အောင်နိုင်သူ၊ ကျောက်တော်|နိုဝင်ဘာ ၂၂ ရက်။
ရခိုင်ပြည်နယ် ကျောက်တော်မြို့နယ် ကုလားတန်းမြစ်ထဲတွင် မြန်မာ့တပ်မတော်(ရေ)၏ နေဗီမှ လက်နက်ကြီး ပစ်ခတ်မှုကြောင့်နိုဝင်ဘာလ ၂၂ ရက် (ယနေ )နံ နက် ၇ နာရီခန့်က ကသစ်တောကျေးရွာ သား ၂ ဦးထိခိုက်ဒဏ်ရာရရှိခဲ့သည်။
အဆိုပါ ၂ ဦးမှာ ကျောက်တော်မြို့နယ် ကသစ်တောကျေးရွာနေ ဦးထွန်းစိန်၏သား အသက် ၇၃ နှစ်အရွယ် ဦးထွန်းလှဖြူဖြစ်ပြီး ဘယ်ဖက်ခြေသလုံးကြေမွဒဏ်ရာနှင့် ဦးမောင်မောင်၏သား အသက် ၁၉ နှစ်အရွယ် ကိုစိုးစိုးလင်း ဘယ်ဘက်တံ တောင်နှင့်ညာဖက်ပေါင်တို့တွင် လက်နက်ကြီးကျည်စများထိမှန် ဒဏ်ရာရခဲ့ခြင်းဖြစ်သည်။
ထို ၂ ဦးကို ယနေ့နေ့လည် ၂ နာရီကျော်အချိန်က ကျောက်တော်ဆေးရုံမှ စစ်တွေပြည်သူ့ဆေးရုံကြီးသို့ ဖြူစင်မေတ္တာပရဟိတအသင်း၏အရေးပေါ် လူနာတင်ယာဉ်ဖြင့် ပို့ဆောင်ပေးခဲ့သည်။