Author: Editor

မလုပ်ရဲတာ ဘာမှမရှိတဲ့ ” မအလ တစ်သိုက်သည် Silent Strike အသံတိတ်ကိုမူ ကြောက်ဒူးတုန်၏။ လက်နက်ကြီးတကားကား ကိုင်ထားကြသူများ Silent Strike ကို အသေကြောက်၏။ Silent Strike မအောင်မြင်အောင် အကြံအမျိုးမျိုးထုတ်၏

အကြမ်းဖက်မင်းအောင်လှိုင်အဖွဲ့၏ အာဏာလု စစ်ကောင်စီ သက်တမ်းဟာ ယနေ့ ပြည့်ပြီဖြစ်သည်။ ၂၀၂၁ ခုနှစ် ဖေဖော်ဝါရီ ၁ ရက်နေ့တွင် အကြမ်းဖက် အုပ်စုက လူထုရွေးချယ်တင်မြောက်ထားသော သမ္မတ ဦးဝင်းမြင့်၊နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် လွှတ်တော်ကိုယ်စား လှယ်များ အစိုးရအဖွဲ့ဝင်များ၊ NLD အစိုးရလက်ထက်ကတည်းက မအလ အုပ်စုတစ်သိုက် အမုန်းအာဃာတ အငြိုးထားသူအားလုံးကို မတရားဖမ်းဆီးခဲ့သည်။ထိုသို့ ဖမ်းဆီးခဲ့ရာတွင်လည်း

ပြည်သူ ကျွေးသည့် ထမင်းစားပြီး ပြည်သူဘဏ္ဍာငွေကို လစာယူထားသည့် အလနောက်လိုက်များက လက်နက်လူအင်အားအများအပြားသုံးကာ အကြမ်း ဖက်ဖမ်းဆီးခဲ့သည်။ ထို့နောက် အကြမ်းအာဏာလု အဖွဲ့ ၂ နှစ်အထိ သက်တမ်းတိုးရှိသည့် စစ်ကောင်စီကို ဖွဲ့ကာ ပြည်သူကို အကြောက်တရားသွင်းကာလက်နက် ဖြင့်အုပ်ချုပ်ခဲ့ခြင်း ဖြစ်သည်။ ထိုကာလအတွင်းလည်း တိုင်းပြည်၏ အခြေ အနေမှာ ယိုယွင်းပျက်စီးခဲ့သည်။ ပြည်သူလူထုကလည်း လုံးဝ အုံးချုပ်ခွင့်မရ ဆိုသည့်အတိုင်း ပုံစံမျိုးစုံ နည်းမျိုးစုံဖြင့် ဆန့်ကျင်တော်လှန်လျက်ရှိနေသည်။

ယနေ့သည် စစ်ကောင်စီ သက်တမ်း နိဂုံးချုပ်သွားသည့်နေ့ ဖြစ်ပြီး လူထုကလည်း သွေးမအေးကြောင်း ထုတ် ဖော်ပြသတော့မည်။ စစ်ကောင်စီ တစ်ဖြစ်လဲ အာဏာလု မအလ တစ်သိုက် တိုင်းပြည် အာဏာ ဆက်လုရေး နည်းမျိုးစုံဖြင့် ကလိန်ကကျစ်လုပ်ပေအုံးတော့မည်။

(more…)