Red News Agency

Independent Journalism for Justice and Human Rights.

Author: Editor

  • ရန်ကုန်တိုင်းစစ်ကြောရေးတာဝန်ခံ ဗိုလ်မှူးသန်းထွဋ်အပါအဝင် (၄) ဦး ပစ်ခတ်ခံရပြီးသေဆုံး

    ရန်ကုန်တိုင်းစစ်ကြောရေးတာဝန်ခံ ဗိုလ်မှူးသန်းထွဋ်အပါအဝင် (၄) ဦး ပစ်ခတ်ခံရပြီးသေဆုံး

    RNA_ဇန်နဝါရီ(၂၃)၊၂၀၂၃ ခုနှစ်။

    ရန်ကုန်တိုင်း စစ်ကြောရေးတာဝန်ခံ ဗိုလ်မှူးသန်းထွဋ် (ဒုဗိုလ်မှူးကြီး အစမ်းခန့်)၊ တပ်ကြပ်ကြီးမြင့်အောင်နှင့် အခြား အမျိုးသား (၂) ဦးတို့အား တောင်ငူခရိုင် PDF တပ်ရင်း ၃၅၀၁၊ တပ်ခွဲ ၃ နှင့် တပ်ခွဲ ၆ ပူးပေါင်းအဖွဲ့က ယမန်နေ့ ( ဇန်နဝါရီ ၂၂ ရက်) နေ့လည် ၁ နာရီ ၄၅ မိနစ်ဝန်းကျင်က ရန်ကုန် – မန္တလေး အမြန်လမ်း မိုင်တိုင် (၁၆၁)အနီးတွင် ပစ်ခတ်ခံရပြီး သေဆုံးသွားခဲ့သည်။

    ရန်ကုန်တိုင်း ၉-မိုင်ခွဲ ပြည်လမ်း North Point – Ocean စင်တာ အနီးရှိ အမှတ်(၁)စစ်ဘက်​ရေးရာလုံခြုံ​ရေးအကူ တပ်စစ်ကြောရေးတာဝန်ခံ စရက(၁)တပ်မှူးဗိုလ်မှူးသန်းထွဋ် (ဒုဗိုလ်မှူးကြီး အစမ်းခန့်)နှင့် တပ်ကြပ်ကြီး မြင့်အောင်တို့ လိုက်ပါလာသည့် ယာဉ်အမှတ် YGN. 2N 6158 TOYOTA VANGUARD အမဲရောင်ယာဉ်ဖြင့် ရန်ကုန်-မန္တလေးအမြန်လမ်းအတိုင်းထွက်ခွါလာပြီဖြစ် ကြောင်း YUA အဖွဲ့၏ သတင်းအချက်အလက်ပေးပို့မှုအရ တော်လှန်ရေးတပ်ဖွဲ့ဝင်များမှာ ကင်းပုန်းဝပ်၍ စောင့်ဆိုင်းကာ ဖမ်းဆီးစဉ် ခုခံသဖြင့် ပစ်ခတ်ခဲ့ရခြင်းဖြစ်ကြောင်း Bago PDF က ထုတ်ပြန်ထားသည်။

    (more…)

  • ရွေးကောက်ပွဲ လက်မခံကြောင်း ကျေးရွာ (၅) ရွာအတွင်း လှည့်လည် ဆန္ဒပြ

    ရွေးကောက်ပွဲ လက်မခံကြောင်း ကျေးရွာ (၅) ရွာအတွင်း လှည့်လည် ဆန္ဒပြ

    RNA_ဇန်နဝါရီ(၂၂)၊၂၀၂၃ ခုနှစ်။

    အာဏာသိမ်း စစ်ကောင်စီက ပြုလုပ်မည့် ရွေးကောက် ပွဲကို လက်မခံကြောင်း မကွေးတိုင်း၊ ရေစကြိုမြို့နယ် ဒေသခံပြည်သူများက ယနေ့နံနက်ပိုင်းတွင် ကျေးရွာ (၅) ရွာအတွင်း လှည့်လည်ကာ  ဆန္ဒပြခဲ့ကြသည်။

    မြို့ပြနေပြည်သူများအနေဖြင့် စစ်ကောင်စီနှင့် ပူးပေါင်းခြင်း မပြုလုပ်ရန်နှင့် မြို့ပြပျောက်ကြား လှုပ်ရှားမှုများ ဖော်ဆောင်ခြင်းဖြင့် မြို့ပြနိုင်ငံရေးအရှိန်မြှင့်ဖို့ လိုအပ်နေကြောင်း ဆန္ဒပြပွဲတွင်ပါဝင်သည့် ပြည်သူတဦးက ပြောသည်။

    (more…)

  • စစ်ကောင်စီလက်အောက်ခံ (၃၀) ကျော်သေဆုံးသည့်တိုက်ပွဲတွင် IPDF တပ်ရင်းမှူးနှင့် MBPDF ရဲဘော်မိုးတို့ ကျဆုံး

    စစ်ကောင်စီလက်အောက်ခံ (၃၀) ကျော်သေဆုံးသည့်တိုက်ပွဲတွင် IPDF တပ်ရင်းမှူးနှင့် MBPDF ရဲဘော်မိုးတို့ ကျဆုံး

    RNA_ဇန်နဝါရီ(၂၂)၊၂၀၂၃ ခုနှစ်။

    ရှန်းပြည်နယ် (တောင်ပိုင်း) အင်းလေးဒေသ၊ ညောင်ရွှေမြို့နယ်၊ သန်းတောင်ကျေးရွာနှင့် ဘုရားနီကျေးရွာများအနီးဖြစ်ပွားခဲ့သော တိုက်ပွဲအတွင်း စစ်ကောင်စီလက်အောက်ခံ (၃၀) ကျော်သေဆုံးပြီး အင်းလေးဒေသပြည်သူ့ကာကွယ်ရေးတပ်ဖွဲ့-IPDF ၏ တပ်ရင်း မှူး၊ မိုးဗြဲပြည်သူ့ကာကွယ်ရေးတပ်မှ ရဲဘော်မိုးအပါအဝင် ရဲဘော်တချို့ ကျဆုံးခဲ့ရကြောင်း သိရသည်။

    ဓာတ်ပုံ : မိုးဗြဲပြည်သူ့ကာကွယ်ရေးတပ် (တပ်ရင်းအမှတ် ၁၀၀၇) ရဲဘော်မိုး (ကိုယ်ပိုင်အမှတ် P31007 238)

    စစ်ကောင်စီတပ်နှင့် စစ်ကောင်စီလက်အောက်ခံ အင်းပျူစောထီး၊ PNO(ပြည်သူ့စစ်)တို့ကို ဇန်နဝါရီလ (၃) ရက်နေ့က ညီညွတ်သောရှမ်းတောင်ဖက်ဒရယ်တပ်ပေါင်းစု နှင့်ညီ‌နောင်တပ်ရင်း အမှတ် (၁၀၀၇) တပ်ရင်း (မိုးဗြဲပြည်သူ့ကာကွယ်ရေးတပ်၂ )၊ အမှတ် (၁၀၀၉)တပ်ရင်း(အင်းလေးဒေသပြည်သူ့ကာကွယ်ရေးတပ်ဖွဲ့-IPDF)၊ အလယ်ပိုင်းတိုင်း စစ်ဌာန ချုပ် လက်အောက်ခံ PDF တပ်ရင်းများဖြစ်သော တပ်ရင်းအမှတ် ၁၀၀၅၊ ၁၀၀၈၊၁၀၀၃၊ PNDF စသည့်မဟာမိတ်များက တိုက်ခိုက်ခဲ့ကြခြင်း ဖြစ်သည်။

    (more…)

  • တော်လှန်ရေးရန်ပုံငွေ ကွန်ဒိုတိုက်ခန်း ကန်ဒေါ်လာ ၁၁ သန်းနီးပါး ရောင်းချခဲ့ရ

    တော်လှန်ရေးရန်ပုံငွေ ကွန်ဒိုတိုက်ခန်း ကန်ဒေါ်လာ ၁၁ သန်းနီးပါး ရောင်းချခဲ့ရ

    RNA_ဇန်နဝါရီ(၂၂)၊၂၀၂၃ခုနှစ်။

    နွေဦးတော်လှန်ရေးရန်ပုံငွေအတွက် ရဲရင့်နွေဦးကွန်ဒိုတိုက်ခန်းများ (Spring Valour Condominium)ကို ယမန်နေ့ (ဇန်နဝါရီ ၂၁ ရက်) ည ၁ဝ နာရီမှ စတင်ရောင်းချရာ ယနေ့ နံနက်အထိ အမေရိကန်ဒေါ်လာ ၁၁ သန်းနီးပါးရောင်းခဲ့ရသည်ဟု သိရသည်။

    ရဲရင့်နွေဦးကွန်ဒို အခန်းပေါင်း (၇၇ဝ) ရှိသည့်အနက် တနာရီအတွင်း အခန်းပေါင်း (၇ဝဝ) နီးပါးရောင်းချခဲ့ရ ကြောင်း၊ ဝယ်ယူအားပေးသော တော်လှန်ပြည်သူများနှင့် ကြိုးစားအားထုတ်ရောင်းချပေးသော ကမ္ဘာတလွှားမှ ထောက်ပို့ရဲဘော်များ၊ နည်းပညာနှင့်ဉာဏ်ပညာများ မျှဝေကူညီပေးသူများကို အမျိုးသားညီညွတ်ရေးအစိုးရ စီမံကိန်း၊ဘဏ္ဍာရေးနှင့်ရင်းနှီးမြှုပ်နှံမှုဝန်ကြီး ဌာန ပြည်ထောင်စုဝန်ကြီး ဦးတင်ထွန်းနိုင်က လေးစားစွာ ဦးညွတ်ကြောင်း လူမှုကွန်ရက်စာမျက်နှာမှတဆင့် အသိပေးထားသည်။

    (more…)

  • စစ်ကောင်စီတပ် ရှေ့တန်းကာကင်းစခန်း စီးနင်းတိုက်ခိုက်ခံရပြီး (၉) ဦးသေဆုံး

    စစ်ကောင်စီတပ် ရှေ့တန်းကာကင်းစခန်း စီးနင်းတိုက်ခိုက်ခံရပြီး (၉) ဦးသေဆုံး

    RNA_ဇန်နဝါရီ(၂၂)၊၂၀၂၃ ခုနှစ်။

    ချင်းပြည်နယ်၊ မတူပီ – မင်းတပ်လမ်းပေါ်ရှိ စစ်ကောင် စီတပ် ရှေ့တန်းကာကင်းစခန်း စီးနင်းတိုက်ခိုက်ခံရပြီး (၉) ဦးသေဆုံးသွားကြောင်း သိရသည်။

    မတူပီ CDF ( CDF Matupi) တပ်ဖွဲ့ဝင် ရဲဘော်များက အထူးစစ်ဆင်ရေးအဖြစ် ဇန်နဝါရီလ ၂၁ ရက်နေ့ နံနက် (၈) နာရီ (၃၀) မိနစ်ဝန်းကျင်က မတူပီ – မင်းတပ် လမ်းပေါ်ရှိ စစ်ကောင်စီတပ် ရှေ့တန်း ကာကင်းစခန်းအား ဝင်ရောက်စီးနင်း တိုက်ခဲ့ခြင်း ဖြစ်သည်။

    (more…)

  • ဖားကန့်အထွက် လမ်းမကြီးပေါ်မှာ စစ်ကောင်စီတပ်က ပြည်သူ (၂) ဦးအား ပစ်သတ်ထား 

    ဖားကန့်အထွက် လမ်းမကြီးပေါ်မှာ စစ်ကောင်စီတပ်က ပြည်သူ (၂) ဦးအား ပစ်သတ်ထား 

    RNA_ဇန်နဝါရီ(၂၂)၊၂၀၂၃ ခုနှစ်။

    ကချင်ပြည်နယ်၊ ဖားကန့်မြို့ပေါ်တွင် ဥပဒေမဲ့ ထင်ရာစိုင်းနေသည့် အာဏာသိမ်း စစ်ကောင်စီတပ်သားများသည် ယနေ့ နံနက် (၃) နာရီဝန်းကျင်က လုံးခင်းကျေးရွာမှ ဖားကန့်မြို့သို့အထွက် အများပြည်သူသွား မိန်းလမ်းမပေါ်၌ အရပ်သားပြည်သူ (၂)ဦးအား ရက်ရက်စက်စက် ပစ်သတ်ထားကြောင်း သိရသည်။

    ပစ်သတ်ခံထားရသည့် အမျိုးသားနှစ်ဦး၏ အလောင်းအား လမ်းဘေးတွင် လမ်းသွားလမ်းလာများက တွေ့ရကြောင်း၊ အဆိုပါနေရာ အနီးတစ်ဝိုက်ကို နံနက်(၈)နာရီခန့်အထိ စစ်ကောက်စီက ကင်းချ ပိတ်ဆို့ထားသည်။

    ပစ်သတ်ခံရမှုကြောင့်သေဆုံးခဲ့သည့် အမျိုးသားနှစ်ဦးမှာ မည်သူဖြစ်ကြောင်းမသိရှိရသေးကြောင်း၊ ဖားကန့်၌ ယခုလအတွင်း စစ်ကောင်စီတပ် လက်အောက် ခံများက ညဘက် လူသွားလာထူထပ်သည့် လမ်းမကြီးများပေါ်တွင် အရပ်သားပြည်သူများ၏ ကား၊ ဆိုင်ကယ်၊ ဖုန်းများ သိမ်းယူခြင်း ရက်ရက်စက်စက်ပစ်ခတ် သတ်ဖြတ်ခြင်းများကို ပြောင်ပြောင် တင်းတင်းလုပ်ဆောင်နေသည်ဟု ဒေသခံများထံမှ သိရသည်။

    ဓာတ်ပုံ – ၂၀၂၁ ခုနှစ် မတ်လအတွင် စစ်အာဏာရှင်ဆန့်ကျင်ရေး ဆန္ဒပြပွဲပြုလုပ်နေသည့် ပြည်သူများအား စစ်ကောင်စီတပ်က ဖမ်းဆီးနေမှု မြင်ကွင်း။

    #RedNewsAgency

  • ဖားကန့် စုပေါင်းရုံးတိုက်ခိုက်ခံရ

    ဖားကန့် စုပေါင်းရုံးတိုက်ခိုက်ခံရ

    RNA_ဖားကန့်၊ဇန်နဝါရီ(၂၁)၊၂၀၂၃ ခုနှစ်။

    စစ်ကောင်စီ၏ တရားမဝင်ရွေးကောက်ပွဲအတွက် လူဦးရေစာရင်းပြုစုနေသည့် ထွေ/အုပ်၊ ရဲတပ်ဖွဲ့နှင့် လဝကရုံးများရှိရာ ဖားကန့်မြို့ စုပေါင်းရုံးအား တော်လှန်ရေးအင်အားစုများက ယနေ့ညနေ (၅) နာရီခန့်က ပစ်ခတ်တိုက်ခိုက်ခဲ့ကြောင်း သိရသည်။

    ယနေ့ ညနေ ဖားကန့် စုပေါင်းရုံး တိုက်ခိုက်ခံရမှုကြောင့် ထိခိုက်သေဆုံးမှုအခြေအနေကို လတ်တလော အတည် ပြုနိုင်ခြင်းမရှိသေးကြောင်း၊ အကြမ်းဖက်အာဏာသိမ်း စစ်ကောင်စီက လူထုလက်မခံသည့် ရွေးကောက်ပွဲကို ပြုလုပ်ရန် ဖားကန့်မြို့နယ်တွင် အိမ်ထောင်စုစာရင်းများ‌နှင့် လူဦးရေစာရင်း ကောက်ယူနေကြောင်း သိရသည်။

    (more…)

  • စခန်းသိမ်းတိုက်ပွဲအတွင်း ကျဆုံးခဲ့ရသည့် ရဲဘော် ဝီတိုးရီယို(ခ)ငယ်လေး၏ ဈာပန 

    စခန်းသိမ်းတိုက်ပွဲအတွင်း ကျဆုံးခဲ့ရသည့် ရဲဘော် ဝီတိုးရီယို(ခ)ငယ်လေး၏ ဈာပန 

    RNA_ဇန်နဝါရီ(၂၁)၊၂၀၂၃ ခုနှစ်။

    ကရင်နီ(ကယား)ပြည်၊ ဘောလခဲမြို့နယ်၊ နန်းဖဲကျေးရွာအနီးရှိ မယ်စလောင်းတောင်ကုန်းပေါ် စခန်းချထားသည့် စစ်ကောင်စီတပ်စခန်းကို တိုက်ခိုက်ခဲ့သည့် တိုက်ပွဲအတွင်း ကရင်နီတပ်မတော် (KA)မှ ရဲဘော် ဝီတိုးရီယို(ခ)ငယ်လေး ( အသက် ၂၂ နှစ်) ကျဆုံးခဲ့ရသည်။

    Photo: Khun John Paul
    Photo: Khun John Paul
    Photo: Khun John Paul
    Photo: Khun John Paul

    (more…)

  • စခန်းသိမ်းတိုက်ပွဲတွင် နက်လက်ခဲယမ်း အများအပြားသိမ်းဆည်းရမိ

    စခန်းသိမ်းတိုက်ပွဲတွင် နက်လက်ခဲယမ်း အများအပြားသိမ်းဆည်းရမိ

    RNA_ဇန်နဝါရီ(၂၁)၊၂၀၂၃ ခုနှစ်။

    ကရင်နီ(ကယား)ပြည်၊ ဘောလခဲမြို့နယ်၊ နန်းဖဲကျေးရွာအနီးရှိ မယ်စလောင်းတောင်ကုန်းပေါ်တွင် အခိုင်အမာတပ်ချထားသော စစ်ကောင်စီတပ်စခန်းကို KNDF၊PDF ပူးပေါင်းတပ်ဖွဲ့များက တိုက်ခိုက်သိမ်း ပိုက်ရာလက်နက်ခဲယမ်း အများအပြား သိမ်းဆည်းရမိခဲ့သည်။

    မယ်စလောင်းတောင်ကုန်းပေါ်ရှိ စစ်ကောင်စီ တပ်စခန်းအား ဇန်နဝါရီလ (၂၀)ရက် ၊ နံနက် (၇း၅၀) မှ (၉) နာရီ (၃၀) မိနစ်ဝန်းကျင်အထိ Karenni Commando၊ KA၊ KNDF B(15)၊ KNDF B(16)၊ KNDF B (09)၊ Loikaw PDF၊ DMO PDF တို့ပူးပေါင်းကာ ဝင်ရောက်တိုက်ခိုက်ခဲ့ပြီး၊ နယ်မြေရှင်းလင်းစဉ် စစ်ကောင်စီတပ်သား (၅) ဦးသေဆုံးပြီး၊ ကျန်တပ်သားနှင့် အရာရှိများ ထွက်ပြေးကြကြောင်း KNDF က ထုတ်ပြန်ထားသည်။

    (more…)

  • စစ်ကောင်စီပြုလုပ်မည့် ရွေးကောက်ပွဲ ဆန့်ကျင်ရေး ဖားကန့်မှာပြုလုပ် 

    စစ်ကောင်စီပြုလုပ်မည့် ရွေးကောက်ပွဲ ဆန့်ကျင်ရေး ဖားကန့်မှာပြုလုပ် 

    RNA_ဖားကန့်၊ဇန်နဝါရီ(၂၀)၊၂၀၂၃ ခုနှစ်။

    အာဏာသိမ်းစစ်ကောင်စီက ၂၀၂၃ ခုနှစ်တွင် ကျင်းပမည်ဟုပြောထားသည့် ရွေးကောက်ပွဲကို လက်မခံကြောင်း ယနေ့ ဖားကန့်မြို့နယ်မှာ လှုပ်ရှားမှု ပြုလုပ်ခဲ့သည်။

    ဖားကန့်မြို့၊ လုံးခင်းကျေးရွာအုပ်စု၊ မှော်စီစာကျေးရွာဈေးထိပ်၊ ဖားကန့်နှင့်လုံးခင်းသွားလမ်းမကြီးပေါ်တွင် ယနေ့ နံနက်က “တရားမဝင်တဲ့ရွေးကောက်ပွဲ လူထုအားနဲ့တိုက်ဖျက်ကြ၊ ပါဝင်ပါတ်သက်သူတိုင်းဟာ သမိုင်းတရားခံဖြစ်သည်”ဟုရေးသားထားသည့် စာတန်းကို ဖားကန့် သပိတ်ကော်မတီမှ ချိတ်ဆွဲထားသည်။

    (more…)