RNA_ဇူလိုင် ၁၅၊၂၀၂၂ခုနှစ်။
ဖယ်ခုံမြို့နယ် ၊ ပိန္နဲကုန်းရွာနှင့်မခေခမ်းရွာတို့တွင် တပ်စွဲထားသော စစ်ကောင်စီတပ် ဆက်သွယ်ရေးစက်အထိုင်ချထားသည့်နေရာနှင့်ရိက္ခာဂိုဒေါင်များကို ဇူလိုင်လ ၁၄ ရက်နေ့က အလယ်ပိုင်းတိုင်းအထူးစစ်ဆင်ရေးအဖွဲ့၊ ဖယ်ခုံ PDF တပ်ရင်း ( ၂ )၊ အင်း PDF ၊ နေပြည်တော် PDF ပူးပေါင်းအဖွဲ့တို့မှ RPG နှင့်ပစ်ခတ်တိုက်ခိုက်ခဲ့ကြောင်း သိရသည်။
” ပူးပေါင်းအဖွဲ့များမှ ရန်သူတို့၏ ဆက်သွယ်ရေးစက်အထိုင်ချထားသည့်နေရာနှင့်ရိက္ခာဂိုဒေါင်များကို RPG နှင့်ပစ်ခတ်တိုက်ခိုက်ခဲ့ပါသည်၊ ပူးပေါင်းအဖွဲ့များ၏ တိုက်ခိုက်မှုကြောင့် ရန်သူစကစ ( ၁၁ ) ဦးထက်မနည်းသေဆုံးခဲ့ပါသည်” ဟု အလယ်ပိုင်းတိုင်းအထူးစစ်ဆင်ရေးအဖွဲ့က ယနေ့ ထုတ်ပြန်ထားသည်။
စစ်ကောင်စီတပ် စစ်ကြောင်းများ၊ ကင်းစခန်းများကို ရှမ်း-ကယား အစပ်တွင် နေ့စဉ်နီးပါးတိုက်ခိုက်ခံနေရကြောင်း၊ ကရင်နီပြည် ဒေသခံကာကွယ်ရေး တပ်ဖွဲ့များကလည်း နေစဉ်နီးပါးတိုက်ခိုက်နေကြောင်း သိရသည်။
Red News Agency