Red News Agency

Independent Journalism for Justice and Human Rights.

Tag: နွေဦးတော်လှန်ရေး

  • ကျိုက်မရောထောင်မှာ နိုင်ကျဉ်းများနှင့် ထောင်အာဏာပိုင်များအခြေအနေတင်းမာနေ

    ကျိုက်မရောထောင်မှာ နိုင်ကျဉ်းများနှင့် ထောင်အာဏာပိုင်များအခြေအနေတင်းမာနေ

    RNA_နိုဝင်ဘာ(၂၆)၊၂၀၂၂ ခုနှစ်။
     
    ကရင်ပြည်နယ် ဖားအံထောင်မှ ယနေ့နံနက်ပိုင်းက မွန်ပြည်နယ် ကျိုက်မရောထောင် ပြောင်းရွေ့ခံလိုက်ရသည့် အကျဉ်းသား (၁၅၀) ထဲမှ နိုင်ငံရေးအကျဉ်းသား အမျိုးသား (၃၀) နှင့် သာမန်အကျဉ်းသား (၇၀) နေရာချထားမှုနှင့် ပတ်သက်ပြီး ထောင်အာဏာပိုင်များနှင့် ကျိုက်မရောထောင်မှ နိုင်ငံရေးအကျဉ်းသားတို့အကြား အခြေအနေတင်းမာနေပြီးထောင်အာဏာပိုင်များက အကြမ်းဖက်ရန် ပြင်ဆင်နေသည်ဟု သိရသည်။
     
    “ ထောင်ပြောင်းတာက ပြဿနာမဟုတ်ပါဘူး၊ အခုက ပြောင်းလာတဲ့ နိုင်ငံရေးအကျဉ်းသား ၃၀ ကို ၁၅ ယောက်စီခွဲပြီး သာမန်အကျဉ်းသားတွေနဲ့ရောထားပြီးတော့ သာမန်အကျဉ်းသား (၇၀) ကိုနိုင်ငံရေးအကျဉ်းသားတွေနဲ့ထားတယ်၊ အဲဒါကို နိုင်ငံရေးအကျဉ်းသားတွေကို နိုင်ငံရေးအကျဉ်းသားချင်းထားဖို့ ပြောရင်း အခြေအနေတင်းမာကုန်တာ၊ အရင်ကလည်း သာမန်အကျဉ်းသားတွေပြောင်းလာရင် နိုင်ငံရေးအကျဉ်းသားတွေနဲ့ထားတာ လက်ခံတယ်၊ ဒါပေမဲ့ သာမန်အကျဉ်းသားတွေထဲမှာ ဆေးသုံးစွဲသူတွေပါတယ်၊ ပြီးတော့ နိုင်ငံရေးအကျဉ်းသားတွေနဲ့ အဆင်မပြေတာတွေရှိလို့ အခုလို တောင်းဆိုနေကြတာဖြစ်တယ်၊ ဒါကို ထောင်အာဏာပိုင်တွေက သေနတ်များပါ ထုတ်သုံးဖို့ အသင့်ပြင်ထားတယ်လို့ ကြားနေရတယ် ” ဟု ကျိုက်မရောထောင်ရောက် နိုင်ငံရေးအကျဉ်းသား မိသားစုနှင့် နီးစပ်သူ တဦးက ပြောသည်။

    (more…)

  • KNU တပ်မဟာ (၄) နယ်မြေအတွင်း တိုက်ပွဲများတွင် စစ်ကောင်စီဘက်မှ (၂၄၆) ဦးသေဆုံး

    KNU တပ်မဟာ (၄) နယ်မြေအတွင်း တိုက်ပွဲများတွင် စစ်ကောင်စီဘက်မှ (၂၄၆) ဦးသေဆုံး

    RNA_နိုဝင်ဘာ(၂၆)၊၂၀၂၂ ခုနှစ်။
     
    ကရင်အမျိုးသားအစည်းအရုံး -KNU ကော်သူးလေအုပ်ချုပ်နယ်မြေ၊ ဘိတ်ထား၀ယ်ခရိုင် တပ်မဟာ(၄) နယ်မြေအတွင်း စစ်ကောင်စီတပ်နှင့် KNU လက်အောက်ခံ တပ်များ ၂၀၂၂ ခုနှစ် ဇန်နဝါရီလမှစပြီး နို၀င်ဘာလ (၁၆) ရက်နေ့ အထိ တိုက်ပွဲများအတွင်း စစ်ကောင်စီတပ်ဘက်မှ (၂၄၆) ဦးသေဆုံးကာ (၂၃၉) ဦးဒဏ်ရာရရှိခဲ့ကြောင်း KNU ဗဟိုက ယနေ့ ထုတ်ပြန်ထားသည်။
     
    ကော်သူးလေအုပ်ချုပ်နယ်မြေ ဘိတ်ထားဝယ်ခရိုင်တွင် ၂၀၂၁ ခုနှစ် စစ်တပ်အာဏာသိမ်းပြီးချိန်မှစပြီး ၂၀၂၂ ခုနှစ် နိုဝင်ဘာလ ၁၆ ရက်နေ့အထိ ကရင်အမျိုးသားလွတ်မြောက်ရေးတပ်မတော် KNLA၊ ကရင်အမျိုးသားကာကွယ်ရေးတပ်ဖွဲ့ KNDO၊ ပူးပေါင်းမဟာမိတ်များနှင့် စစ်ကောင်စီလက်အောက်ခံများ တိုက်ပွဲကြီးတိုက်ပွဲငယ်ပေါင်း (၁၂၃) ကြိမ် ဖြစ်ပွားခဲ့ပြီး ကောင်စီတပ်များမှ (၂၄၆) ဦး သေဆုံးကာ (၂၃၉) ဦး ထိခိုက်ဒါဏ်ရာရရှိခဲ့ကြောင်း၊ KNLA၊ KNDO၊ ပူးပေါင်းတပ်ဖွဲ့တို့ဘက်မှ တိုင်းပြည်နှင့်လူမျိုးအတွက် (၁၄) ဦး အသက်စွန့်ခဲ့ရပြီး (၇) ဦး ထိခိုက်ဒါဏ်ရာရရှိခဲ့သည်။

    (more…)

  • BLACK WOLF – PDF အဖွဲ့ ခေါင်းဆောင်တဦး ကျဆုံး 

    BLACK WOLF – PDF အဖွဲ့ ခေါင်းဆောင်တဦး ကျဆုံး 

    RNA_နိုဝင်ဘာ(၂၄)၊၂၀၂၂ခုနှစ်။

    စစ်ကိုင်းတိုင်း၊ ရွှေဘိုမြို့နယ်၊ ဝက်လက်မြို့နယ် စသည်တို့တွင် စစ်ကောင်စီတပ်ကို တိုက်ခိုက်နေသည့် BLACK WOLF – PDF တပ်ဖွဲ့ တည်ထောင်ရာတွင် အဓိကပါဝင်ခဲ့သည့် ရဲဘော်ကိုလှိုင်ဝင်း ရှေ့တန်းတနေရာတွင် ကျဆုံးခဲ့သည်။

    ” ကိုလှိုင်ဝင်းသည် ယခုအခါ ရှေ့တန်းတနေရာ၌ တော်လှန်ရေးအတွက် စွမ်းစွမ်းတမံကြိုးစားရင်း ( ၂၃ ရက် ၁၁ လ ၂၀၂၂ ) ခုနှစ် တွင် မြင့်မြတ်စွာ အ သက်ပေးလှူခဲ့ရသည်။ထိုကြောင့် ကျွန်ုပ်တို့ Black wolf – pdf အဖွဲ့သားများသည် အထူးပင် ဝမ်းနည်းကြေကွဲရပါသည်” ဟု BLACK WOLF – PDF က ယနေ့ညပိုင်းတွင် ထုတ်ပြန်ထားသည်။

    ကျဆုံးသွားသည့်ရဲဘော်ကိုလှိုင်ဝင်းသည် BLACK WOLF – PDF စတင်တည်ထောင်ကတည်းက ပံ့ပိုးကူညီခဲ့သည့် အဓိက အခန်းကဏ္ဍမှ ပါဝင်ခဲ့ကြောင်း၊ ကိုလှိုင်ဝင်းကျဆုံးခဲ့ရသည့်အတွက် စစ်ကောင်စီတပ်အား လက်စားချေတိုက်ခိုက်သွားမညါဟု ထုတ်ပြန်ချက်တွင် ဖော်ပြထားသည်။

    #RedNewsAgency

  • တိုက်ပွဲအတွင်း ကျားဖြူတပ်ခွဲ (၂) မှ ရဲဘော် (၃) ဦးဒဏ်ရာရ

    တိုက်ပွဲအတွင်း ကျားဖြူတပ်ခွဲ (၂) မှ ရဲဘော် (၃) ဦးဒဏ်ရာရ

    RNA_နိုဝင်ဘာ(၂၃)၊၂၀၂၂ ခုနှစ်။
     
    ကရင်ပြည်နယ်၊ ကော့ကရိတ်မြို့နယ် တောင်ကြားအင်းတွင် စစ်ကောင်စီတပ်နှင့် KNLA၊ ကျားဖြူတပ်ခွဲ (၂) အပါအဝင် ပူးပေါင်းတပ်ဖွဲ့များနှင့် ယမန်နေ့ ( နိုဝင်ဘာ ၂၂ ရက်) နံနက် ၉ နာရီကျော်က တိုက်ပွဲအတွင်း ကျားဖြူတပ်ခွဲ (၂) အဖွဲ့မှ ရဲဘော် (၃) ဦးထိခိုက်ဒဏ်ရာရရှိခဲ့ကြောင်း သိရသည်။
     
    “စကစဘက်မှလက်နက်ကြီးများနှင့်အဆက်မပျက်ပစ်ကူ‌‌သောကြောင့် ကျွန်တော်တို့ကျားဖြူတပ်ခွဲ(၂)မှရဲဘော်၃ဦးထိခိုက်ဒဏ်ရာရရှိခဲ့ပါသည်။မိမိတို့ကျားဖြူတပ်ခွဲ(၂)မှရိက္ခာပို့ကား၁စီး၊ပွိုင့်တူးတူး၁လက်၊ဖုန်း၅လုံးနှင့်စစ်သုံးကျောပိုးအိတ် စစ်အသုံးအဆောင်များစွာကျန်ခဲ့သည်” ဟု 96 Soldiers – တောင်ပိုင်း ကျားဖြူ တပ်ခွဲ -၂ မှ ထုတ်ပြန်ထားသည်။

    (more…)

  • တပ်မ ၁၀၁ မှပြန်လာသည့် ပျူစောထီးနှင့်အဖွဲ့ကို ကြားဖြတ်တိုက်ခိုက် 

    တပ်မ ၁၀၁ မှပြန်လာသည့် ပျူစောထီးနှင့်အဖွဲ့ကို ကြားဖြတ်တိုက်ခိုက် 

    ပခုက္ကူအခြေစိုက် တပ်မ ၁၀၁ မှပြန်လာသည့် ပျူစောထီးနှင့်အဖွဲ့ကို ကြားဖြတ်တိုက်ခိုက်

    RNA_နိုဝင်ဘာ(၂၂)၊၂၀၂၂ခုနှစ်။

    မကွေးတိုင်း၊ ပခုက္ကူအခြေစိုက် စစ်ကောင်စီတပ် တပ်မ (၁၀၁) မှပြန်လာသည့် စစ်ကောင်စီတပ်သားများနှင့်ပျူစောထီးများကို ဒေသခံပြည်သု့ကာကွယ်ရေးတပ်ဖွဲ့များက တွင်းမပျူစောထီးရွာနှင့် သရက်ကန်ပျူစောထီးရွာကြားတွင် ကြားဖြတ်တိုက်ခိုက်ခဲ့ကြသည်။

    မြိုင်မြို့နယ်ပြည်သူ့ကာကွယ်ရေးတပ်ဖွဲ့၊ တပ်ရင်း(၁) တပ်ခွဲ -၁ နှင့် တပ်ခွဲ-၂( ဂဠုန်ပြည်သူ့ကာကွယ်ရေးတပ်ဖွဲ့) တို့ ပူးပေါင်း၍ နိုဝင်ဘာလ ၂၁ ရက်နေ့ ညနေ ၃ နာရီ ၅၀ မိနစ်ဝန်းကျင်က တိုက်ခိုက်ခဲ့ကြခြင်း ဖြစ်သည်။

    (more…)

  • စစ်အုပ်စုအား အမြန်ချေမှုန်းသုတ်သင်ရန် NUG သမ္မတတိုက်တွန်း

    စစ်အုပ်စုအား အမြန်ချေမှုန်းသုတ်သင်ရန် NUG သမ္မတတိုက်တွန်း

    RNA_နိုဝင်ဘာ (၂၂)၊၂၀၂၂ ခုနှစ်။
    မဟာမိတ်တပ်ပေါင်းစုများနှင့်အတူ စစ်အုပ်စု တခုလုံးကို အလျင်အမြန်ချေမှုန်းသုတ်သင်ကြဖို့ အမျိုးသားညီညွတ်ရေးအစိုးရ- NUG ယာယီသမ္မတ ဒူဝါလရှီးလ ကတိုက်တွန်းလိုက်သည်။
    လက်နက်ကိုင် ပဋိပက္ခရှည်ကြာသည်နှင့်အမျှ တိုင်းပြည်နှင့်ပြည်သူများသည် ဆိုးသထက်ဆိုးလာဖို့ရှိိသည့်အတွက် အကြမ်းဖက်စစ်အုပ်စုကို အမြစ်ပြတ်ချေမှုန်းသုတ်သင်နိုင်ရေးက အဓိကဖြစ်ပြီး မဟာမိတ်စစ်ရေးတပ်ပေါင်းစုနှင့် တွန်းလှန်ရန်လိုအပ်ကြောင်း (၇၅)ကြိမ်မြောက်အစိုးရအဖွဲ့ အစည်းအဝေးမှာ တိုက်တွန်းထားသည်။
    “ကျွန်တော်တို့ဟာ တော်လှန်ရေးအစိုးရ တစ်ရပ်အနေနဲ့ လူထုရှေ့မှာ မားမား မတ်မတ်ရပ်တည်နေတဲ့ အစိုးရဖြစ်ပေမယ့် တစ်ဖက်မှာလည်း တည်ဆောက်ရေးအတွက် လူထုအားကိုး အားထားထိုက်တဲ့ အစိုးရတစ်ရပ် ဖြစ်နေဖို့ ကြိုးစားနေရပါလိမ့်မယ်” ဟုလည်း ယာယီသမ္မတက ပြောကြားခဲ့သည်။
    ပြည်တွင်းစစ်ကြာရှည်သည်နှင့်အမျှ နှစ်ပေါင်းများစွာ လက်နက်ကိုင်တိုက်လာသည့် တိုင်းရင်းသားလက်နက်ကိုင်အဖွဲ့အစည်းများသည် နယ်မြေအလိုက် လွတ်မြောက်နယ်မြေနှင့် စိုးမိုးနယ်မြေများရှိကြောင်း၊ နွေဦးတော်လှန်ရေးမှပေါ်ပေါက်လာသည့် ခုခံစစ်နှင့်အတူ ချင်းပြည်နယ်၊ စစ်ကိုင်းတိုင်းနှင့်မကွေးတိုင်းတို့တွင်လည်း မင်းအောင်လှိုင်ဦးဆောင်သည့် စစ်တပ်နယ်မြေစိုးမိုးမှု မလုပ်နိုင်သည့်အနေအထားများ ရှိလာပြီဖြစ်သည်။
    အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနလက်အောက်ခံ ပြည်သူ့ကာကွယ်ရေးတပ်ဖွဲ့များသည်လည်း အာဏာသိမ်းအကြမ်းဖက်စစ်တပ်ကို လက်နက်ကိုင်တိုက်ခိုက်နေပြီး၊ မဟာမိတ် လက်နက်ကိုင်တော်လှန်ရေးအဖွဲ့များ၊ တိုင်းရင်းသားလက်နက်ကိုင်များကလည်း စစ်ကောင်စီကို လက်နက်ကိုင်တိုက်ခိုက်နေကြသည်။

  • လက်ပံတောင်းတောင်က စစ်အာဏာရှင်ဆန့်ကျင်ရေး အလုပ်သမားသပိတ်

    လက်ပံတောင်းတောင်က စစ်အာဏာရှင်ဆန့်ကျင်ရေး အလုပ်သမားသပိတ်

    RNA_နိုဝင်ဘာ (၂၂)၊ ၂၀၂၂ ခုနှစ်။
     
    စစ်ကိုင်းတိုင်း၊ ဆားလင်းကြီးမြို့နယ်၊ လက်ပံတောင်းတောင်ဒေသတွင် စစ်ကောင်စီတပ်သားများ၏ အန္တရာယ်ကြားမှ ဒေသခံတောင်သူ အလုပ်သမားများသည် စစ်အာဏာရှင် ဆန့်ကျင်ရေး တောင်ယာသပိတ်ကို ယနေ့ နံနက်ပိုင်းက ပြုလုပ်ခဲ့ကြသည်။
     
    ချင်းတွင်းမြစ်အနောက်ဘက်ကမ်းသပိတ်စစ်ကြောင်းမှဦးဆောင်ပြီီး ဒေသခံတောင်သူများ၊ ဒေသခံပြည်သူများနှင့်အတူ နေ့စဉ် စစ်အာဏာရှင်ဆန့်ကျင်ရေး ငြိမ်းချမ်းစွာ ဆန္ဒပြမှုများကို နေ့စဉ်ပြုလုပ်နေကြောင်း သိရသည်။
    Red News Agency

  • ပြည်သူကို အားနာတယ်

    ပြည်သူကို အားနာတယ်

    “အညာသူမကြီးက နှစ်ပေါင်းများစွာ စာရင်းငှားလုပ်ပြီး ခြစ်ခြုတ် စုထားတဲ့ နားက နားကပ်လေးကို ချွတ်လှူပြီး နားပေါက်ဟောင်းလောင်းနဲ့လည်း လှကြောင်း သက်သေပြနေတယ်”

    ချစ်ဝင်းမောင်

    ကျနော့်ကို အကိုတစ်ဦးက ပြောဖူးတယ်။ “မောင်ချစ်‌ရေ…အားနာတတ်တာက မကောင်းဘူး။ ဒါပေမဲ့ ကောင်းတယ်တဲ့” ။ ကျနော်က ရှုပ်သွားတယ် အကို။ နည်းနည်း အလင်းပြပါဦးဆိုတော့ အကိုက ဒီလို ဆက်ရှင်းပြတယ်။
    “အားနာတတ်တော့ အခြားသူတွေနဲ့ ယှဉ်ရင် ကိုယ့်ရဲ့ အခွင့်အရေး၊ ရပိုင်ခွင့်တွေကို ပြောဖို့၊ တောင်းဖို့၊ ရယူဖို့ တွန့်ဆုတ်တတ်တာမို့ အဆင်မပြေဖြစ်တတ်တယ်။ ဒဲ့ပြောရရင် ငတ် တတ်တယ်ကွ။ ဒါပေသိ တစ်ဖက်က ကြည့်ပြန်တော့ အခွင့်အရေးကို မမျှော်ဘဲ အလုပ် လုပ်တတ်တဲ့၊ အကျိုးမျှော်လို့ ညောင်ရေသွန်းတဲ့ စရိုက်တော့ မရှိတော့ဘူးပေါ့ကွာ။
    နောက်တစ်ခုက ဆိုင်/မဆိုင်တော့ မသိဘူးကွာ။ အားနာတတ်တဲ့သူတွေက သူများကျေးဇူးကို မမေ့တတ်ကြဘူးကွ။ ဒါကတော့ ငါ့အတွေ့အကြုံအရ ပြောတာပေါ့။ ဆိုတော့ကွာ… ငါ့ဖို့ မကြည့်တတ်တဲ့သူနဲ့ ကျေးဇူးသိသူ ဖြစ်ဖို့တော့ အားနာတတ်အောင် စိတ်ကို နှလုံးသွင်းကွာ”တဲ့။
    (more…)
  • ရွေးကောက်ပွဲလမ်းကြောင်း အရောင်တင်ရန် လွတ်ပေးသည့်အတွက် ကျေးဇူးတင်စရာမရှိဟု NUG ဝန်းကြီးပြောကြား

    ရွေးကောက်ပွဲလမ်းကြောင်း အရောင်တင်ရန် လွတ်ပေးသည့်အတွက် ကျေးဇူးတင်စရာမရှိဟု NUG ဝန်းကြီးပြောကြား

    RNA_နိုဝင်ဘာ(၁၇)၊၂၀၂၂ ခုနှစ်။
     
    အကြမ်းဖက်အာဏာသိမ်းစစ်ကောင်စီအဖွဲ့က အမျိုးသားအောင်ပွဲနေ့ အကြောင်းပြုကာ လွတ်ရက်နီး မတရားဖမ်းဆီးခံထားရသူများအပါအဝင် သာမန်ပြစ်ဒဏ်ကျ အကျဉ်းသားစသည်တို့ကို လွှတ်ပေးခြင်းသည်ရွေးကောက်ပွဲကို အရောင်တင်ရန်သာ ဖြစ်သည့်အတွက် ကျေးဇူးတင်စရာ မရှိကြောင်း NUG လူ့အခွင့်အရေးဆိုင်ရာဝန်ကြီးဌာန ပြည်ထောင်စုဝန်ကြီး ဦးအောင်မျိုးမင်းက ပြောကြားထားသည်။
     
    မင်းအောင်လှိုင်ဦးဆောင်နေသည့် အကြမ်းဖက်အာဏာသိမ်းအဖွဲ့သည် ၂၀၂၃ ခုနှစ်တွင် ရွေးကောက်ပွဲကျင်းပရန် ပြင်ဆင်နေကြောင်း၊ ယနေ့ လွှတ်ပေးသည့် နိုင်ငံရေးအကျဉ်းသားများထဲတွင် လွတ်နီးများပါရှိပြီး၊ဖမ်းဝရမ်းထုတ်ခံရသည့် အနုပညာရှင်တို့ ပါဝင်ကြောင်း၊ ခိုး၊ဆိုး၊လု၊နှိုက်စသည့် ပြစ်ဒဏ်ကျအကျဉ်းသားများပါဝင်ပြီး စုစုပေါင်း (၅၇၇၄) ဦး လွှတ်ပေးမည်ဟု သိရသည်။

    (more…)

  • ညပိုင်းအရေးပေါ် စစ်ဘေးရှောင်နေရ 

    ညပိုင်းအရေးပေါ် စစ်ဘေးရှောင်နေရ 

    စကစ တပ်၏ သတ်ဖြတ်မှုကြောင့် ညပိုင်းအရေးပေါ် စစ်ဘေးရှောင်နေရ

    RNA_နိုဝင်ဘာ(၁၅)၊၂၀၂၂ခုနှစ်။

    စစ်ကိုင်းတိုင်းတွင် စစ်ကောင်စီတပ် စစ်ကြောင်းမှ ဒေသခံပြည်သူများကို သတ်ဖြတ် နေအိမ်များကို မီးရှို့ဖျက်ဆီးနေသည့်အတွက် ဒေသခံပြည်သူများ ညပိုင်း ‌စစ်ဘေးရှောင်နေကြရသည်။

    ” အညာဒေသက ပြည်သူတွေဟာ အကြမ်းဖက်စစ်ခွေးတွေရဲ့ ရွာတွေကိုမီးရှို့မှုတွေ လူတွေကိုဖမ်းဆီးသက်မှုတွေကြောင့် ညအချိန်ကြီး စစ်ရှောင်နေကြသောမြင်ကွင်းပါ” ဟု 96 Soldiers -PDF အညာဒေသတပ်ခွဲက ရုပ်သံနှင့်တကွ အသိပေးထားသည်။

    [embedyt] https://www.youtube.com/watch?v=J6Em2qqMkNY[/embedyt]

    ယခုရက်ပိုင်း စစ်ကောင်စီတပ်သည် စစ်ကိုင်းတိုင်း၊ ဝက်လပ်မြို့နယ်မှာ ထိုးစစ်ဆင်နေပြီး နေသခံ PDF တပ်ဖွဲ့များနှင့် တိုက်ပွဲဖြစ်ပွားနေကြောင်း၊ စစ်ကောင်စီတပ်စစ်ကြောင်းက ကျေးရွာများကို ဝင်စီးကာ နေအိမ် အဆောက်အဦများကို မီးရှို့ပြီး တွေ့ရှိပြီး ဖမ်းဆီးရမိသည့် ပြည်သူများကို သတ်ဖြတ်နေကြောင်း သိရသည်။

    စစ်ကောင်စီတပ်သည် အောက်တိုဘာလအတွင်း တနိုင်ငံလုံးအတိုင်းအတာဖြင့် နေအိမ် အဆောက် အဦ ၁၅၁၀ လုံးထက်မနည်း မီးရှို့ဖျက်ဆီးခဲ့ရာ စစ်ကိုင်း တိုင်းမှာ ၁၁၂၄ လုံးထက်မနည်း၊ မကွေးတိုင်းမှာ ၃၇၁ လုံးထက်မနည်း ရှိခဲ့ကြောင်း၊ စစ်တပ်အာဏာ သိမ်းပြီးနောက် အောက်တိုဘာလအထိ စစ်ကိုင်းတိုင်းတွင် စစ်ဘေးဒုက္ခသည် ၆ သိန်းကျော်ရှိကြောင်း ISP – Myanmar ၏ အချက်အလက်များအရ သိရသည်။

    Red News Agency