ (၁)ရက်နေ့မှ (၁၆) ရက်နေ့အထိ ကော်သူးလေအုပ်ချုပ်နယ်မြေနေ ဘိတ်ထားဝယ်ခရိုင် တပ်မဟာ (၄) နယ်မြေအတွင်း စစ်ကောင်စီတပ် တပ်ရင်းများဖြစ်သော ခလရ-၂၂၄ ခမရ-၅၅၉ ခမရ-၅၆၀ ခမရ-၂၈၁ ခမရ-၅၅၇ ခမရ-၅၅၈ ခမရ-၅၆၁ တပ်စသည်တို့နှင့် လယ်ကဆောမြို့နယ် KNLA တပ်ရင်း (၂၀၃) ၊ လယ်မူလားမြို့နယ် KNDO တပ်ရင်း (၇)၊ ကစယ်ဒိုမြို့နယ် KNLA တပ်ရင်း (၁၂) တို့နှင့် တနောသရီမြို့နယ်နှင့် လယ်ဒိုစိုးမြို့နယ်များအတွင်း တိုက်ပွဲကြီးငယ် (၃၀) ကြိမ်ဖြစ်ပွားခဲ့ပြီး စစ်ကောင်စီဘက်မှ (၄၈) ဦးသေဆုံးကာ (၂၆) ဦးထိခိုက်ဒဏ်ရာရရှိခဲ့ကြောင်း၊ KNLA၊ KNDO နှင့်ပူးပေါင်းတပ်ဖွဲ့တို့ဘက်မှ တိုင်းပြည်နဲ့လူမျိုးအတွက် သူရဲကောင်း (၂) ဦး ကျဆုံးခဲ့ရပြီး (၄) ဦးထိခိုက်ဒဏ်ရာရရှိခဲ့ကြောင်း သိရသည်။
#RedNewsAgency