RNA ၊ နိုဝင်ဘာ၂ ၊ ၂၀၂၂ ခုနှစ် ။
ရန်ကုန်တိုင်း သာကေတမြို့နယ်ရှိ အ.မ.က အမှတ် ၂၉ နှင့် ဒဂုံဆိပ်ကမ်းမြို့နယ် ၆၇ ရပ်ကွက်တို့တွင် အစာဆိပ်သင့်မှု ဖြစ်ပွားသဖြင့် ကလေး ၆၀ ကျော် ဆေးရုံများသို့ ပို့ဆောင်ထားရကြောင်း သတင်းရရှိသည်။
“ဒီနေ့ ကျောင်းတစ်ကျောင်းမှာ ကလေးတွေ အစာအဆိပ်သင့်မှု ဖြစ်လို့ ရန်ကင်းကလေးဆေးဆုံမှာ လူတွေများနေတယ်လို့ အဲဒီနေရာရောက်နေတဲ့ ဘော်ဒါ Taxi သမားတစိယောက်က လှမ်းပြောတယ်။ အဲဒီကို သွားပြီး ခရီသည်အော်ဒါ လာရှာဖို့ လှမ်းပြောတယ် ” ဟု အငှားယာဥ် မောင်းတစ်ဦးက ပြောသည်။
သာကေတရှိ အ.မ.က ၂၉ KG တန်းမှ ကျောင်းသားကျောင်း ၂၀ခန့်မှာ ကြာဇံကြော်စားအပြီး မူးဝေအော့အန်မှုဖြစ်ကးပွဲခဲ့သဖြင့် မွန်းလွဲ ၁ နာရီတွင် ရန်ကင်းကလေးဆေးရုံသို့ အရေးပေါ်လူနာတင်ကားများဖြင့် ပို့ဆောင်လိုက်ကြောင်း သိရသည်။
” ရန်ကုန် ဟယ်လ်ပင် ကလေး ဆေးရုံကြီး အရေးပေါ် နဲ့ ပြင်ပ့ လူနာဌာနကို ရောက်လာတဲ့ အစား အဆိပ်သင့် ကလေး လူနာတွေကို ဒီနေ့ မိတ်ဖက် အသင်းများ နဲ့ အတူ ပူပေါင်း ဆောင်ရွက်ကူညီနေပါတယ်” လို့ ပရဟိတ အသင်းမှ တာဝန် ရှိတစ်ဦးကပြောသည်။
အလားတူ ဒဂုံဆိပ်ကမ်းမြို့နယ်ရှိ ၆၇ ရပ်ကွက်တွင်လည်း ကလေးငယ်များ အစာဆိပ်သင့်သည့် လက္ခဏာများတွေ့ရသဖြင့် ကလေးငယ်များစုနှင့် လူကြီးအချို့ပါဝင်သော အဆိပ်သင့် လူနယ စုစုပေါင်း ၄၅ ဦးခန့်ကို ပရဟိတကားများဖြင့် ဆေးရုံများသို့ အသီးသီးပို့ဆောင်လိုက်ရကြောင်း သိရသည်။
ဒီနေ့တစ်နေ့လုံး ကန်တော်ကြီး ပတ်လမ်း သိမ်ဖြူလမ်းတို့မှာ အရေပေါ်ကားတွေ သွားနေတယ် ညံနေတာပဲ။ စုံစမ်းကြည့်လိုက်တော့ အစာအဆိပ်သင့်တာလို့ ပြောတယ် ” ဟု မဂ်လာတောင်ညွှန့်မြို့နယ် နေထိုင်သူတစ်ဦးက ပြောသည်။
သကေတရှိ အ.မ.က ကျောင်းတစ်ကျောင်းတွင် ကြာဇံကြော် စားခဲ့ရမှ အစာအဆိပ်သင့်မှု ဖြစ်ပွားခဲ့ကြောင်း သိရသော်လည် ဒဂုံဆိပ်ကမ်းရှိ ရပ်ကွက်တစ်ခုတွင် ဖြစ်ပွားရသည့် အကြောင်းအရင်း ကို မသိရှိရသေးသည့်အတွက် ဆက်လက်စုံစမ်းနေသည်။
Red News Agency