Red News Agency

Tag: နွေဦးတော်လှန်ရေး

  • ကန်ပက်လက်မြို့ထိန်းချုပ်နိုင်ရေး CDF-Kanpetlet ကြိုးပမ်းနေ

    ကန်ပက်လက်မြို့ထိန်းချုပ်နိုင်ရေး CDF-Kanpetlet ကြိုးပမ်းနေ

    RNA_စက်တင်ဘာ(၂၈)၊၂၀၂၃ ခုနှစ်။
    ချင်းပြည်နယ်၊ ကန်ပက်လက်မြို့တွင် ပြည်သူ ၈၀ ရာခိုင်နှုန်းခန့် စစ်ဘေးရှောင်နေရသည့်အတွက် မြို့ပေါ်ထိန်းချုပ်နိုင်ရေး CDF-Kanpetlet ရဲဘော်များ ကြိုးပမ်းနေကြောင်း သိရသည်။
    ကန်ပက်လက်မြို့ အထွေထွေအုပ်ချုပ်ရေးဦးစီးဌာနရုံးနှင့် ပညာရေးမှူးရုံးတို့တွင် အထိုင်ချနေသည့် စစ်ကောင်စီတပ်ကို CDF-Kanpetlet ရဲဘော်များက စက်တင်ဘာလ ၂၇ ရက်နေ့က ၂ ကြိမ်တိုက်ခိုက်ခဲ့ကြောင်း၊ ယနေ့အထိ ကန်ပက်လက်မြို့ပေါ်တွင် စစ်ရေးတင်းမာနေကြောင်း သိရသည်။
    “ကန်ပက်လက်မြို့ပေါ် တိုက်ပွဲတွေစကတည်းက စစ်ဘေးရှောင်ခဲ့ကြတာ မြို့ပေါ်ရဲ့ ၈၀ ရာခိုင်နှုန်း စစ်ဘေးရှောင်နေကြရတယ်။ အခုကတော့ မြို့ပေါ်ကို ပြန်ထိမ်းချုပ်နိုင်ဖို့ ကျနော်တို့ ကြိုးစာချင်တာပါ။ စခန်းသိမ်း Mission နဲ့ ထွေအုပ်ရုံးတိုက်ခိုက်ကြပေမဲ့ လက်နက်ကြီးပစ်ကူလိုအပ်တာကြောင့် ဆုတ်ခွါပေးခဲ့ကြရတာဗျ” ဟု CDF-Kanpetlet မှ တာဝန်ရှိသူတဦးက ပြောသည်။

    (more…)

  • အရှိုက်အထိုးခံလိုက်ရတဲ့စစ်တပ် နောက်ဝင်မယ့်တွဲလုံးတွေကို ကာနိုင်ပါ့မလား

    အရှိုက်အထိုးခံလိုက်ရတဲ့စစ်တပ် နောက်ဝင်မယ့်တွဲလုံးတွေကို ကာနိုင်ပါ့မလား

    “ICC က ကိုင်တွယ်ပြီဆိုရင်တော့ မင်းအောင်လှိုင်တို့အနေနဲ့ အခုထက်ပိုပြီး လှုပ်ရှားရတာတွေ ကြပ်တည်းလာမှာဖြစ်သလို စစ်ခေါင်းဆောင်တွေအနေနဲ့ တရားစွဲခံရဖို့ သေချာနေပါပြီ။ ဘာလို့လည်း ဆိုတော့ သူတို့ကျူးလွန်ခဲ့တဲ့ ကိစ္စတွေရဲ့ တိကျတဲ့သက်သေပေါင်းအမြောက်အများဟာ ကုလသမဂ္ဂလိုအဖွဲ့အစည်း၊ လူ့အခွင့်အရေးဆိုင်ရာလှုပ်ရှားနေတဲ့အဖွဲ့အစည်းတွေဆီမှာ အခိုင်အမာရှိနေပါပြီ”

    လှဆောင်

    ပြည်တွင်းမှာ တော်လှန်ရေးအင်အားစုတွေဘက်က ခပ်စိတ်စိတ်နဲ့ ခြေလှမ်းတွေရှေ့တိုးနေသလို နိုင်ငံတကာမှာလည်း ခြေလှမ်းတွေက ခပ်စိတ်စိတ်ပါ။ စစ်ကောင်စီလော်ဘီတွေကတော့ NUG အစိုးရအဖွဲ့ဝင်တွေ ကုလသမဂ္ဂမှာသွားပြီး ပြည်သူတွေလှူတဲ့ပိုက်ဆံနဲ့ ဟေးလားဝါးလား သွားလုပ်နေတယ်လို့ ဝါဒဖြန့်ကြပါတယ်။

    လူပိန်းလို ပြန်ပြောရမယ်ဆိုရင်တော့ အဲဒီလို ဟေးလားဝါးလားလုပ်ဖို့တောင် စစ်ကောင်စီဘက်က အဆင့်ရှိမနေပါဘူး။ NUG အစိုးရအဖွဲ့ဝင်တွေ ကုလသမဂ္ဂအစည်းအဝေးမှာ နိုင်ငံတကာကကိုယ်စားလှယ်နဲ့ သွားတွေ့နေကြတယ်ဆိုတာလည်း ဟေးလားဝါးလားလုပ်ဖို့မဟုတ်ဘူးဆိုတာ တော်ရုံနိုင်ငံရေးအခြေခံလောက်ရှိတဲ့သူတွေတောင် ရှင်းရှင်းလင်းလင်းသိနေတဲ့ကိစ္စပါ။ 

    NUG ကို လက်ခံတွေ့ဆုံတဲ့ နိုင်ငံတကာက ကိုယ်စားလှယ်တွေဆိုတာလည်း အရမ်းအားနေလို့ လက်ခံတွေ့ဆုံနေတာမဟုတ်ဘူးဆိုတာကို အားလုံးသဘောပေါက်ကြပါတယ်။

    လက်တွေ့ကျတဲ့ ကိစ္စတစ်ခုကိုပြောပါဆိုရင် ခုလောလောဆယ်တော့ အဲဒီကုလသမဂ္ဂအစည်းအဝေးတွေထဲက တစ်ခုကနေ စစ်ကောင်စီရဲ့ အရှိုက်ကို ထိုးနှက်လိုက်ပါပြီ။ အဲဒါကတော့ လူ့အခွင့်အရေးဆိုင်ရာ မဟာမင်းကြီး ဗော်လ်ခါတာခ့်က မြန်မာ့အရေးကို နိုင်ငံတကာရာဇဝတ်မှုတရားရုံး (ICC) က လွှဲပြောင်း ကိုင်တွယ်ပေးဖို့ ကုလသမဂ္ဂကို တိုက်တွန်းလိုက်တာပါ။

    (more…)

  • စစ်အုပ်စုအတွင်း ဗလောင်းဗလဲ အပြောင်းအလဲများ 

    စစ်အုပ်စုအတွင်း ဗလောင်းဗလဲ အပြောင်းအလဲများ 

    “ပြည်ထဲရေးဝန်ကြီးဒုဗိုလ်ချုပ်ကြီး စိုးထွဋ်လည်း အနားပေးခံရကာ ဒုဗိုလ်ချုပ်ကြီး ရာပြည့်အား ပြည်ထဲရေးဝန်ကြီးအဖြစ် ခန့်အပ်ခဲ့သည်။ ဒုဗိုလ်ချုပ်ကြီးရာပြည့်သည် ဦးသန်းရွှေလက်ထက်က တိုင်းမှူး တာဝန်ပေးခံရသူဖြစ်ခဲ့သလို လက်ရှိ ဒုတပ်ချုပ် ဒုဗိုလ်ချုပ်မှူးကြီးစိုးဝင်းနှင့် စစ်တက္ကသိုလ်အပတ်စဉ် ၂၂ တွင် အတူတက်ရောက်ခဲ့သူ”

    ငြိမ်းမောင် 

    နိုင်ငံတော်စီမံအုပ်ချုပ်ရေးကောင်စီဟု အမည်ပေးထားသော စစ်ကောင်စီကို ပြင်ဆင်ဖွဲ့စည်းခဲ့ရာ ဖမ်းဆီးစစ်ဆေးခံနေရသည့် ဒုဗိုလ်ချုပ်ကြီးများဖြစ်သည့် စိုးထွဋ်နှင့် မိုးမြင့်ထွန်းတို့မပါတော့ပေ။ ထိုစစ်ကောင်စီအပြောင်းအလဲပြုလုပ်ချိန် ဗိုလ်ချုပ်ကြီး မြထွန်းဦး တရုတ်သို့ ရောက်ရှိနေလေသည်။

    စစ်အုပ်စုက ထိပ်ပိုင်းခေါင်းဆောင် ၃ ဦးနှင့်ပတ်သက်၍ ပြန်ဆက်ရမည်ဆိုလျှင် စစ်ကောင်စီသည် ဒုဗိုလ်ချုပ်ကြီးမိုးမြင့်ထွန်းကို လာဘ်စားမှု၊ ဒေါ်လာအရောင်းအ၀ယ် မသမာမှု၊ ပို့ကုန်သွင်းကုန်ကိစ္စများနှင့်ပတ်သက်ပြီး ဖမ်းဆီးစစ်ဆေးကာ နေအိမ်နှင့်ပိုင် ဆိုင်မှုများကို သိမ်းဆည်းလိုက်ပြီဟု သတင်းများထွက်ပေါ်ပြီးနောက် ယခုကဲ့သို့ စစ်ကောင်စီ အဖွဲ့၀င်အဖြစ်မှ ထုတ်ပယ်ခဲ့ခြင်းလည်းဖြစ်သည်။ အလားတူ ဒုဗိုလ်ချုပ်ကြီး စိုးထွဋ်ကိုလည်း စီးပွားရေးလုပ်ငန်းများနှင့်ပတ်သက်၍ခေါ်ယူစစ်‌ဆေးပြီးနောက် ပြည်ထောင်စုအစိုးရအဖွဲ့ရုံး ၀န်ကြီးရာထူးမှ ဖယ်ရှားကာ စစ်ဘက်သို့ပြန်လည်ခေါ်ယူခဲ့သည်။

    ဒုဗိုလ်ချုပ်ကြီး မိုးမြင့်ထွန်းမှာ မင်းအောင်လှိုင်၏ ယုံကြည်အားထားရသူဖြစ်သည်။၂၀၂၁ ခုနှစ် ဖေဖော်ဝါရီ ၁ ရက် စစ်တပ်က အာဏာသိမ်းသောညက နိုင်ငံတော်သမ္မတ ဦးဝင်းမြင့်နှင့် ဇနီးကို သွားရောက်ဖမ်းဆီးသည့် အဖွဲ့ကို ဦးဆောင်ခဲ့သူလည်း ဖြစ်သည်။ အာဏာသိမ်းပြီးနောက် ပြည်ထဲရေးဝန်ကြီးဖြစ်လာသူဒုဗိုလ်ချုပ်ကြီးစိုးထွဋ်သည်လည်း ၈၈ မျိုးဆက်ကျောင်းသားခေါင်းဆောင်ဟောင်း ကိုဂျင်မီ၊ လွှတ်တော်အမတ်ဟောင်း ဦးဖြိုးဇေယျာသော်နှင့် ဒီမိုကရေစီလိုလားသူ အရပ်သားနှစ်ဦးတို့ကို ကြိုးပေးကွပ်မျက်ခဲ့ရာတွင် အနီးကပ်ကြီးကြပ်ခဲ့သူဖြစ်သည်။ 

    (more…)

  • ဆိပ်မူကျေးရွာရှိ စစ်ကောင်စီ၏ စရဖရုံး စီးနင်းခံရ

    ဆိပ်မူကျေးရွာရှိ စစ်ကောင်စီ၏ စရဖရုံး စီးနင်းခံရ

    RNA_ဖားကန့်၊ စက်တင်ဘာ (၂၅)၊ ၂၀၂၃ ခုနှစ်။

    ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာရှိ စစ်ကောင်စီ၏ စရဖ (စစ်ဘက်ရေးရာလုံခြုံရေးတပ်ဖွဲ့) ရုံးအား ယနေ့ နံနက် (၄)နာရီခန့်က KIA/KPDF များက ဝင်ရောက်စီးနင်းခဲ့ကြောင်း သိရသည်။

    စီးနင်းခံရသည့် စဖရရုံး

    “ကျနော်တို့ဘက်ကတော့ အထိအခိုက်မရှိပါဘူး၊ အရှင်မိတာရှိတယ်၊ အသက်(၂၅)ဝန်းကျင် အမျိုးသား၊ သူ့အမျိုးသမီးနဲ့ကလေး၊ နောက်အမျိုးသမီးတစ်ယောက်၊ အကုန်လုံးကို ကောင်းကောင်းမွန်မွန်ပဲ ထိန်းသိမ်းထားပါတယ်၊ စာရွက်စာတမ်းတွေသိမ်းဆည်းတယ်ပေါ့”ဟု KPDF ရဲဘော်တစ်ဦးက ပြောသည်။

    ဆပ်မူကျေးရွာမြင်ကွင်း

    စက်တင်ဘာ ၂၁ ရက်နေ့ကလည်း ဖားကန့်မြို့၊ ဆိပ်မူဗျူဟာကုန်းမှ စစ်ကောင်စီတပ် ပါတ်ကင်းလှည့်ရန်ထွက်လာသည့်ရဲကားကို KPDF က ပစ်ခတ်တိုက်ခိုက်ခဲ့သည့်အတွက် ရဲတစ်ဦးသေဆုံးခဲ့သည်။

    #RedNewsAgency

  • နေပြည်တော်ကို ကာကွယ်ဖို့ မန္တလေးဟာ စစ်​ကောင်စီရဲ့နောက်ဆုံးခံတပ်လား?

    နေပြည်တော်ကို ကာကွယ်ဖို့ မန္တလေးဟာ စစ်​ကောင်စီရဲ့နောက်ဆုံးခံတပ်လား?

    “မန္တလေးမြို့ကို ဦးတည်တဲ့  “ကနောင် စစ်ဆင်ရေး” ဟာ စစ်ကောင်စီကို အဓိက တုန်လှုပ်စေခဲ့ခြင်းဖြစ်တယ်။ ဘာ့ကြောင့်လဲဆိုတော့ မြန်မာပြည်အထက်ပိုင်းကနေ စစ်ကောင်စီအခြေစိုက်တဲ့ နေပြည်တော်ကို ဝင်ဖို့ဆိုရင်၊ မန္တလေးဟာ အဓိက ခံတပ်သဖွယ်ဖြစ်နေတာကြောင့်ပါ။ တောင်ပိုင်းမှုဆိုရင် KNU လက်အောက်ခံ တပ်တွေဟာ စစ်တောင်းမြစ်တဖက်ကမ်းကနေ စိမ့်ဝင်လာပြီး၊ ရေတာရှည်၊ ဆွာ၊ သာဂရ၊ မြို့လှ၊ ရေနီဘက်ကနေလည်း ဝင်မလာနိုင်အောင် စစ်တပ်အနေနဲ့ ဂိတ်စခန်းတွေအခိုင်အမာချပြီး ပိတ်ဆို့မှုတွေလုပ်ဆောင်နေတာပါ”

    မောင်ဝိ

    ပြီးခဲ့တဲ့ စက်တင်ဘာ ၁၀ ရက်နေ့မှာ မန္တလေး PDF ရဲ့ တိုက်ပွဲသတင်းကို ဖတ်မိပြီး တကယ့်ကိုအားတက်သွားခဲ့တယ်။ အဲ့ဒါက စစ်ကောင်စီကို ၃ လတာတိုက်ခိုက်ခဲ့တဲ့ မန္တလေး PDF  ရဲ့ “ကနောင် စစ်ဆင်ရေး” ပဲဖြစ်တယ်။ကနောင် စစ်ဆင်ရေးကို ဇူလိုင် ၁၅ ရက်ကနေ စက်တင်ဘာ ၁၀ ရက်အထိ မန္တလေးတိုင်း မတ္တရာ၊ မိုးကုတ်နဲ့ ရှမ်းမြောက် နောင်ချို၊ ကျောက်မဲမြို့နယ်တွေမှာ ဖော်ဆောင်ခဲ့တာဖြစ်တယ်။ တိုက်ပွဲအတွင်းမှာဆိုရင် စစ်တပ်ဘက်က ဗိုလ်ကြီး ၂ ဦး၊ စစ်ကြောင်းမှူးတစ်ဦး၊ ဒုစစ်ကြောင်းမှူးတစ်ဦးနဲ့ တပ်သား ၇၆ ဦး သေဆုံးခဲ့တယ်လို့ ဖော်ပြထားပါတယ်။

    ဒါဟာ “ကနောင်စစ်ဆင်ရေး”ရဲ့ တစ်စိတ်တစ်ပိုင်းသာရှိသေးပြီး စစ်ဆင်ရေးဟာယခုထိမပြီးဆုံးသေးဘူးလို့လည်း မန္တလေး PDF ကကြေညာထားပါတယ်။ အခုလိုမျိုးပဲ မန္တလေး PDF ရဲ့ တိုက်ပွဲပုံဖော်မှု ကြီးကြီးမားမားနောက်တခုရှိပါသေးတယ်။ အဲ့ဒါကမန္တလေးတိုင်း၊ ပြင်ဦးလွင်မြို့နယ်နဲ့ ရှမ်းပြည်နယ်၊ နောင်ချိုမြို့ နယ်တွေမှာ အာဏာ သိမ်းစစ်ကောင်စီတပ်နဲ့ ပြီးခဲ့တဲ့ ၂၀၂၂ ခုနှစ် ဩဂုတ်လ ၂၄ ရက်နေ့ကစပြီး၊ ဩဂုတ်လ ၃၀ ရက်နေ့အထိ စစ်ကောင်စီကို ထိုးစစ်ဆင် တိုက်ခိုက်ခဲ့တာပါ။ တိုက်ပွဲအတွင်း မန္တလေးPDFနဲ့မဟာမိတ်ပူးပေါင်းတပ်တွေရဲ့ ပိတ်ဆို့ တိုက်ခိုက်မှုကြောင့် စစ်ကောင်စီတပ်ဘက်က (၄၀) ဝန်းကျင်သေတယ်လို့ ခန့်မှန်းရပြီး၊ စစ်ကောင်စီက လေကြောင်းကနေပါ ဗုံးကြဲတိုက်ခိုက်ခဲ့ရတာပါ။

    ဒီတိုက်ခိုက်မှုတွေကိုကြည့်ရမယ်ဆိုရင် ပြည်သူ့ကာကွယ်ရေးတပ်ဖွဲ့တွေရဲ့ တိုက်ခိုက်ရေးစွမ်းရည်တိုးတက်လာမှုကိုမြင်တွေ့နိုင်တယ်။ ဒီနေရာမှာ မန္တလေး PDF ရဲ့စတင်တိုက်ခိုက်တဲ့ အချိန်မှာ ထူးခြားချက်တခုတွေ့ရတယ်။ ဒါက စစ်တပ်ကိုစတိုက်ပြီဆိုရတည်းက ကတုတ်ကျင်းတွေ တူးပြီးတိုက်လာတာအပြင်၊ ပျောက်ကြားနဲ့ သမရိုးကျ တိုက်ပွဲကိုပေါင်းစပ်တိုက်ခိုက်လာနိုင်တာပါ။ ဒါ့အပြင် လူမှုကွန်ယက်တွေကပုံအရဆိုရင် မန္တလေး PDF ရဲ့ ပုံရိပ်တွေဟာ တကယ့်တပ်မတော် အသွင်မျိုးဖြစ်ပြီး၊ စွမ်းရည်ပြည့်ဝတဲ့ အသွင်သဏ္ဍာန်ဆောင်ပါတယ်။

    (more…)

  • ပုလဲမြို့က ထွက်လာသည့် စစ်ကြောင်းနှင့် ဒေသခံပူးပေါင်းတပ်များ ယနေ့ တိုက်ပွဲဖြစ်

    ပုလဲမြို့က ထွက်လာသည့် စစ်ကြောင်းနှင့် ဒေသခံပူးပေါင်းတပ်များ ယနေ့ တိုက်ပွဲဖြစ်

    RNA_စက်တင်ဘာ(၁၂)၊ ၂၀၂၃ ခုနှစ်။

    စစ်ကိုင်းတိုင်း၊ ပုလဲမြို့မှ ထွက်လာသည့် အင်အား ၈၀ ခန့်ရှိ စစ်ကောင်စီတပ်စစ်ကြောင်း ပြီးခဲ့သည့်ညက နွယ်ရှောက်ကျေးရွာတွင်် ညအိပ်ပြီးနောက် ယနေ့ နံနက် ၉ နာရီ ၃၀ မိနစ်ဝန်းကျင်က ကျောင်းသားတပ်မတော် နှင့် ပြည်သူ့ကာကွယ်ရေးတပ်မတော် (PDF) ယင်မာပင်ခရိုင် တပ်ရင်းများ ၊ ဒေသခံကာကွယ်ရေးအဖွဲ့များ ပူးပေါင်းတိုက်ခိုက်ခဲ့ကြကြောင်း ABSDF Column – 3 က ထုတ်ပြန်ထားသည်။

    စစ်ကောင်စီတပ်စစ်ကြောင်းကို ကျောင်းသားတပ်မတော်(ချင်းတွင်းဒေသတပ်ရင်း)၊ ပြည်သူ့ကာကွယ်ရေးတပ်မတော်( PDF)၊ ယင်းမာပင်ခရိုင်တပ်ရင်း (၃)၊ တပ်ရင်း(၄)၊ တပ်ရင်း(၅)၊ တပ်ရင်း(၆)၊ တပ်ရင်း(၇)၊ တပ်ရင်း(၈)၊ တပ်ရင်း(၁၀)၊ တပ်ရင်း(၁၁)၊တပ်ရင်း (၁၂)၊ တပ်ရင်း (၁၉)၊ တပ်ရင်း(၃၈)၊ ရဲခေါင်ပြောက်ကျား၊ ကိုယ်ပျောက်ဆင်ကြီး၊ မုဆိုးလေးအဖွဲ့၊ သခင်ကြီးဒေါင်းညိုအဖွဲ့၊ ဗမာအမျိုးသားတော်လှန်ရေးတပ်မတော် (BNRA)နှင့် Burma Democratic Libration Front ( B.L . D.F) တို့မှ ပူးပေါင်းတိုက်ခိုက်ခဲ့ကြောင်း ထုတ်ပြန်ချက်တွင် ဖော်ပြထားသည်။

    #RedNewsAgency

  • TNLAနှင့် မန္တလေး PDF ပူးပေါင်းစစ်ဆင်ရေးတွင် စစ်ကောင်စီဘက်မှ ၈၀ ဦး ကျဆုံး

    TNLAနှင့် မန္တလေး PDF ပူးပေါင်းစစ်ဆင်ရေးတွင် စစ်ကောင်စီဘက်မှ ၈၀ ဦး ကျဆုံး

    RNA_စက်တင်ဘာ(၁၂)၊၂၀၂၃ ခုနှစ်။

    တအာင်းအမျိုးသားလွတ်မြောက်ရေးတပ်မတော် (TNLA)နှင့် ပြည်သူ့ကာကွယ်ရေးတပ်မတော် (မန္တလေး) တို့ပူးပေါင်းကာ ဇူလိုင်လမှ စတင်သည့် “ကနောင် စစ်ဆင်ရေး” တွင် စစ်ကောင်စီဘက်မှ ဗိုလ်ကြီး (၂) ဦးအပါအဝင် ၈၀ ဦးကျဆုံးပြီး လက်နက်ခဲယမ်းများ သိမ်းဆည်းရမိကြောင်း သိရသည်။

    (more…)

  • ပြည်သူ့ခုခံတော်လှန်စစ် ၂ နှစ်အတွင်း ခံစစ်ပြင်လာရတဲ့ စစ်ကောင်စီ

    ပြည်သူ့ခုခံတော်လှန်စစ် ၂ နှစ်အတွင်း ခံစစ်ပြင်လာရတဲ့ စစ်ကောင်စီ

    “လက်နက်ကိုင်တော်လှန်ရေး ၂ နှစ်အတွင်း စစ်ကောင်စီဟာသူတို့ကိုယ်တိုင် လမ်းတွေဖျက်တာအပြင်၊ စခန်းမကျအောင် အခိုင်အမာတည်ဆောက်နေရတဲ့အနေအထားပဲဖြစ်တယ်။ယခု နွေဦးတော်လှန်ရေးဟာ ပြည်သူတရပ်လုံးအပြင်၊ တိုင်းရင်းသားလက်နက်ကိုင်အင်အားစုတွေ၊ အခြားသော အင်အားစုတွေကလည်း တော်လှန်ရေးမှာ စုစည်းပါဝင် ဆောင်ရွက်နေကြတယ်”

    မောင်ဝိ

    ၂၀၂၁ ခုနှစ် အာဏာစသိမ်းပြီဆို ကတည်းက လက်နက်အားကိုးအာဏာလုတဲ့စစ်တပ်က တပ်တွေထဲမှာ အရံအတားတွေ စပြီး လုပ်လာကြတယ်။ လူနဲ့ လက်နက်အင်အားအသုံးပြုပြီး လုံခြုံရေးတွေ ပိုချလာသလို၊ တပ်ပတ်ဝန်းကျင်မှာ ပြင်ပကနေ ခိုးဝင်မှာစိုးလို့ ခြံစည်းရိုးအစပ်နားတွေကို ဇီးဆူးတွေ၊ သံဆူးကြိုးတွေ အခိုင်အမာလုပ်လာကြတယ်။ အာဏာသိမ်းခါစဆိုပေမယ့် နောက်ဆက်တွဲကြုံလာရမယ့် ကိစ္စတွေကို စစ်တပ်ကလည်းသိပုံပေါ်ပါတယ်။

    အခုလက်ရှိ ၂၀၂၃ ကာလမှာ စစ်တပ်က တပ်ပတ်ဝန်းကျင်တွေကို တူးမြောင်းတွေ၊ ကတုတ်ကျင်းတွေကိုပေါ်ပေါ်ထင်ထင်ပဲ ထပ်လုပ်ကြတယ်။အသိသာဆုံးဥပမာပေးရရင် ၂၀၂၃ ခုနှစ်၊ မေလ ထဲမှာပဲ၊ ကရင်ပြည်နယ် ကော့ကရိတ်ကနေ ကြာအင်းဆိပ်ကြီးကို ဆက်သွယ်တဲ့ ကမိုင်ကုန်းနဲ့ တောင်ကြာအင်း လမ်းမကြီးနှစ်ခုကို စစ်ကောင်စီတပ်က ဖျက်ဆီးပစ်လိုက်တယ်။ နောက်ထပ်လည်း ဩဂုတ် ၉ ရက်မှာ မကွေးတိုင်း၊ ဆိပ်ဖြူမြို့နယ်၊ ကုန်းရွာကျေးရွာ အနောက်ဘက် ကျစ်ပြင်ရွာကိုသွားတဲ့ လမ်းနဲ့ ကုန်းရွာ မြောက်ဘက် ငါးချဉ်ချောင်းရွာကိုသွားတဲ့ လမ်းတွေကို စစ်တပ်က လာရောက်ဖျက်ဆီးသွားတယ်လို့ သိရတယ်။

    ဆက်လက်ပြီးစက်တင်ဘာလ ၅ ရက်နေ့ မွန်းလွဲပိုင်းက ဖြူးမြို့နယ်၊ ကင်မွန်းခြုံ ရွာထိပ်က ဖြူး-ဘန်းလောင် လမ်းပိုင်းကို ဖြူးမြို့ပေါ်မှ စစ်သားများနဲ့ ရဲများက ဘူဒိုဇာဖြင့် လာရောက်ဖျက်ဆီးသွားခဲ့ပြီး၊အဲ့ဒီလမ်းပိုင်းဟာ ဖြူးမြို့နဲ့ ၂ မိုင်ခန့်ပဲကွာဝေးပါတယ်။ ဒီလိုလုပ်ရခြင်းကလည်း ဖြူးမြို့ပေါ်က စစ်တပ်စခန်းတွေလာရောက်တိုက်ခိုက်ခံရမှာစိုးတဲ့အတွက်ကြောင့်လို့ သိရတယ်။

    (more…)

  • ဗကသ ဥက္ကဋ္ဌဟောင်း ကိုကျော်ကိုကိုဖခင် ဖမ်းဆီးခံရ

    ဗကသ ဥက္ကဋ္ဌဟောင်း ကိုကျော်ကိုကိုဖခင် ဖမ်းဆီးခံရ

    RNA_စက်တင်ဘာ(၁၁)၊၂၀၂၃ ခုနှစ်။

    ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် ဗဟိုလုပ်ငန်းကော်မတီ ဥက္ကဋ္ဌဟောင်း ကိုကျော်ကိုကိုဖခင် ဦးကျော်အေးကို တာမွေမြို့နယ်ရဲစခန်းမှ စစ်ကောင်စီလက်အောက်ခံများက ယမန်နေ့ (စက်တင်ဘာလ (၁၀) ရက်နေ့ နံနက်က နေအိမ်ကို လာရောက်ဖမ်းဆီးသွားကြောင်း သိရသည်။

    “ကျောင်းသားခေါင်းဆောင် ကျော်ကိုကိုရဲ့အဖေပါ ယနေ့အချိန်အထိ အကြမ်းအားပေး သွေးထိုးလှုံ့ဆော်လျက်ရှိ” ဆိုပြီး စစ်ကောင်စီလော်ဘီ ဟန်ငြိမ်းဦးတယ်လီဂရန်မှ လိပ်စာနှင့်တကွ တင်ပြီးနောက် စက်တင်ဘာလ ၁၀ ရက်နေ့က နေအိမ်မှနေပြီး ဖမ်းဆီးခေါ်ဆောင်သွားခံရကြောင်း၊ ပုဒ်မတပ်ကာ တရားစွဲဆိုထားပြီဖြစ်ကြောင်း သိရသည်။

    ကိုကျော်ကိုကို၏ ဖခင်သည် နိုင်ငံရေးနှင့် မသက်ဆိုင်ဟုဆိုကာ နေအိမ်တွင်ပင် နေထိုင်ကြောင်း၊ သားဖြစ်သူ ကိုကျော်ကိုကိုသည် ဗသက ဥက္ကဋ္ဌဟောင်းတဦးဖြစ်ပြီး၊ ယနေ့အချိန်တွင် ဆိုရှယ်ဒီမိုကရက်တစ်ပါတီခေါင်းဆောင်တဦးဖြစ်ကြောင်း၊ အာဏာသိမ်းပြီးချိန်မှစပြီး သားဖြစ်သူနှင့် မိသားစုမှာ အဆက်သွယ်မရှိကြောင်း သိရသည်။

    #RedNewsAgency

  • စစ်ရာဇဝတ်မှုများ ကြိုတင်ဟန့်တားနိုင်ရေးအတွက် BNRA ဖွဲ့စည်းဟု ဗိုလ်နဂါးပြော

    စစ်ရာဇဝတ်မှုများ ကြိုတင်ဟန့်တားနိုင်ရေးအတွက် BNRA ဖွဲ့စည်းဟု ဗိုလ်နဂါးပြော

    စစ်ရာဇဝတ်မှုများ ကြိုတင်ဟန့်တားနိုင်ရေးနှင့် ပြည်သူကို ကာကွယ်နိုင်ရေးအတွက် BNRA ဖွဲ့စည်းဟု ဗိုလ်နဂါးပြော

    RNA_စက်တင်ဘာ(၉)၊၂၀၂၃ ခုနှစ်။

    တော်လှန်ရေးအလွန်ကာလ ပြန်လည်ထူထောင်ရေးကာလမှာ ဖြစ်ပေါ်လာနိုင်သည့် လက်နက်ကိုင်များ၏ စစ်ရာဇဝတ်မှုများ ကြိုတင်ဟန့်တားနိုင်ရေးနှင့် ပြည်သူများအတွက် ရဲရဲဝံ့ဝဲ့ မားမားမတ်မတ်ရပ်တည်နိုင်ရေးအတွက် ပြည်သူ့တပ်မတော်ပေါ်ပေါက်လာရခြင်းဖြစ်သည်ဟု ဗိုလ်နဂါးက ပြောကြားထားသည်။

    [embedyt] https://www.youtube.com/watch?v=XC1x5r3S7wI[/embedyt]

    ယနေ့ ပြုလုပ်သည့် ဗမာအမျိုးသားတော်လှန်ရေးတပ်မတော်- Burma National Revolutionaty Army ( BNRA) ဖွဲ့စည်းခြင်းအခမ်းအနားတွင် ဗိုလ်နဂါးက ပြောကြားထားခြင်းဖြစ်ပြီး၊ ယင်းအဖွဲ့အစည်းတည်ထောင်ခြင်းနှင့်ပတ်သက်ပြီး NUG-MOD တာဝန်ရှိသူများနှင့်လည်း ဆွေးနွေးတိုင်ပင်ခဲ့ဖူးကြောင်း၊ တော်လှန်ရေးလိုအပ်ချက်အရ ပေါ်ပေါက်ခဲ့ခြင်းဖြစ်ကြောင်း ထည့်သွင်းပြောကြားထားသည်။

    Red News Agency