ရန်ကုန်၊ ဇန်နဝါရီ ၂၀ ရက်၊ ၂၀၂၂ ခုနှစ်။
JEWooကုမ္ပဏီ (သာကေတ )က အထည်ချုပ်ဝန်ထမ်း ၂၃၀ ကျော်ကို နစ်နာကြေးပေးကာ အလုပ်ရပ်စဲလိုက်ကြောင်း ဇန်နဝါရီလ ၁၉ ရက်စွဲဖြင့် ထုတ်ပြန်ထားသည်။
JEWooကုမ္ပဏီ (သာကေတ )သည် ပြီးခဲ့သည့် ၂၀၂၁ ခုနှစ် အောက်တိုဘာ ၁၅ ရက်နေ့ တွင် မီးလောင်ကျွမ်းခံရမှုကြောင့် လုပ်ငန်းအားလုံး“လုံးဝ ” ရပ်ဆိုင်းသွားခဲ့ရပြီး ၊ ယခု ၂၀၂၂ ခုနှစ် ဇန်နဝါရီ ၆ ရက် ရောက်မှသာနေရာအသစ်တွင်ယာယီဖွင့်လှစ် လုပ်ကိုင်နိုင်ခဲ့ကြောင်း သိရသည်။
သာကေတ စက်မှုဇုန်အတွင်းရှိ JEWoo အထည်ချုပ်စက်ရုံမှ အလုပ်သမားများသည် စစ်တပ်က အာဏာသိမ်းပြီးနောက် ၂၀၂၁ ခုနှစ် ဇန်နဝါရီ ၆ရက်နေ့တွင် ဖဲကြိုးနီလုပ်ရှားမှု (Red Ribbon Campaign)တွင် ပါဝင်ခဲ့ကြသူများ အလုပ်ထုတ်ခံရမှုတွင် ပါရှိကြောင်း သိရသည်။
နေရာအသစ်၏အကျယ်အဝန်း၊ JEWoo ကုမ္ပဏီ၏ အခြေအနေ အရပ်ရပ်တို့ကြောင့် ဝန်ထမ်း အားလုံးအားအလုပ်ဆက်လက်ခန့်ထားနိုင်ခြင်း မရှိခြင်းကြောင်း၊ အဆိုပါဝန်ထမ်း (၂၃၇)ဦးတို့ကို ဆက်လက်အလုပ်မခန့်ထားနိုင်ကြောင်း ကုမ္ပဏီက ဝမ်းနည်းစွာ အသိပေး အကြောင်းကြားထားသည်။
အဆိုပါဝန်ထမ်း (၂၃၇)ဦး ၏ အလုပ်ရပ်စဲမှုနစ်နာကြေးအား ဇန်နဝါရီ ၂၁ ရက်နှင့် ၂၂ ရက် နေ့နံနက် ၉ နာရီ မှ ညနေ – ၃ နာရီအထိ JEWoo ( သာကေတ ) စက်ရုံတွင် ပေးအပ်မည် ဖြစ်ကြောင်း သိရသည်။
Red News Agency