RNA_ဧပြီ(၂၄)၊၂၀၂၃ ခုနှစ်။
ရန်ကုန်တိုင်း၊ အင်းစိန်မြို့နယ်၊ အင်းစိန် CID ရုံးဝန်းအနီး အဝေးထိန်းမိုင်းဖြင့် ဧပြီလ ၂၃ ရက်နေ့ ည ၁၁ နာရီ ဝန်းကျင်က ဖောက်ခွဲတိုက်ခိုက်ခံရကြောင်း သိရသည်။
“၂၃.၄.၂၀၂၃ (တနင်္ဂနွနေ့) ည ၁၀ နာရီ ၄၂ မိနစ်နှင့် ၁၀ နာရီ ၄၇ မိနစ်တွင် အင်းစိန် CID ရုံးကို အဝေးထိန်း မိုင်းနှစ်လုံးဖြင့်ဖောက်ခွဲတိုက်ခိုက်ခဲ့ပါသည်။ ထပ်မံ၍ ယင်းနေရာအနီး ရန်သူ အကြမ်းဖက်စစ်ကောင်စီတပ်သားများ ပိတ်ဆို့စစ်ဆေးနေချိန် ၁၁နာရီ ၄၂ မိနစ်တွင် ဖျက်အားပြင်း အဝေးထိန်းမိုင်း ၄ လုံးဖြင့် ဖောက်ခွဲတိုက်ခိုက်ခဲ့ရာ ရန်သူ့တပ်သားအများအပြား ပြင်းထန်စွာထိခိုက်ဒဏ်ရာရရှိခဲ့ပြီး သေဆုံးအရေအတွက်များနိုင်ကြောင်း သိရပါသည်” Yangon Urban Guerrilla Army ကကြေညာထားသည်။
အင်းစိန်မြို့နယ်ရှိိ CID ရုံးဝန်းအနီးဝန်းကျင်ကို မိုင်းခွဲတိုက်ခိုက်ခဲ့သည်မှာ ရန်ကုန်- မြောက်ပိုင်းခရိုင်ပြည်သူ့ကာကွယ်ရေးတပ်ဖွဲ့ နှင့် YUGA(MO-7 Eagle) တို့မှ ပူး ပေါင်းဆောင်ရွက်ခဲ့ခြင်းဖြစ်ကြောင်း သိရသည်။