RNA_ဧပြီ(၂၄)၊၂၀၂၅ခုနှစ်။
မန္တလေးတိုင်း၊ ညောင်ဦးမြို့နယ် ပြည်သူ့ကာကွယ်ရေးအဖွဲ့၏ တပ်ခွဲ (၃) 21 Bagan တပ်ဖွဲ့သည် ဧပြီလ ၂၃ ရက်နေ့မှစတင်ပြီ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ လက်အောက်မှနှုတ်ထွက်ပြီး ပေးအပ်ခဲ့သော လက်နက်ခဲယမ်းများကို ပြန်အပ်မည်ဖြစ်ကြောင်း သိရသည်။
ညောင်ဦးမြို့နယ်အခြေစိုက် 21 BAGAN – LPDF အဖြစ် ၂၀၂၄ ခုနှစ် ဧပြီလ ၂၁ ရက်နေ့တွင် စတင်ဖွဲ့စည်းခဲ့ကြောင်း၊ MOD လက်အောက်အရောက်တွင် တပ်ခွဲ – ၃ အဖြစ် ဖွဲ့စည်းရာတွင် မြို့နယ် ပ.က.ဖ ထံမှ သင်တန်းဆင်းရဲဘော်များနှင့်အတူ ပေးအပ်ခဲ့သော MA1 သေနတ် (၂) လက်နှင့်အတူ ၅.၅၆ ကျည် အတောင့် (၂၀၀ )၊ ကျည်ဘောက် (၆ ) ဘောက်အား ပြန်လည်အပ်နှံခဲ့သည်ဟု 21 BAGAN က ယနေ့ထုတ်ပြန်ထားသည်။