RNA_မေ(၁၂)၊၂၀၂၃ ခုနှစ်။
မကွေးတိုင်း၊ ယောဒေသအခြေစိုက်၊ ယောကာကွယ်ရေးတပ် – YDF (၂)နှစ်ပြည့်နှစ်ပတ်လည်အခမ်းအနားကို တပ်ဖွဲ့ဦးဆောင်သူ ကိုမြတ်သူကိုယ်တိုင် တက်ရောက် မိန့်ခွန်းပြောကြားပြီး ရဲဘော်အင်အားအများအပြားဖြင့်ကျင်းပပြုလုပ်ခဲ့ကြောင်း သိရသည်။
ယောကာကွယ်ရေးတပ်ဗဟိုဌာနချုပ်ရုံးမှာ ကျင်းပခဲ့သည့် (၂)နှစ်ပြည့်နှစ်ပတ်လည်အခမ်းအနားတွင် တပ်ဖွဲ့ဦးဆောင်သူ ကိုမြတ်သူမှ စစ်ရည်စစ်သွေးပြည့်၀ပြီး စည်းကမ်းကောင်းမွန်၍ တာ၀န်ကျေပွန်စွာ ထမ်းဆောင်နိုင်သော တော်လှန်ရေးရဲဘော်ကောင်းများဖြစ်ရန်၊ တိုင်းရင်းသား တန်းတူအခွင့်ရေးနှင့် အာဏာရှင်စနစ်အပြီးတိုင်ပျက်သုဉ်းသည့်တိုင်အောင် တော်လှန်တိုက်ထုတ်ကြရန်၊ တော်လှန်ရေးရည်မှန်းချက်များနှင့် လက်ရှိ တော်လှန်ရေးအောင်မြင်မှုများအား ရှင်းလင်းပြောကြခဲ့ကြားခဲ့ကြောင်း သိရသည်။
အခမ်းအနားပွဲတွင် ယောကာကွယ်ရေးတပ် – YDF အလံတော်အား အလေးပြုခြင်း၊ ကျဆုံးခဲ့ကြသော ယောကာကွယ်ရေးတပ် – YDF ၏ အာဇာနည်သူရဲကောင်းများကိုအလေးပြုခြင်း၊ ယောကာကွယ်ရေးတပ် – YDF ၏ သစ္စာအဓိဌာန် (၅)ချက်ကို ရွတ်ဆိုခြင်းနှင့် စစ်ကြောင်း (၅)ကြောင်းချီတက်၍ ယောကာကွယ်ရေးတပ် – YDF ၏ ဦးဆောင်သူကို အလေးပြုပြီး အခမ်းအနားကို စတင် ကျင်းပခဲ့ကြောင်း၊ မဟာမိတ်အဖွဲ့အစည်းများမှ ရဲဘော်များလည်း တက်ရောက်ခဲ့ကြောင်း YDFက ထုတ်ပြန်ထားသည်။
#RedNewsAgency