RNA_ဩဂုတ်(၈)၊၂၀၂၄ ခုနှစ်။
အာဏာသိမ်းအကြမ်းဖက်စစ်ကောင်စီက ဖျက်ဆီးလိုက်သော ရန်ကုန်တိုင်း၊ မြောက်ဥက္ကလာပမြို့နယ်၊ ကန်သာယာပြည်သူ့ပန်းခြံအတွင်းရှိ ရှစ်လေးလုံး (၈၈၈၈) ပြည်သူ့အရေးတော်ပုံ အထိမ်းအမှတ်ကျောက်တိုင် ဖွင့်ပွဲအခမ်းအနား ၂၀၁၈ ခုနှစ်က ပြုလုပ်ခဲ့စဉ် မှတ်တမ်းရုပ်သံကို ပြန်လည်ဖော်ပြလိုက်ပါသည်။
“တန်ဖိုးတွေအတွက် လူ့ဂုဏ်သိက္ခာအတွက်တော့ လိုအပ်ရင် အဲသလို ရင်ဆိုင်တက်တယ် တိုက်ပွဲဝင်ရဲတယ်ဆိုတာကိုတော့ နှောင်းလူတို့သိပါစေ” ဟု ၈၈ မျိုးဆက်ကျောင်းသားခေါင်းဆောင် ဦးမင်းကိုနိုင်က ကျောက်တိုင်ဖွင့်ပွဲအခမ်းအနား မိန့်ခွန်းတွင် ထည့်သွင်းပြောကြားခဲ့သည်။
ကန်သာယာပန်းခြံအတွင်းရှိ ရှစ်လေးလုံး အထိမ်းအမှတ်ကျောက်တိုင် ဖွင့်ပွဲကို ၂၀၁၈ ခုနှစ် ဩဂုတ်လ (၈) ရက်နေ့က ပြုလုပ်ခဲ့ပြီး ၂၀၂၁ ခုနှစ် စစ်တပ်အာဏာသိမ်းပြီးနောက် အာဏာရှင်လက်ပါးစေများက ၂၀၂၄ ခုနှစ် မတ်လ (၈) ရက်နေ့ ညပိုင်းက ဖြိုချဖျက်ဆီးခဲ့ကြခြင်းဖြစ်သည်။