RNA_ဇန်နဝါရီ (၇)၊၂၀၂၃ ခုနှစ်။
စစ်ကိုင်းအခြေစိုက် စစ်ကောင်စီတပ် တပ်မ ၃၃ မှ တပ်သားများလိုက်ပါလာသည့် ယာဉ် (၂) စီးကို မြင်းမူမြို့နှင့် ဝမ်းပြည့်ကျေးရွာအကြားတွင် ယနေ့ နံနက် (၆) နာရီဝန်းကျင်က ဒေသခံပြည်သူ့ကာကွယ်ရေးတပ်ဖွဲ့များက မိုင်းခွဲတိုက်ခိုက်သည့်အတွက် (၅) ဦးသေဆုံးသွားကြောင်း သိရသည်။
“သူတို့က ကားနှစ်စီးနဲ့လာတာဆိုတော့ အသေကောင်တွေကို ပြန်တင်သွားတယ်၊ သူတို့ပစ်တာကတော့ ရက်ရက်စက်စက်ပဲ သူတို့သွားမှ သွားကြည့်တာတော့ ကားထိပြီး အပျက်အစီးတွေ မှန်ကွဲစတွေ သဲတွေနဲ့ဖုံးထားတဲ့ သွေးကွက်တွေ တွေ့ရတယ်၊ အဲလောက် ကျတယ်ဆိုတဲ့ သတင်းလဲရခဲ့တယ်” ဟု People’s Army To Fight Dictatorship(PAFD) တပ်ဖွဲ့ဝင် တဦးက ပြောသည်။