RNA_ဖားကန့်၊ ဇန်နဝါရီ(၁၄)၊ ၂၀၂၅ ခုနှစ်။
ဖားကန့်မြို့နယ်၊ ဆိပ်မူကျေးရွာအုပ်စု၊ စပေါ့ကျေးရွားနားကပ်ပြီး ကျောက်တူးဖော်နေသည့် ကုမ္ပဏီလုပ်ကွက် (ဒေသအခေါ် ရတနာ အဓိပတိ) မှ ရွှံ့နွံကန် ပေါက်ထွက်ပြီး စပေါ့ကျေးရွာ၊ ရပ်ကွက်(၃)ရှိ နေအိမ်များပေါ် ရွှံ့နွံဖုံးလွှမ်းသွားသည့် ဖြစ်စဉ်အတွင်း သေဆုံးသူ (၃၅) ဦးကျော်ရှိကြောင်း သိရသည်။
စပေါ့ကျေးရွာ၊ ရပ်ကွက်(၃)ရှိ နေအိမ်များပေါ် ဇန်နဝါရီ ၁၃ ရက် နံနက် (၁) နာရီ (၃၀) မိနစ်ခန့်က ဖြစ်ပွားခဲ့ပြီး ယနေ့ (ဇူလိုင်လ ၁၄ ရက်) နေ့လယ်ပိုင်းအထိ သေဆုံးသူ ရုပ်အလောင်း (၂၁) လောင်းတွေ့ရှိထားပြီး ပျောက်ဆုံး (၁၅) ဦးရှိသည်ဟု စာရင်းပေးထားကြောင်း တာဝန်ရှိသူများထံမှ သိရသည်။
“ဖြစ်တာက ညအချိန်ကြီး၊ နွံကန်ကို မြေစာဖို့တော့ နွံရေက ထွက်ပေါက်မရှိတော့ မြေအောက်ကနေ ပွင့်ထွက်လာတာ၊ ညလည်းဖြစ်၊ ရုတ်တရက်လည်း ဖြစ်တော့ ပြေးဖို့ မလွယ်ဘူး၊ ပြီးတော့ အဲ့နေရာက အိမ်အသေးလေးတွေ စုနေတာ၊ သေဆုံးသူဦးရေ မနည်းလောက်ဘူးဗျ” ဟု စပေါ့ကျေးရွာ ဒေသခံတစ်ဦးက ဇန်နဝါရီလ ၁၃ ရက်နေ့က ပြောကြားထားသည်။
ရွှံ့နွံပေါက်ကျမှုသည် ညအချိန် (အိပ်ချိန်) အတွင်း ဖြစ်သွားသည့်အတွက် မိသားစုလိုက်သေဆုံးမှုများရှိနိုင်ကြောင်း၊ နွံဖုံးအုပ်သွားသည့်အတွက် လူမှုကယ်ဆယ်ရေးအဖွဲ့များအနေဖြင့် ဘက်ဟိုးနှင့်မြေများကိုသယ်ထုတ်ကာ အလောင်းများကို ရှာဖွေနေရသည်ဟု သိရသည်။
#RedNewsAgency #REDNEWS #RNA