RNA_ဧပြီ(၂၁)၊၂၀၂၃ခုနှစ်။
အမျိုးသားညီညွတ်ရေးအစိုးရ-NUG လက်အောက်ခံ မကွေးတိုင်း၊ ထီးလင်းမြို့နယ် အနောက်ခြမ်းရှိ ပြည်သူ့အုပ်ချုပ်ရေးအဖွဲ့ (ပအဖ)ရုံးကို စစ်ကောင်စီတပ်မှ တိုက်လေယာဉ်ဖြင့် ဗုံးကြဲပြီးနောက် မြေပြင်အင်အား အများအပြားဖြင့် စစ်ကြောင်းထိုးနေကြောင်း သိရသည်။
ထီးလင်းမြို့နယ်နောက်ခြင်းရှိ ပ.အ.ဖ ရုံးကို စစ်ကောင်စီတပ် လေကြောင်းမှ ဧပြီလ ၂၀ ရက်နေ့ နေ့လည် ၁၂ နာရီခန့်က ဗုံးကြဲတိုက်ခိုက်ခံရမှု ဖြစ်စဉ်အတွင်း ပ.အ.ဖ ရဲဘော် အမျိုးသား (၂) ဦး၊ အမျိုးသမီး (၁) ဦး ကျဆုံးခဲ့ရပြီး၊ အမျိုးသား (၄) ဦး၊ အမျိုးသမီး (၈) ဦး အပြင်းအထန်ဒဏ်ရာရရှိခဲ့ကြောင်း၊ ယနေ့ မြေပြင်မှ ပျူစောထီးများအပါအဝင် စစ်ကောင်စီတပ်စစ်ကြောင်းတို့ စစ်ကြောင်းထိုးလာနေကြောင်း YDF ထီးလင်းမှတာဝန်ရှိသူတဦးကပြောကြားထားသည်။
ပ.အ.ဖရုံးလေယာဉ်ဖြင့်ဗုံးကြဲခံရမှုအတွင်းဒဏ်ရာရရှိသူများများပြင်းထန်ကြောင်း၊ဗုံးကြဲမခံရမှီရက်ပိုင်းကအင်တာနက်လိုင်းနှင့်ဖုန်းလိုင်းများအကုန်ဖြတ်တောက်ခံခဲ့ရကြောင်း၊စစ်ကြောင်းထိုးလာသည့်စစ်ကောင်စီတပ်နှင့်ပျူစောထီးများစစ်ကြောင်းသည်အင်အား၁၅၀ဝန်းကျင်ရှိပြီးဗုံးကြဲခံရသည့်နေရာနှင့်၇မိုင်အကွာဝန်းကျင်အတွင်းယနေ့နံနက်ပိုင်းမှာရောက်ရှိနေပြီဖြစ်ကြောင်းသိရသည်။
Red News Agency