RNA_စက်တင်ဘာ(၁၁)၊၂၀၂၃ ခုနှစ်။
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် ဗဟိုလုပ်ငန်းကော်မတီ ဥက္ကဋ္ဌဟောင်း ကိုကျော်ကိုကိုဖခင် ဦးကျော်အေးကို တာမွေမြို့နယ်ရဲစခန်းမှ စစ်ကောင်စီလက်အောက်ခံများက ယမန်နေ့ (စက်တင်ဘာလ (၁၀) ရက်နေ့ နံနက်က နေအိမ်ကို လာရောက်ဖမ်းဆီးသွားကြောင်း သိရသည်။
“ကျောင်းသားခေါင်းဆောင် ကျော်ကိုကိုရဲ့အဖေပါ ယနေ့အချိန်အထိ အကြမ်းအားပေး သွေးထိုးလှုံ့ဆော်လျက်ရှိ” ဆိုပြီး စစ်ကောင်စီလော်ဘီ ဟန်ငြိမ်းဦးတယ်လီဂရန်မှ လိပ်စာနှင့်တကွ တင်ပြီးနောက် စက်တင်ဘာလ ၁၀ ရက်နေ့က နေအိမ်မှနေပြီး ဖမ်းဆီးခေါ်ဆောင်သွားခံရကြောင်း၊ ပုဒ်မတပ်ကာ တရားစွဲဆိုထားပြီဖြစ်ကြောင်း သိရသည်။
ကိုကျော်ကိုကို၏ ဖခင်သည် နိုင်ငံရေးနှင့် မသက်ဆိုင်ဟုဆိုကာ နေအိမ်တွင်ပင် နေထိုင်ကြောင်း၊ သားဖြစ်သူ ကိုကျော်ကိုကိုသည် ဗသက ဥက္ကဋ္ဌဟောင်းတဦးဖြစ်ပြီး၊ ယနေ့အချိန်တွင် ဆိုရှယ်ဒီမိုကရက်တစ်ပါတီခေါင်းဆောင်တဦးဖြစ်ကြောင်း၊ အာဏာသိမ်းပြီးချိန်မှစပြီး သားဖြစ်သူနှင့် မိသားစုမှာ အဆက်သွယ်မရှိကြောင်း သိရသည်။
#RedNewsAgency