RNA_နိုဝင်ဘာ(၁)၊၂၀၂၄ခုနှစ်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဖွဲ့စည်းတည်ထောင်ခြင်း (၃၆) နှစ်မြောက်အခမ်းအနားကို အညာဒေသတွင်ရှိသော ABSDF အမှတ် ၃ စစ်ကြောင်းတွင်လည်း ယနေ့ နံနက်ပိုင်းက ကျင်းပပြုလုပ်ခဲ့ကြောင်း သိရသည်။
ABSDF အမှတ် ၃ စစ်ကြောင်းတွင် ပြုလုပ်သော ၃၆ နှစ်မြောက် အခမ်းအနားတွင် ဗဟိုအလုပ်အမှုဆောင် ကော်မတီဝင် စစ်ကြောင်းမှူး ရဲဘော်မင်းဌေးမှ အဖွင့်အမှာစကား ပြောကြားခဲ့ပြီး၊ ဗဟိုကော်မတီ ထုတ်ပြန်ကြေညာချက်အား ဖတ်ကြားခြင်း၊ ဗဟိုကော်မတီ ဥက္ကဌ မှ ရဲဘော်ထုသို့ ပေးပို့သည့် သဝဏ်လွှာ အားဖတ်ကြားခြင်း အဖွဲ့အစည်းအသီးသီးမှ ပေးပို့သည့် ၃၆ နှစ်မြောက် ဂုဏ်ပြုသဝဏ်လွှာများ ဖတ်ကြားခြင်း စသည်တို့ကို ပြုလုပ်ခဲ့ကြောင်း ထုတ်ပြန်ကြေညာထားသည်။
#RedNewsAgency #RedNews #RNA