RNA_မေ(၂၃)၊၂၀၂၄ ခုနှစ်။
မြင်းခြံခရိုင် အမှတ် (၇) တပ်ရင်း- Zero ပြောက်ကျားတပ်ဖွဲ့အနေဖြင့် ယခုအချိန်တွင် တိုက်ပွဲ ၁၅ ကြိမ်လောက်ထိ ဆက်တိုက် တိုက်ခိုက်နိုင်သည့်အနေအထားဖြစ်နေပြီး တိုက်ပွဲကြီးများအဆင့်ထိ ပြင်ဆင်နိုင်ခဲ့ပြီဖြစ်ကြောင်း Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက Red News Agency ကို ပြောကြားထားသည်။
Zero ပြောက်ကျားတပ်ဖွဲ့ ပျောက်နေသည်မှာ ၅ လဝန်းကျင်ကြာမြင့်ပြီဟု ပြောဆိုနေကြသော်လည်း အမှန်တကယ်တွင် တိုက်ပွဲများအတွက် လျှို့ဝှက်စွာ ပြင်ဆင်နေခြင်းဖြစ်ကြောင်း၊ အချိန်ယူခဲ့သည့် ၅ လအတွင်း အပြောင်းအလဲအများကြီဖြစ်ခဲ့ပြီး အားကောင်းအောင် စွမ်းဆောင်ထားနိုင်ခဲ့သည်ဟု စသဖြင့် ကိုသက်ကြီးက ပြောကြားထားသည်။
#RedNewsAgency