၄ လတာ စစ်ရေးလှုပ်ရှားမှုအတွင်း စစ်ကောင်စီတပ်မှ ၅၃ ဦးသေဆုံးပြီး ၆ ဦးအရှင်ဖမ်းဆီးနိုင်ခဲ့

RNA_နိုဝင်ဘာ(၁၃)၊၂၀၂၄ခုနှစ်။

ချင်းပြည်နယ်၊ ဟားခါးမြို့နယ်အခြေစိုက် CDF-Hakha ရဲဘော်များ၏ ၂၀၂၄ ခုနှစ် ဇူလိုင် ၁၂ ရက်မှ နိုဝင်ဘာ ၁၂ ရက်အထိ ၄ လတာ စစ်ရေးလှုပ်ရှားမှုအတွင်း စစ်ကောင်စီလက်အောက်ခံ (၅၃) ဦးသေဆုံးခဲ့ပြီး (၆) ဦးအရှင်ဖမ်းဆီးနိုင်ခဲ့သည်ဟု သိရသည်။

CDF-Hakha ၏ ၄ လတာစစ်ရေးလှုပ်ရှားမှုအတွင်း Mi-17 ရဟတ်ယာဉ်အမြီးပိုင်း ပစ်ခတ်ဖျက်စီးနိုင်ခဲ့သည့်အပြင် ရဲ ၁၃ဦး နှင့် စစ်သား ၄ဦး လက်နက်ချ အလင်းဝင်ခဲ့ကြောင်း၊ သေနတ် ၄၃ လက် သိမ်းဆည်းရရှိခဲ့ပြီး CDMer များမှ သေနတ် ၉ လက်ပါလာသည့်အတွက် ၆၀မမ၊ MA 15 နှင့် M79 အပါအဝင် လက်နက်ပေါင်း ၅၂ လက်ရရှိခဲ့ကြောင်း၊ ထန်တလန်ဘက်သို့ စစ်ကူမသွားနိုင်အောင် ရက်ပေါင်း ၈၂ရက် တားဆီးပိတ်ပင် နိုင်ခဲ့သည်ဟု ထုတ်ပြန်ထားသည်။

#RedNewsAgency #RNA #REDNEWS