“ရောင်နီ Maryland” ပွဲအတွက် လက်မှတ်ရောင်းရငွေများထဲမှ ကနဦး သိန်း ၁၂၀၀ ကို ငလျင်ဘေးသင့်ပြည်သူများအတွက် လှူဒါန်း

RNA_ဧပြီ(၂)၊၂၀၂၅ခုနှစ်။

အမေရိကန်နိုင်၊ Maryland State မှာ ပထမဆုံး ဖျော်ဖြေပွဲအဖြစ် ပြုလုပ်သွားမည့် လင်းလင်းနှင့် ချစ်သုဝေတို့၏ “ရောင်နီ Maryland” ဖျော်ဖြေပွဲ မကျင်းပမီ လက်မှတ်ရောင်းရငွေများထဲမှ မြန်မာနိုင်ငံမှ ငလျင်ဒဏ်သင့်ပြည်သူများအတွက် ကနဦးလှူဒါန်းငွေအဖြစ် ကျန်သိန်း ၁၂၀၀ ကျော်ကို စတင်ပေးပို့နေပြီဖြစ်ကြောင်း Maryland Music Concert ကအသိပေးထားသည်။

လင်းလင်းနှင့် ချစ်သုဝေတို့၏ “ရောင်နီ Live in Maryland 2025” ပွဲကြီးကို ဧပြီလ ၁၂ ရက်နေ့မှာ ကျင်းပမည်ဖြစ်ကြောင်း၊ ဖျော်ဖြေပွဲမကျင်းပမီ ငလျင်ဒဏ်သင့်ပြည်သူများ၏ လိုအပ်ချက်ဖြည့်ဆည်းနိုင်ရန်အတွက် စတင်ပို့ဆောင်နေပြီဖြစ်သည့်အတွက် ပွဲလက်မှတ်ဝယ်ယူအားပေးထားသူတိုင်း၏ အလှူဖြစ်သည်ဟု အသိပေးမှုတွင် ဖော်ပြထားသည်။

 

“ရောင်နီ Live in Maryland 2025” ပွဲအတွက် လက်မှတ်တစ်စောင်ကို ဒေါ်လာ ၁၅၀ နှင့် ၁၀၀ ဟူ၍ (၂) မျိုးရှိပြီး၊ ပွဲမှရရှိသည့် အကျိုးအမြတ် ၁၀၀ ရာခိုင်နှုန်းကို မူလသတ်မှတ်ထားသည်မှာ တော်လှန်မိသားစုများ၏ ပြန်လည်ထူထောင်ရေး၊ ကျဆုံးရဲဘော်များ၏ ကျန်ရစ်မိသားစုများ၊ CDM မိသားစုများ၊ Activists မိသားစုများ၊ နိုင်/ကျဉ်းမိသားစုများ စသည်တို့ကို ပို့ဆောင်မည်ဟု သတ်မှတ်ထားသော်လည်း ယခု အရေးပေါ်ဒုက္ခတွေ့နေရသော ငလျင်ဘေးခံစားနေရသူများအတွက်ပါ လှူဒါန်းနေပြီဖြစ်သည်။


#RedNewsAgency #REDNEWS #RNA #Earthquake2025 #earthquake #Myanmar #Mandalay #Sagaing

By Editor