RNA_နိုဝင်ဘာ (၁)၊ ၂၀၂၂ ခုနှစ် ။
မန္တလေးမြို့၊ ၇၈လမ်းနှင့် ၄၂ ခုံးကျော်တံတားအနီးရှိ မီးပွိုင့်တစ်ခုတွင် ယနေ့(နိုဝင်ဘာ ၁)နံနက် ၉ နာရီ ၃၀ မိနစ်ခန့်က ရဲအချုပ်ကားတစ်စီး လက်လုပ်ဗုံးဖြင့်ပစ်ပေါက်ခံရသဖြင့် ရဲမေနှစ်ဦး ထိခိုက် ဒဏ်ရာရရှိသွားကြောင်း သိရသည်။
ဖြစ်စဥ်မှာ အမှတ် (၁၁) နယ်မြေရဲစခန်းအနီးတွင် အိုးဘိုထောင်မှ အချုပ် သားများအားတင်ဆောင်လာသော ရဲအချုပ်ကားသည် ချမ်းမြသာစည်မြို့နယ်တရားရုံးမှ တရားရုံးထုတ်စစ်ဆေးမှုအပြီးအပြန်တွင် မီးပွိုင့်မိနေစဉ် မြောက်မှ တောင်သို့ မောင်းနှင်လာသည့် ဆိုင်ကယ်တစ်စီးပေါ်ရှိ အမည်မသိ လူနှစ်ဦးက အချုပ်ကား ဝဲဘက်ဘေး ယာဉ်မောင်းဘက်တံခါးပေါက်မှ တစ်ဆင့် ကားခေါင်းခန်းအတွင်းသို့ လက်ပစ်ဗုံးဖြင့် ပစ်ပေါက်ခဲ့ခြင်းဖြစ်ပြီး ဗုံးကျရောက်ပေါက်ကွဲမှုကြောင့် ယာဉ်မောင်း ဘေးတွင်လိုက်ပါစီးနင်းလာသည့် ရဲမေ ၂ ဦး ထိခိုက်ဒဏ်ရာရှိသွားခြင်း ဖြစ်သည်။
အဆိုပါ ဒဏ်ရာရရှိသွားသော ရဲမေ ၂ ဦး အား လူမှုကူညီရေးအသင်းကားဖြင့် နန်းတွင်း စစ်ဆေးရုံးသို့ ပို့ဆောင်ခဲ့ကြောင်း သိရသည် ။
Red News Agency